28-Sep-2025

ସିନାପାଲି ( ଚିନ୍ତାମଣି ନେତାମ )ନୂଆପଡା ଜିଲ୍ଲା ସିନାପାଲି ବ୍ଲକ ଅନ୍ତର୍ଗତ ନୀଳଜୀ ସରସ୍ବତୀ ଶିଶୁ ବିଦ୍ୟାମନ୍ଦିର ଠାରେ ଭାରତ ବର୍ଷର ସର୍ବପୁରାତନ ସ୍ବେଛାସେବୀ ଅନୁଷ୍ଠାନ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଏକଶହ ବର୍ଷ ପୂର୍ତ୍ତି ଉପଲକ୍ଷେ ସିନାପାଲି ପ୍ରଖଣ୍ଡ ନୀଳଜୀ ମଣ୍ଡଳର ବିଜୟା ଦଶମୀ ଉତ୍ସବ ଯଥାରୀତି ଆୟୋଜିତ ହୋଇଯାଇଛି l ଏହି ଅବସରରେ ଅନୁଷ୍ଠିତ ସଭାକାର୍ଯ୍ୟରେ ସ୍ଥାନୀୟ ଶିଶୁମନ୍ଦିର ପରିଚାଳନା ସମିତିର ସଭାପତି ଶ୍ରୀଯୁକ୍ତ ସତ୍ୟବ୍ରତ ଗହୀର ସଭାପତିତ୍ୱ କରିଥିବାବେଳେ ମୁଖ୍ୟ ଅତିଥିଭାବରେ ସମାଜ ସେବୀ   ଶ୍ରୀଯୁକ୍ତ ଦେବ ଦେବ ସିଂ ଦେଓ, ବିଶିଷ୍ଟ ଅତିଥିଭାବରେ ସମାଜସେବୀ ଶ୍ରୀଯୁକ୍ତ ଲମ୍ବୋଦର ନିଆଲ ଓ ସିନାପାଲି ବ୍ଲକର ଗୋଷ୍ଠୀ ଉନ୍ନୟନ ଅଧିକାରୀ  ଶ୍ରୀମତୀ କାର୍ମି ଓରାମ, ମୁଖ୍ୟ ବକ୍ତା ଭାବରେ ବିଶ୍ୱହିନ୍ଦୁ ପରିଷଦ ଓଡିଶା ପଶ୍ଚିମପ୍ରାନ୍ତ ସହସମ୍ପାଦକ  ଶ୍ରୀଯୁକ୍ତ ମୋହନ ଚରଣ ଦାସ, ସମ୍ମାନିତ ଅତିଥିଭାବରେ ପୃଥ୍ୱୀରାଜ ମହାନ୍ତି,ଫରସ ରାମ ସା,ଦେବେନ୍ଦ୍ର କୁମାର ଖମାରୀ ଓ ଖଡ଼ିଆଳ ସାଂସଦ ପ୍ରତିନିଧି ଜ୍ଞାନ ରଞ୍ଜନ ମେଘ ତଥା ସମ୍ପାଦକ ଲକ୍ଷ୍ମଣ ପ୍ରଧାନ  ମଞ୍ଚାସିନ ଥିଲେ l ପ୍ରଧାନ ଆଚାର୍ଯ୍ୟ ତଥା ସ୍ୱୟଂ ସେବକ ପ୍ରଶାନନ୍ଦ କୁମ୍ଭାର ଅତିଥିଗଣଙ୍କ ପରିଚୟ ପ୍ରଦାନ କରିବା ପୂର୍ବକ ମଞ୍ଚକୁ ସ୍ୱାଗତ କରିଥିଲେ l ଅତିଥିଗଣଙ୍କୁ ଫୁଲ, ଚନ୍ଦନ ଓ ଉପଢୌକନ ଦେଇ ସମ୍ମର୍ଦ୍ଧିତ କରାଯାଇଥିଲା  l ମୁଖ୍ୟ ବକ୍ତା, ସଭାପତି ଓ ଅତିଥିଗଣ ସ୍ୱୟଂ ସେବକ ସଂଘ ଗଠନର ମହାନ ଲକ୍ଷ ଓ ଉଦେଶ୍ୟ ବିଷୟରେ ଉଦବୋଧନ ଦେଇଥିଲେ l ଭାରତ ବର୍ଷରେ ହିନ୍ଦୁମାନଙ୍କ ମଧ୍ୟରେ ଏକତା ଓ ସଂହତି ରକ୍ଷା, ସାମାଜିକ ସମରସତା, ନିଶାମୁକ୍ତ ଅଭିଯାନ ପର୍ଯ୍ୟା ବରଣ ସୁରକ୍ଷା, କୁସଂସ୍କାର ଦୂରୀକରଣ, ନାରିଜାଗରଣ,ଆତ୍ମ ନିଯୁକ୍ତି,ପ୍ରାକୃତିକ ବିପର୍ଯୟ ଓ ଆବଶ୍ୟକ ସ୍ଥଳରେ ସେବାକାର୍ଯ୍ୟ, ସଂସ୍କାର ଧର୍ମୀ ଶିକ୍ଷାର ପ୍ରସାର, ସ୍ଵଦେଶୀ ଦ୍ରବ୍ୟ ବ୍ୟବହାର ତଥା ପ୍ରାଚୀନ ସଂସ୍କୃତି ଓ ପରମ୍ପରାର ସୁରକ୍ଷା ଦିଗରେ ସଂଘ ଉତ୍ସର୍ଗୀ କୃତ ଭାବରେ କାର୍ଯ୍ୟ ଅନବରତ କରିଆସୁଛି ବୋଲି ମତ ବ୍ୟକ୍ତ କରିଥିଲେ l ସଭା ଶେଷରେ ସ୍ୱୟଂ ସେବକ ଧୀରେନ୍ଦ୍ର କୁମାର ସା ଅତିଥିଗଣଙ୍କୁ ଧନ୍ୟବାଦ ଦେଇଥିଲେ l  ଧ୍ୱଜ ପ୍ରାର୍ଥନା ଓ ପ୍ରଣାମ ପରେ  ସଭା ସାଙ୍ଗ ହୋଇଥିଲା  l ସଭାରେ ପୂର୍ବତନ ଓ ବର୍ତମାନର ପରିଚାଳନା ସମିତିର ସଭ୍ୟ/ ସଭ୍ୟା  ସଂସ୍କୃତି ପ୍ରେମୀ,ସୀତାରାମ ସା,ଖେଜା ସା,ସ୍ୱୟଂ ସେବକ ଦୀପକ ସା, ଅରବିନ୍ଦ ହୋତା,ତ୍ରିନାଥ ନାଗ,ଗଜମନ ନିଆଲ,ତାରାଚନ୍ଦ୍ର ପ୍ରଧାନ ଓ ସମସ୍ତ ଆଚାର୍ଯ୍ୟ / ଆଚାର୍ଯ୍ୟା ଉପସ୍ଥିତ ଥିଲେ l ଦ୍ଵିତୀୟ ପର୍ଯ୍ୟାୟର "ମାଆ ପାଇଁ ଗଛଟିଏ "କାର୍ଯ୍ୟକ୍ରମରେ ଅତିଥିଗଣ ଶିଶୁମନ୍ଦିର ପରିସରରେ ବୃକ୍ଷ ରୋପଣ କରିଥିଲେ  l