25-Sep-2025

ବିନିକା(ହିମାଂଶୁ ଶେଖର ପୁଟେଲ)ବିନିକାର ପୁରୁଣା ବସଷ୍ଟାଣ୍ଡ ସ୍ଥିତ ଭବ୍ୟ ଦୂର୍ଗା ମନ୍ଦିର ଠାରେ ଚାଲିଥିବା ନବରାତ୍ର ପୂଜାର ଆଜି ଚତୁର୍ଥ ଦିବସରେ ଜଗତଜନନୀ ମାଁ ଦେବୀଦୁର୍ଗା କୁଶମଣ୍ଡା ବେଶରେ ଭକ୍ତଙ୍କୁ ଦର୍ଶନ ଦେଇଛନ୍ତି।ଏଥିରେ ମୁଖ୍ୟ କର୍ତ୍ତା ଭାବେ ସୁନିଲ ପାତ୍ର ଓ ତାଙ୍କ ଧର୍ମପତ୍ନୀ ସୁକନ୍ୟା ପାତ୍ର ରହିଥିବା ବେଳେ ସହଯୋଗୀ କର୍ତ୍ତା ଭାବେ ବିନିକା ବିଜ୍ଞାପିତ ପରିଷଦ କାର୍ଯ୍ୟନିର୍ବାହୀ ଅଧିକାରୀ ମାନସ ରଞ୍ଜନ ଭୋଇ ଓ ତାଙ୍କ ଧର୍ମପତ୍ନୀ ବନ୍ଦନା ଭୋଇ,ଯୁବ ଉଦ୍ୟୋଗୀ ଘାସିରାମ ପଣ୍ଡା ଓ ତାଙ୍କ ଧର୍ମପତ୍ନୀ ଅଲିମା ପଣ୍ଡା ପ୍ରମୁଖ ଦାୟିତ୍ଵ ତୁଲାଇଥିଲେ।ସେହିପରି ମୁଖ୍ୟ ପୂଜକ ଭାବେ ସୁବାସ ଚନ୍ଦ୍ର ବଡ଼ପଣ୍ଡା,ସହଯୋଗୀ ପୂଜକ,କିଶୋର ଚନ୍ଦ୍ର ନାୟକ,ସଞ୍ଜୀବ ପାଢ଼ୀ,ଦେବାଶିଷ ପୁରୋହିତ,ଶ୍ରୀନାଥ ପଣ୍ଡା, ମନ୍ଦିର ପୂଜକ ଜନାର୍ଦ୍ଦନ ଆଚାର୍ଯ୍ୟ ପୂଜା କାର୍ଯ୍ୟ ତୁଲାଇଥିଲେ ।ଆଜି ସନ୍ଧ୍ୟାରେ ମାଁ ଙ୍କ ଦର୍ଶନ ପାଇଁ ମନ୍ଦିରରେ ବହୁ ଶ୍ରଦ୍ଧାଳୁ ଭକ୍ତଙ୍କ ଭିଡ଼ ହୋଇଥିଲା ଦର୍ଶନ ପାଇଁ ଆସିଥିବା ଶ୍ରଦ୍ଧାଳୁ ଭକ୍ତଙ୍କ ମନୋରଞ୍ଜନ ସକାଶେ କମିଟି ପକ୍ଷରୁ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ସେହିପରି ଅନ୍ୟ ପକ୍ଷରେ ନବଦିନାତ୍ମକ ଦୁର୍ଗା ପୂଜାର ଚତୁର୍ଥ ଦିନରେ ବିନିକା ଅଞ୍ଚଳର ପ୍ରସିଦ୍ଧ ଶୈବପୀଠ ଚରଦାର ବାବା କପିଳେଶ୍ଵର ମନ୍ଦିରରେ ପୂଜା ପାଉଥିବା ମା ଚରଦେଇ ଆଜି କୁଷ୍ମାଣ୍ଡ ବେଶରେ ଶ୍ରଦ୍ଧାଳୁ ମାନଙ୍କୁ ଦର୍ଶନ ଦେଇଛନ୍ତି l ଏହି ପୂଜା କାର୍ଯ୍ୟରେ ପୂଜକ ଭାବେ ଶ୍ରୀବନ୍ତ କଟୁଆଳ,ପୁରୋହିତ ଭାବେ ରମେଶ ପୁରୋହିତ,ଭାସ୍କର ପୁରୋହିତ ଦାୟିତ୍ଵ ନିର୍ବାହ କରିଥିବା ବେଳେ କର୍ତ୍ତା ଭାବେ ସୂର୍ଯ୍ୟ ନାରାୟଣ ଥନାପତି ରହିଛନ୍ତି l ଟ୍ରଷ୍ଟ ବୋର୍ଡ ସଭାପତି ଅଶୋକ ପୃଷ୍ଟିଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଚଳିତ ବର୍ଷ କଟୁଆଳ ପଡାର ସେବାୟତ ଚିତ୍ତ ରଞ୍ଜନ ଥନାପତି,ଦେବନାରାୟଣ ଥନାପତି,ଗୋପାଳ ଥନାପତି, ଅଲେଖ ଥନାପତି ମା ଚରଦେଇଙ୍କ ସେବାରେ ନିୟୋଜିତ ଥିବାବେଳେ ମା ଙ୍କ ବେଶ ଓ ସାଜସଜ୍ଜାରେ ଗୋପବନ୍ଧୁ ବାରିକ ଓ ପ୍ରେମରାଜ ଷlଣ୍ଢ ସଜ୍ଜିତ କରିଥିଲେ l ଏହି ବେଶ ଦର୍ଶନ କରିବା ପାଇଁ ଆଜି ସନ୍ଧ୍ୟାରେ ମନ୍ଦିରରେ ପ୍ରବଳ ଶ୍ରଦ୍ଧାଳୁ ଭକ୍ତଙ୍କ ଭିଡ ଜମିଥିଲା।