07-Sep-2025

ବଲାଙ୍ଗୀର(ପ୍ରେରଣା ଖବର): ବଲାଙ୍ଗୀରର କଲେଜଛକ ସରଶ୍ୱତୀ ଶିଶୁବିଦ୍ୟାମନ୍ଦିରଠାରେ ଅଖିଳଭାରତୀୟ ବିଦ୍ୟାର୍ଥି ପରିଷଦ ଛାତ୍ରସଂଗଠନର (ପଶ୍ଚିମପ୍ରାନ୍ତ) ରାଜ୍ୟକାର୍ଯ୍ୟକାରିଣୀ ବୈଠକ ଆରମ୍ଭ ହୋଇଯାଇଛି । ଏଥିରେ ମୁଖ୍ୟ ଅତିଥିଭାବେ  ଓଡିଶା ସରକାରଙ୍କ ସ୍ୱାସ୍ଥ୍ୟ, ପରିବାରକଲ୍ୟାଣ, ସଂସଦୀୟ ବ୍ୟାପାର, ଇଲେକ୍ଟ୍ରୋନିକ୍ସ ଓ ପ୍ରଯୁକ୍ତିବିଦ୍ୟା ବିଭାଗର ମନ୍ତ୍ରୀ ଡ.ମୁକେଶ ମହାଲିଙ୍ଗ ଓ ଅଖିଳଭାରତୀୟ ଜନଜାତି ପ୍ରମୁଖ  ପ୍ରମୋଦ ରାଉତ ଯୋଗଦେଇ କାର୍ଯ୍ୟକ୍ରମକୁ ଉଦଘାଟନ କରି ସଂଗଠନର ଆଗାମୀ କାର୍ଯ୍ୟପନ୍ଥା ବିଷୟରେ ଆଲୋଚନା କରିଥିଲେ । ବଲାଙ୍ଗୀର ପୂର୍ବ କ୍ଷେତ୍ର କ୍ଷେତ୍ରୀୟ ସଂଗଠନ ସଂପାଦକ ଅପାଂଶୁଶେଖର ସିଲ,ରାଜ୍ୟ ସଭାପତି ସଂଜୀବ ନାଏକ,ପଶ୍ଚିମପ୍ରାନ୍ତ ପ୍ରାନ୍ତ ସଂଗଠନ ସଂପାଦକ ନିକୁଞ୍ଜବିହାରୀ

ପଣ୍ଡା, ରାଜ୍ୟ ସଂପାଦକ କ୍ଟେତାଂଶୁଶେଖର ବରାଇ ପ୍ରମୁଖ ମଞ୍‌ଚାସୀନ ଥିଲେ । ଆଗାମୀଦିନରେ ସମସ୍ତ କଲେଜରେ ସଦସ୍ୟସଂଗ୍ରହ, ସଂଗଠନ ତଥା କଲେଜ ନିର୍ବାଚନ ବିଷୟରେ ବୈଠକରେ ଆଲୋଚନା ହୋଇଥିଲା । କ୍ଷେତ୍ରୀୟସଂଗଠନ ସଂପାଦକ ଏବିଭିପିର କାର୍ଯ୍ୟପଦ୍ଧତି ଓ ସାଂଗଠନିକ ନିଷ୍ପତ୍ତି ଉପରେ ମତ ରଖିଥିଲେ । ସହସଂପାଦକ ବୈଲୋଚନ ସାହୁ ଉପସ୍ଥିତ ରହିଥିଲେ । କଲେଜ କ୍ୟାମ୍ପସରେ ସକାରାତ୍ମକ ଦୃଷ୍ଟିକୋଣ ସହ ଶୈକ୍ଷିକ ବାରତାବରଣ ସୃଷ୍ଟି ସହ କାର୍ଯ୍ୟକର୍ତ୍ତା ଙ୍କୁ ସଦସ୍ୟତା, ଶାଖା ଗଠନ, ଜିଲ୍ଲା ଓ ଅଭୟାସ ବର୍ଗ, ବୈଠକ ଓ ପ୍ରବାସ, ଜନଜାତି ଗୌରବଦିବସ, ରାଜ୍ୟ ଅଧିବେଶନ, ଆୟାମ ଓ ଗତିବିଧି କାର୍ଯ୍ୟ,ସାମାଜିକ ଗଣମାଧ୍ୟମ ଓ କାର୍ଯ୍ୟାଳୟ, ଛାତ୍ରସଂନ୍ଦେଶ ପତ୍ରିକା ଆଦି ବିଷୟରେ ଆଲୋଚନା ହୋଇଥିଲା ।