18-Sep-2025

ଲୋଇସିଂହା, (ପ୍ରେରଣା ଖବର) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ରେ ବ୍ଲକ ସ୍ତରୀୟ ମଁl ପାଇଁ ଗଛଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଯଶ୍ୱସୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଙ୍କ 75 ତମ ଜନ୍ମଦିନ ଅବସରରେ ମଁl ପାଇଁ ଗଛଟିଏ କାର୍ଯ୍ୟକ୍ରମ ସାରା ଦେଶ ରେ ଅଭିଯାନ ରେ ପରିଣତ ହୋଇଛି l ଏହି ଅବସରରେ ମଁl ପାଇଁ ଗଛଟିଏ କାର୍ଯ୍ୟକ୍ରମ ବୁର୍ଡ଼l ଗ୍ରାମ ଉଚ୍ଚ ବିଦ୍ୟାଳୟ ପରିସରରେ ଶତାଧିକ ବୃକ୍ଷରୋପଣ କରାଗଲା l କାର୍ଯ୍ୟକ୍ରମ ରେ ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନୀୟ ଅତିଥି ଭାବେ ଲୋଇସିଂହା ବିଡ଼ିଓ ଅକ୍ଷୟପାଣି ଉଦ୍ଦୁ, ଏବିଡ଼ିଓ କିଶୋରଚନ୍ଦ୍ର ମାନସିଂହ, ଲୋଇସିଂହା ସରପଞ୍ଚ ନବକିଶୋର ନାଏକ, ବୁର୍ଡ଼l ସରପଞ୍ଚ ସୁଦିପ ସା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ବୃକ୍ଷରୋପଣ କରିଥିଲେ l ଏହା ମା ପ୍ରତି ସମ୍ମାନ ଦେବାସହ ପରିବେଶ, ତାପମାତ୍ରା, ବୃଷ୍ଟିପାତ, ଅମ୍ଳଜାନ ସହ ମୃତ୍ତିକା ସଂରକ୍ଷଣ ଏହାର ଲକ୍ଷ୍ୟ ବୋଲି ଅତିଥି ମାନେ ପ୍ରକାଶ କରିଥିଲେ l ଲୋଇସିଂହା ପଂଚାୟତ ପରିସରରେ ମଧ୍ୟ ସରପଞ୍ଚ ନବକିଶୋର ନାଏକ ଓ ସରପଞ୍ଚ ଲକ୍ଷ୍ମୀ ପଧାନ ବୃକ୍ଷରୋପଣ କରିଥିଲେ l ବ୍ଲକ କର୍ମଚାରୀ, ବିଭିନ୍ନ ସ୍ୱୟଂ ସହାୟକ ଦଳ ଓ ଗ୍ରାମବାସୀ ଉକ୍ତ ବୃକ୍ଷରୋପଣ କାର୍ଯ୍ୟକ୍ରମ ରେ ସହଯୋଗ କରିଥିଲେ l