18-Aug-2025

ବଲାଙ୍ଗୀର: ସ୍ଥାନୀୟ ବରଗଡ ଅଗ୍ରଗାମୀ ଯୁବକ ସଂଘ ଠାରେ କୋସଲି କ୍ରିୟାନୁଷ୍ଠାନ କମିଟି ତରଫରୁ ଜୁଆନ ସାହିତ୍ୟ ଉଛବ ଆୟୋଜିତ ହୋଇଯାଇଛି ।

ଉତ୍ସବର ପ୍ରଥମ ଅଧିବେଶନରେ ମୁଖ୍ୟ ଅତିଥି ଭାବେ ବରଗଡ ବିଧାୟକ ଅଶ୍ୱିନୀ କୁମାର ଷଡଙ୍ଗୀ, ବିଜେପୁର ବିଧାୟକ ସନତ କୁମାର ଗଡତିଆ, ଅତାବିରା ବିଧାୟକ ନିହାର ରଂଜନ ମହାନନ୍ଦ, ମୁଖ୍ୟ ବକ୍ତା ଭାବେ ଅଧ୍ୟାପକ ଜୟଦ୍ରଥ ସୁନା ଯୋଗଦେଇ ଥିଲେ । ଏହି ଅଧିବେଶକୁ ଅନୁଷ୍ଠାନର ଆବାହକ ସାକେତ ଶ୍ରୀଭୁଷଣ ସାହୁ ସଂଯୋଜନା କରିଥିଲେ । ଅତିଥିମାନେ ପଶ୍ଚିମ ଓଡିଶାର ଭାଷା ଅଷ୍ଟମ ସୂଚୀରେ ସ୍ଥାନ ପାଇବା ଉଚିତ ବୋଲି ଦୃଢ ମତ ପ୍ରକାଶ କରିଥିଲେ । ଅତିଥି ମାନଙ୍କ ଦ୍ୱାରା ସାକେତ ଶ୍ରୀଭୁଷଣ ସାହୁଙ୍କ ରଚିତ “କୋସଲି ସାହିତ୍ୟର ଇତିହାସ”, ତାଙ୍କ ସଂପାଦିତ ପ୍ରାୟ ୬୦ ଜଣ ନିର୍ବାଚିତ ଯୁବ କବିଙ୍କ ସଂକଲନ “କୋସଲ ବାହିର ଯୁଆନ ସୋର”, ଓ ଗଣେଶ ବାରିକଙ୍କ ପ୍ରଥମ କବିତା ସଂକଲନ “ଆକାଶମୁହାଁ ସୁଖ” ଉନ୍ମୋଚିତ ହୋଇଥିଲା । ଉତ୍ସବର ଦ୍ୱିତୀୟ ଅଧିବେଶନରେ ଚାଷୀନେତା ଲିଂଗରାଜ, ସଂଗୀତା ପଣ୍ଡା ଷଡଂଗୀ ଯୋଗଦେଇଥିବା ବେଲେ ଅଧିବେଶନକୁ ରାଜେଶ ଦଣ୍ଡସନା ସଂଯୋଜନା କରିଥିଲେ । ପଶ୍ଚିମ ଓଡିଶାର ବିଭିନ୍ନ ଜିଲ୍ଲାରୁ ଆସିଥିବା ଆକାଶ ସାହୁ, ଗୋପବନ୍ଧୁ ମହାନନ୍ଦ, ହେମନ୍ତ ସାହୁ, ଆଶୁତୋଷ ମନୀଷ ମହାପାତ୍ର, ଅର୍ଜୁନ କୁମାର ସାହୁ, ଲକ୍ଷ୍ମୀଧର ବିଭାର, ରମାକାନ୍ତ ନାଏକ, ଗୋବର୍ଦ୍ଧନ ନାଏକ, ସୁରେନ୍ଦ୍ର ପଟେଲ, ନିଳାଦ୍ରୀ ରାଉତ, ରୋଶନ ସାହୁ, କବିତାରାଣୀ ଝାଙ୍କର, ଜ୍ୟୋସ୍ନା ସାହୁ,ଶିବ ପ୍ରସାଦ ସା, ପ୍ରାୟ ୬୦ ଜଣ ଯୁବ କବି ସ୍ୱରଚିତ କବିତା ପାଠ କରିଥିଲେ । ହେମନ୍ତ କୁମାର ଦୀପ, ବଳବନ୍ତ ସାହୁ, ଗୌରାଙ୍ଗ ପାଣ୍ଡେ, ଜୟ ପଧାନ ପ୍ରମୁଖ ସହଯୋଗ କରିଥିବା ବେଳେ ଗଣେଶ ବାରିକ ଧନ୍ୟବାଦ ଦେଇଥିଲେ ।