02-Sep-2025

ବୀରମହାରାଜପୁର, (ବିନୋଦ ପାଣ୍ଡେ )  : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟ କୁ ମଙ୍ଗଳବାର ଉଚ୍ଚଶିକ୍ଷା ଆଞ୍ଚଳିକ ନିର୍ଦେଶକ ପ୍ରଫେସର ଉମା ଶଙ୍କର ଦାଶ  ପରିଦର୍ଶନ କରିଛନ୍ତି I  ଅନୁଷ୍ଠାନର ଅଧ୍ୟକ୍ଷ ଡ଼. ହିମାଂଶୁ ଶେଖର ପାଢ଼ୀ ତାଙ୍କୁ ସ୍ୱାଗତ କରି ପାଛୋଟି ଆଣିଥିଲେ I ପ୍ରଫେସର ଦାଶ ବିଭିନ୍ନ ବିଭାଗ, ବିଜ୍ଞାନାଗାର, ପାଠାଗାର, ଖେଳ ପଡିଆ ଆଦି  ଭିତ୍ତିଭୂମି ପରିଦର୍ଶନ  କରିବା ସହିତ ଏହାର ପ୍ରଶଂସା କରିଥିଲେ I  ଖେଳ ପଡିଆ ପରିଦର୍ଶନ କରି ଆନନ୍ଦିତ ହେବା ସହିତ ଏହାକୁ ସୁରକ୍ଷା କରି ରଖିବା ଆବଶ୍ୟକ ବୋଲି କହିଥିଲେ Iପିଲାମାନଙ୍କ ପଢାପଢା ତଥା ପରୀକ୍ଷା ପଳାଫଳକୁ ନେଇ ସନ୍ତୋଷ ପ୍ରକାଶ କରିବା ସହିତ ଆହୁରି ଉନ୍ନତି ଆଣିବାକୁ ସେ ଉପଦେଶ  ଦେଇଥିଲେ I ପରେ ପରେ ସମସ୍ତ ଅଧ୍ୟାପକ ଓ ଅଧ୍ୟାପିକା ମାନଙ୍କ ସହିତ ବୈଠକ କରି ନାକ ଆକ୍ରେ୍ଡେସନ ପାଇଁ ପ୍ରସ୍ତୁତ ହେବା ସହିତ ଆବଶ୍ୟକ ଭିତ୍ତିଭୂମି ପ୍ରସ୍ତୁତ  କରିବାକୁ ପରାମର୍ଶ ଦେଇଥିଲେ I ନିର୍ଦେଶକଙ୍କ ପରିଦର୍ଶନ ଅଧ୍ୟାପକ ଓ ଅଧ୍ୟାପିକା  ତଥା ଅଣଶିକ୍ଷା କର୍ମଚାରୀ ମାନଙ୍କ ମନୋବଳ ବଢ଼ାଇବାରେ ସହାୟକ ହେବବୋଲି ଅଧ୍ୟକ୍ଷ ଡ଼. ପାଢ଼ୀ ପ୍ରକାଶ କରିଛନ୍ତି I ନିର୍ଦେଶକ ପ୍ରଫେସର ଦାଶଙ୍କୁ କଲେଜର  ମୁଖପତ୍ର - ଭୂମାର ଦୁଇଟି ସଂସ୍କରଣ ପ୍ରଦାନ କରାଯାଇଥିଲା I