18-Sep-2025

ବଲାଙ୍ଗୀର(ପ୍ରେରଣା ଖବର): ଆସନ୍ତା ଅକ୍ଟୋବର ୨ ତାରିଖ ପବିତ୍ର ଗାନ୍ଧୀ ଓ ଶାସ୍ତ୍ରୀ ଜୟନ୍ତୀ ଅବସରରେ ପ୍ରେରଣା ନ୍ୟୁଜ୍ ପୋର୍ଟାଲର ପଂଚମ ସ୍ୱନକ୍ଷତ୍ର ଦିବସ  ସ୍ଥାନୀୟ ଟାଉନ୍ ବାଳିକା ଉଚ୍ଚବିଦ୍ୟାଳୟ ଠାରେ ଅନୁଷ୍ଠିତ ହେବା । ଏଥିପାଇଁ ଆଜି ସକାଳେ ପତିତପାବନ ଏକାଡେମୀ ଠାରେ ପ୍ରଥମରୁ ଦଶମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ନେଇ ତିନୋଟି ବିଭାଗରେ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପ୍ରେରଣାର ସଂପାଦକ ରଘୁ ନନ୍ଦନ ସିଂହଙ୍କ ପରିଚାଳନାରେ ଆୟୋଜିତ ଏହି 

ପ୍ରତିଯୋଗିତାରେ ବିଚାରକ ଭାବରେ ଚିତ୍ରଶିଳ୍ପୀ ସତ୍ୟ ସିଂଦେଓ, ବିକାଶ ଭେଲି ବିଦ୍ୟାଳୟର ପରିଚାଳନା ନିର୍ଦ୍ଦେଶକ ଅମ୍ବରିଶ କୁମାର ଦାଶ, ଶ୍ରୀଜୀ ବିଇଡି ଇନ୍‌ଷ୍ଟିଚ୍ୟୁଟର୍  ନିର୍ଦ୍ଦେଶିକା ସ୍ୱରୂପାରାଣୀ ଠାକୁର ଓ ଆକୁଳ ବେହେରା ଯୋଗ ଦେଇ କୃତୀ ପ୍ରତିଯୋଗୀ ମାନଙ୍କ ନାମ ଘୋଷଣ କରିଥିଲେ । ଏହି ପ୍ରତିଯୋଗିତlରେ ବଲାଙ୍ଗୀର ସହରର ବିଭିନ୍ନ ସ୍କୁଲର ଶତାଧିକ ଛାତ୍ରଛାତ୍ରୀ ଭାଗ ଦେଇଥିଲେ । ପ୍ରତିଯୋଗିତାକୁ ସଫଳ କରିବାରେ ସାମ୍ବାଦିକ ରାଧାକ୍ରିଷ୍ଣ ମିଶ୍ର, ପତିତପାବନ 

ଏକାଡେମୀର ପ୍ରଧାନଶିକ୍ଷୟିତ୍ରୀ ଅଂଶୁପା ଭୋଇଙ୍କ ସମେତ ଅନ୍ୟ ଶିକ୍ଷକଶିକ୍ଷୟିତ୍ରୀ ମାନେ ସହଯୋଗ କରିଥିଲେ । ସମସା୍‌ତ କୃତୀ ପ୍ରତିଯୋଗୀ ମାନଙ୍କୁ ଆସନ୍ତା ଅକ୍ଟୋବର ୨ ତାରିଖ  ସକାଳ ୧୧ ଟା ସମୟରେ ପ୍ରେରଣାର ନ୍ୟୁଜ୍ ପୋର୍ଟାଲର ପଂଚମ ପ୍ରତିଷ୍ଠା ଦିବସ ଅବସରରେ ଅନୁଷ୍ଠିତ ଏକ ସ୍ୱତନ୍ତ୍ର ଉତ୍ସବରେ ପୁରସ୍କୃତ କରାଯିବ ବୋଲି ପ୍ରେରଣା ସଂପାଦକ ରଘୁ ନନ୍ଦନ ସିଂହ ସୂଚନା ଦେଇଛନ୍ତି ।