06-Sep-2025

କଣ୍ଟାମାଳ(ଜୟକୁମାର ମହାରଣା): ଓଡିଶା ରାଜ୍ୟ ବେସରକାରୀ ଅଧ୍ୟାପକ ଓ କର୍ମଚାରୀ ସଂଘର ଆହ୍ୱାନ କ୍ରମେ ବୌଦ୍ଧ ଜିଲ୍ଲା ସଂଯୋଜକ ସୁବାଷ ବାରିକ, କଣ୍ଟାମାଳ ଖଣ୍ଡ ସଂଯୋଜକ ଶିବଦତ୍ତ ପୁରୋହିତ ଏବଂ ଅଧ୍ୟାପକ ସୁନୀଲ ହରିପାଳଙ୍କ ତତ୍ତ୍ୱାବଧାନରେ କଣ୍ଟାମାଳ ଠାରେ ଗୁରୁଦିବସକୁ କଳା ଦିବସ ରୂପେ ପାଳନ କରାଯାଇଛି।ସରକାରଙ୍କ ସହ ବାରମ୍ବାର ଆଲୋଚନା ତଥା ମୁଖ୍ୟମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରାଯାଇଥିଲେ ମଧ୍ୟ କୌଣସି ସୁଫଳ ମିଳି ନାହିଁ। ସ୍ୱଳ୍ପ ଦରମାରେ ପାଠପଢା ସହିତ ମହାବିଦ୍ୟାଳୟର ଅନ୍ୟାନ୍ୟ ସରକାରୀ କାର୍ଯ୍ୟ କରୁଥିଲେ ମଧ୍ୟ ସରକାର ୨୦୦୮-୨୦୧୮  ନୂତନ ଅନୁଦାନ ନୀତି ପ୍ରତି କର୍ଣ୍ଣପାତ କରୁ ନାହାନ୍ତି ବୋଲି ଅଭିଯୋଗ କରି ଅଧ୍ୟାପକ ଓ କର୍ମଚାରୀ ମାନେ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଛନ୍ତି।ତୁରନ୍ତ ଏହାର ସମାଧାନ ପାଇଁ ସରକାର ବିଧିବଦ୍ଧ ନିଷ୍ପତି ଗ୍ରହଣ ନ କଲେ ଆଗକୁ ଏହି ଆନ୍ଦୋଳନ ତୀବ୍ର ରୂପ ନେବ।ଏଥିରେ କଣ୍ଟାମାଳ  ଖଣ୍ଡର ସମସ୍ତ ୨୦୦୮  ରୁ ୨୦୧୮ ମଧ୍ୟରେ ପରିଚାଳନା ସମିତି ଦ୍ୱାରା ନିଯୁକ୍ତ ଅଧ୍ୟାପକ, ଅଧ୍ୟାପିକା,କର୍ମଚାରୀ, ଅଭିଭାବକ ଓ ଛାତ୍ରଛାତ୍ରୀ ମାନେ ମଧ୍ୟ ଯୋଗଦାନ କରିଥିଲେ।