22-Sep-2025

ଲୋଇସିଂହା, (ବିନୋଦ ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ଅନ୍ତର୍ଗତ ରତାଖଣ୍ଡି ଗ୍ରାମ ରେ ଆମ୍ବେଦକର କ୍ଲବ ପକ୍ଷରୁ ନୁଆଁଖାଇ ଭେଟଘାଟ - 2025 କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଲୋଇସିଂହା ବ୍ଲକ ଲକ୍ଷେଘର ଗଣ୍ଡା ସମାଜ ର ସଭାପତି ଅନନ୍ତ କଲେତ ଙ୍କ ସଭାପତିତ୍ୱ ରେ ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ୟଅତିଥି ଭାବେ ବିଜେଡ଼ି ବିଧାୟକ ପ୍ରାର୍ଥୀ ନିହାର ରଞ୍ଜନ ବେହେରା ଯୋଗଦେଇ  ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଏକ ଏମିତିକା ପର୍ବ ଯାହା ଭାଇଚାରା, ସମାନତା,  ପରମ୍ପରା ଓ ପରିବାର ସମାଜ କୁ ଗୋଟେ ସୂତ୍ରରେ ବାନ୍ଧି ରଖିବା ସହ ଜାତି ସମାଜ କୁ ଏକ ବନ୍ଧନ ରେ ବାନ୍ଧି ରଖିଥାଏ ବୋଲି ମତ ପ୍ରକାଶ କରିଥିଲେ l ସଂମ୍ମାନିତ ଅତିଥି ଭାବେ ବିଜେଡ଼ି ନେତା ପାଣ୍ଡଵ କୁମ୍ଭାର, ଲୋଇସିଂହା ବିଜେଡ଼ି ମହିଳା ସଭାନେତ୍ରୀ ଜ୍ୟୋସ୍ନାମୟୀ ନାଗ,ରତାଖଣ୍ଡି ସରପଞ୍ଚ ହିମାଞ୍ଚଳ ମେହେର,କଂଗ୍ରେସ ନେତା ଅର୍ଜୁନ ମୁଗ୍ରୀ ପ୍ରମୁଖ ଯୋଗଦେଇ ନୂଆଁଖାଇ ଭେଟଘାଟ ଉପରେ ନିଜ ବକ୍ତବ୍ୟ ରଖିଥିଲେ l ଏହି ଅବସରରେ କୁନିକୁନି ପ୍ରତିଭା ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା l

ପରେ ଅଂଚଳ ର କୁନି ପିଲାଙ୍କ ଦ୍ୱାରା ସଂସ୍କୃତିକ କାର୍ଯ୍ୟକ୍ରମ ପରିବେଷଣ ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା l ଏହି କାର୍ଯ୍ୟକ୍ରମ କୁ ଶିକ୍ଷକ ଦିଲ୍ଲୀପ ମିଶ୍ର ପରିଚାଳନା କରିଥିବା ବେଳେ ଶେଷରେ ଅନନ୍ତ କଲେଥ ଧନ୍ୟବାଦ ଅର୍ପଣ କରିଥିଲେ।ରତାଖଣ୍ଡି ଭଳି ଗ୍ରାମାଞ୍ଚଳ ରେ ନୂଆଁଖାଇ ଭେଟଘାଟ କାର୍ଯ୍ୟକ୍ରମ ଆୟୋଜନ କୁ ଅଞ୍ଚଳ ରେ ଖୁବ ପ୍ରଶଂସା କରିଛନ୍ତି l