09-Sep-2025

ବଲାଙ୍ଗୀର ଜିଲ୍ଲା ଓକିଲ ସଂଘର କାର୍ଯ୍ୟକାରିଣୀ ବୈଠକ ସ୍ଥାନୀୟ ସିଭିଲ କୋର୍ଟ ବାର୍ ହଲ୍ ଠାରେ ଅନୁଷ୍ଠିତ ହୋଇଥିଲା । ଏଥିରେ ସଂଘର ବିଭିନ୍ନ ସାଂଗଠନିକ  ପ୍ରସ୍ତୁତି ଓ ଆଗାମୀ କାର୍ଯ୍ୟପନ୍ଥା ବିଷୟରେ ଆଲୋଚନା ହୋଇଥିଲା । ଓକିଲ ଓ ଜନସାଧାରଣଙ୍କ ସୁବିଧାଦୃଷ୍ଟିରୁ ବଲାଙ୍ଗୀର ମୁନିସିପାଲିଟି ଅନ୍ତର୍ଗତ ସୁଦପଡାର ଜେଲ୍‌ଖାନା ପାଖରେ ପ୍ରସ୍ତାବିତ ସିଭିଲ କୋର୍ଟ ନିର୍ମାଣ ବଦଳରେ ବସ ଟର୍ମିନାଲ ପାଖ ସ୍ଥାନ ହିଁ ସିଭିଲ କୋର୍ଟ ପାଇଁ ଉପଯୁକ୍ତ ସ୍ଥାନ ବୋଲି ମତପ୍ରକାଶ ପାଇଥିଲା । ରାଜ୍ୟସରକାର ତାଙ୍କ ନିଷ୍ପତ୍ତି ପରିବର୍ତ୍ତନ କରି ବସଟର୍ମିନାଲ ପାଖରେ ସିଭିଲ କୋର୍ଟ ନିର୍ମାଣ କରିବାକୁ ପ୍ରସ୍ତାବ ଆଗତ କରାଯାଇଥିଲା । ଆସନ୍ତାକାଲି ମାନ୍ୟବର ରାଜସ୍ୱ ମନ୍ତ୍ରୀ ସୁରେଶ ପୂଝାରୀଙ୍କ ବଲାଙ୍ଗୀର ଆଗମନ ଅବସରରେ ଓକିଲ ସଂଘ ପକ୍ଷରୁ ଏକ ପ୍ରତିନିଧି ଦଳ ମନ୍ତ୍ରୀଙ୍କୁ ସାକ୍ଷାତ କରି ଏ ସଂପର୍କରେ ଅବଗତ କରାଇବାକୁ ନିଷ୍ପତ୍ତି ହୋଇଥିଲା । ଏ  ସଂକ୍ରାନ୍ତରେ ଜିଲ୍ଲା ଦୌରାଜଜ୍ ଙ୍କୁ ମଧ୍ୟ ସଂଘ ପକ୍ଷରୁ ଏକ  ଦାବି ପତ୍ର ପ୍ରଦାନ କରାଯାଇଥିଲା l ଜିଲ୍ଲା ଓକିଲ ସଂଘର ସଭାପତି ବାସୁଦେବ ରଥଙ୍କ ପୌରହିତ୍ୟରେ ଅନୁୁଷ୍ଠିତ ଏହି ବୈଠକରେ ସଂଘର ସଂପାଦକ ସଂଜୟ ବଗର୍ତ୍ତୀଙ୍କ ସମେତ ଯୁଗ୍ମ ସଂପାଦକ ସୁମିତ ଖୁଆସ, ସରୋଜ ଗୁପ୍ତା, ଆର୍ତ୍ତତ୍ରାଣ ପୁରୋହିତ, ଦିପ୍ତି ଶର୍ମା, ପ୍ରମୋଦ ତ୍ରିପାଠୀ, ଚନ୍ଦ୍ର ଶେଖର ମିଶ୍ର, ମଳୟ ରଂଜନ ଗଡତ୍ୟା, ଗୋବିନ୍ଦ ମହାନ୍ତି, ସବିତାରାଣୀ ମିଶ୍ର, ରାଜେନ୍ଦ୍ର ମିଶ୍ର, ସମୀର ମିଶ୍ର, ଶିବଦତ୍ତ ଦ୍ୱିବେଦ ପ୍ରମୁଖ ଆଲୋଚନାରେ ଅଂଶଗ୍ରହଣ କରିଥିଲେ ।