19-Sep-2025

ରେଢ଼ାଖୋଲ(ଅନିଲ ପୃଷ୍ଟି) ସମ୍ବଲପୁର ଜିଲ୍ଲା ରେଢ଼ାଖୋଲ ବ୍ଳକ କଦଳୀ ଗଡ଼ ସ୍ଥିତ ଅର୍ଜୁନ ଡିଗ୍ରୀ କଲେଜ୍ ରେ +୩ ପ୍ରଥମ ବର୍ଷ ରେ ପ୍ରବେଶ ନେଇଥିବା ଛାତ୍ରଛାତ୍ରୀ ମାନଙ୍କ ସ୍ବାଗତ ସମ୍ବର୍ଦ୍ଧନା "ପଦାର୍ପଣ" କାର୍ଯ୍ୟକ୍ରମ ଶୁକ୍ରବାର ସକାଳେ କଲେଜ୍ ଅଧ୍ୟକ୍ଷ ଅଖିଳେନ୍ଦ୍ର ଶାସନୀଙ୍କ ସଭାପତିତ୍ବରେ ଅନୁଷ୍ଠିତ ହେଇ ଯାଇଛି। ପ୍ରଦୀପ ପ୍ରଜ୍ବଳନ, ବୈଦିକ ମନ୍ତ୍ର ପାଠ, ସ୍ବାଗତ  ସଙ୍ଗୀତ ପୂର୍ବକ ସଭାକାର୍ଯ୍ୟ ଆରମ୍ଭ ହେଇଥିଲା ।

ପ୍ରଥମେ ଇତିହାସ ଅଧ୍ୟାପକ ବୈନତେୟ  ସାହୁ ଅତିଥି ପରିଚୟ ପ୍ରଦାନ କରିଥିଲେ ଅଧ୍ୟକ୍ଷ ଶାସନୀ  କଲେଜର ଆଭିମୁଖ୍ୟ ଏବଂ  ଛାତ୍ରଛାତ୍ରୀଙ୍କ ସଫଳତାର ସମ୍ୟକ ସୂଚନା ପ୍ରଦାନ କରିଥିଲେ। ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ରେଢ଼ାଖୋଲ ଉପଜିଲ୍ଲାପାଳ ରଶ୍ମି ରଞ୍ଜନ ମହାନ୍ତ ଯୋଗଦେଇ ଛାତ୍ର ଛାତ୍ରୀ ମାନଙ୍କ ଉଜ୍ଜଳ ଭବିଷ୍ୟତ କାମନା ପୂର୍ବକ ବହୁମୁଖି ପ୍ରତିଭା ର ଅଧିକାରୀ ହେବା ସହ ଏକ ଆଦର୍ଶ ଛାତ୍ର ହେବା ପାଇଁ ଆହ୍ବାନ ଦେଇଥିଲେ। ସମ୍ମାନିତ ଅତିଥି  ଭାବେ ଗୋଷ୍ଠୀ ଉନ୍ନୟନ ଅଧିକାରୀ ରାଜେନ୍ଦ୍ର ନାରାୟଣ ସେନାପତି ଯୋଗ ଦେଇ ମହାବିଦ୍ୟାଳୟ ଉନ୍ନତି ରେ ଛାତ୍ରଛାତ୍ରୀଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ନିଜ ଅଭିଭାଷଣ ରେ କହିଥିଲେ।
ଏହି ପରିପ୍ରେକ୍ଷୀରେ ରେ ସାହିତ୍ୟ ସାଧକ କନ୍ଦର୍ପ ବେହେରାଙ୍କୁ ଶକୁନ୍ତଳା ସାହିତ୍ୟ ସମ୍ମାନ ଏବଂ ନୃତ୍ୟ ସାଧକ ଶ୍ରୀ ରାକେଶ ସାହୁ ଙ୍କୁ ଅର୍ଜୁନ ନୃତ୍ୟ ଗୁରୁ ସମ୍ମାନ ମୁଖ୍ୟ ଅତିଥିଙ୍କ ଦ୍ଵାରା ସମସ୍ତ ଅତିଥିଙ୍କ ଗହଣରେ  ପ୍ରଦାନ କର ଯାଇଥିଲା ମୁଖ୍ୟ ବକ୍ତା ଭାବେ ଭୀମ ଭୋଇ ମହାବିଦ୍ୟାଳୟ ର ଅଧ୍ୟକ୍ଷ ଅମୂଲ୍ୟ କୃଷ୍ଣ ପାଢ଼ୀ ଯୋଗ ଦେଇ ବିଦ୍ୟାର୍ଥୀ ର କର୍ତ୍ତବ୍ୟ ଏବଂ ଦାୟିତ୍ଵ  ବିଷୟରେ  ଛାତ୍ରଛାତ୍ରୀ ମାନଙ୍କୁ ଉଦବୋଧନ

ଦେଇଥିଲେ।ଭୀମ ଭୋଇ ମହାବିଦ୍ୟାଳୟର ରାଜନୀତି ବିଜ୍ଞାନ ବିଭାଗାଧ୍ୟକ୍ଷ ଡଃ ଦିବ୍ୟଲୋଚନ ରାଉତ ଏବଂ ଦର୍ଶନ ବିଭାଗର ବିଭାଗାଧ୍ୟକ୍ଷ ରାମଚନ୍ଦ୍ର ଭୋଇ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ। ନବାଗତ ଛାତ୍ରଛାତ୍ରୀ ନିଜ ନିଜର ପରିଚୟ ପ୍ରଦାନ କରିଥିଲେ ଏବଂ ଛାତ୍ରଛାତ୍ରୀଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହେଇଥିଲା। ସଭା ଶେଷରେ ଅତିଥି ମାନଙ୍କୁ ମହାବିଦ୍ୟାଳୟ ପରିଚାଳନା କମିଟିର ସଭାପତି କୃଷ୍ଣ ଚନ୍ଦ୍ର ହୋତା ଆମନ୍ତ୍ରିତ ଅତିଥି ଗଣଙ୍କୁ ଧନ୍ୟବାଦ ଅର୍ପଣ କରି ଥିଲେ। ଉକ୍ତ କାର୍ଯ୍ୟକ୍ରମ ରେ କଲେଜ୍ ର +୩ ଦ୍ଵିତୀୟ ବର୍ଷ ଏବଂ ତୃତୀୟ ବର୍ଷ ର ଛାତ୍ର ଛାତ୍ରୀ, ଓଡ଼ିଆ ଅଧ୍ୟାପିକା ବିସ୍ମିତା ମହାକୁଡ, ରାଜନୀତି ବିଜ୍ଞାନ ଅଧ୍ୟାପିକା ଅସୀମା ପ୍ରଧାନ, ଇଂରାଜୀ ଅଧ୍ୟାପକ ଅବନୀ କୁମାର ଗୁରାଣ୍ଡି, ଶିକ୍ଷା ଅଧ୍ୟାପକ ଶ୍ରୀଯୁକ୍ତ ସୁଦର୍ଶନ, କର୍ମଚାରୀ ଶିକୁନ ବେହେରା, ବେଲାରସେନ ସାହୁ ସମସ୍ତ ପ୍ରକାରର ସହଯୋଗ କରିଥିଲେ।