18-Aug-2025

ଅତାବିରା(ଆକାଶ ମିଶ୍ର): ଆଫ୍ରିକା ମହାଦେଶ ର କିଲିମାଞ୍ଜରୋ ପର୍ବତ ର ଉଚ୍ଚତମ ଶୃଙ୍ଗ ରେ ଭାରତର ସ୍ୱାଭିମାନ ଓ ସ୍ଵାଧୀନତା ର ପ୍ରତୀକ ତ୍ରିରଙ୍ଗା ପତାକା  ଉଡେଇ ଦେଶ ତଥା ଜିଲ୍ଲା  ପାଇଁ ଗର୍ବ ଓ ଗୌରବ ଆଣିଛନ୍ତି ଯୁବ ପର୍ବତାରୋହୀ ଆଶୀର୍ବାଦ ।
ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ କୁଲିତା ଟୁକୁରା ଗ୍ରାମର ଯୁବ ପର୍ବତାରୋହୀ ଆଶୀର୍ବାଦ (ଅନୁପ) ମହାପାତ୍ର ଗତ ଅଗଷ୍ଟ ୨ ତାରିଖ ଦିନ ଆଫ୍ରିକା ପାଇଁ ଯାତ୍ରା କରିଥିଲେ  ପର୍ବତାରୋହଣ  ପାଇଁ।ତାଙ୍କ  ଟିମ୍‌ରେ ଲଣ୍ଡନ, ଆମେରିକା, ଇରାନ, ବ୍ରାଜିଲ, ଜର୍ମାନୀ, ରୁଷ, ସାଉଦି ଆରବ, ଦୁବାଇର ପର୍ବତାରୋହୀମାନେ ରହିଥିଲେ। ଏକମାତ୍ର ଭାରତୀୟ ଭାବେ କେବଳ ଆଶୀର୍ବାଦ ଏହି ପର୍ବତ ଆରୋହଣ ପାଇଁ ଯାଇଥିଲେ । କାଶ୍ମୀରର ପହଲଗାଓଁ ସ୍ଥିତ ଜବାହର ଇନଷ୍ଟିଚ୍ୟୁଟ ଅଫ ମାଉଣ୍ଟରିଂ ଠାରୁ ସେ ଟ୍ରେନିଙ୍ଗ କରିଥିଲେ l  ଆଗରୁ ସ୍କାଏ ଦାଇଭିଂ, ପରା ଗ୍ଲାଡିଙ୍ଗ, ସ୍କି, ସିପିଆର ଟ୍ରେନିଂ,ସର୍ଚ୍ଚ ଏଣ୍ଡ ରେସକ୍ଯୁ , ସୁଟିଙ୍ଗ ସର୍ଭାଇଭାଲ  ଭଳି  ବହୁତ  ଦୁଃସାହାସିକ ତାଲିମ ନେଇ ସାରିଛନ୍ତି l
ଏହା ପୂର୍ବରୁ ସେ ଟାଟାକୋଠି, ହରମୁଖ, ତ୍ରିଶୂଲ, ନୀଳକଣ୍ଠ, ସନସେଟ୍, ଗୋଲ୍ଡ ଟପ୍, ଟେବୁଲ୍ ଟପ୍, ସ୍ଲିପିଂଲେଡି ମାଉନଟେନ୍ ଆଦି ଆରୋହଣ କରି ଦେଶ ପାଇଁ ଗୌରବ ଅର୍ଜନ କରିଛନ୍ତି। ଏଥର ସେ  ଆଫ୍ରିକା ମହାଦେଶ ର ଉଚ୍ଚତମ ଶୃଙ୍ଗ କିଲିମାଞ୍ଜାରୋ ପର୍ବତ(୫୮୯୫ ମିଟର/୧୯୩୪୧ ଫୁଟ) ସଫଳତା ର ସହ ଆରୋହଣ କରି ସେ ଉପରେ ଭାରତ ପତାକା ଏବଂ ଆମ ପଶ୍ଚିମ  ଓଡ଼ିଶା ର ଇଷ୍ଟ ଦେଵୀ ମା ସମଲେଇ ଙ୍କ ଧ୍ଵଜା  ବାନ୍ଧିଥିଲେ l  ଗତ  ୩ ତାରିଖ ଦିନ ,ସେଠାକାର ସମୟ ଅନୁଯାୟୀ ଅପରାହ୍ନ ପ୍ରାୟ ୧୨ ଟା୩୦ ମିନିଟ ରେ  ଆରୋହଣ ଆରମ୍ଭ କରିଥିଲେ ଓ ୭ ତାରିଖ ସକାଳ ୮ ଟା ୪୯ ମିନିଟ ରେ ପହଞ୍ଚିଥିଲେ ।ଏହି ପାଞ୍ଚ ଦିନର ପର୍ବତାରୋହଣ ରେ  ସେ  କିଲିମାଞ୍ଜାରୋ  ର ୫ ଟି ଜୋନ ଯଥା  କଲ୍ଟିଭେଟର ଜୋନ, ରେନ ଫରେଷ୍ଟ ଜୋନ, ସଟ ବୁଷେସ ଜୋନ,  ଡେଜର୍ଟ  ଜୋନ ଓ ଆଇସ ଜୋନ ଅତିକ୍ରମ କରି ଶେଷରେ  ଶିଖର ରେ ପହଞ୍ଚିଥିଲେ । ଏହି ପର୍ବତାରୋହଣ  ର ଅନୁଭୂତି  କୁ ନେଇ ଆଶୀର୍ବାଦ କହିଥିଲେ  ଯେ  ଶେଷ ଜୋନ  ବା ଆଇସ ଜୋନ ରେ ପହଞ୍ଚିଲା ପରେ ସେଠାରେ _  ୨୫ ରୁ _ ୩୦ ଡିଗ୍ରୀ ସେଲସିଅସ ତାପମାତ୍ରା ରେ ବହୁତ୍ ବରଫପାତ  ହେଉଥିଲା ଶରୀର ଧୀରେ ଧୀରେ ସ୍ଥିର ବା ଫ୍ରିଜ୍ ହେବାକୁ ଯାଉଥିଲା ।କିନ୍ତୁ ନିମୁଲାଇଜର୍ କରିବା ପରେ  ସେ ପୁଣି ସାହସ ବାନ୍ଧି ମାଁ ସମଲେଶ୍ଵରୀ କୁ ଡାକି ପୁଣି ଚଡ଼ିବା ଆରମ୍ଭ କରିଥିଲେ  ଓ ସଫଳ ହୋଇଥିଲେ ।ତାଙ୍କର ଏହି ସଫଳତା ପାଇଁ ବରଗଡ ସାଂସଦ ପ୍ରଦୀପ ପୁରୋହିତ  ଙ୍କୁ ଶ୍ରେୟ ଦେଇଛନ୍ତି।
ଆଶୀର୍ବାଦ ତାଙ୍କ ପ୍ରତିକ୍ରିୟାରେ କହିଛନ୍ତି, ପର୍ବତାରୋହଣ ତାଙ୍କ ବାଲ୍ୟକାଳ ସ୍ବପ୍ନ ଥିଲା ଓ ଏବେ ସେ ନିଜ ସ୍ବପ୍ନକୁ ସାକାର କରି ପାରିଛନ୍ତି।  ଭୁବନେଶ୍ୱର ବିଜୁ ପଟ୍ଟନାୟକ  ଏୟାର ପୋର୍ଟ କୁ ପହଞ୍ଚିବା  ସେ ପହଞ୍ଚିବା ପରେ ରାଜ୍ୟ କ୍ରୀଡ଼ା ବିଭାଗ ତଥା ବରଗଡ ନିଷ୍ଠା ପରିବାର,ସଂକଳ୍ପ ପରିବାର ଓ କୋଶଳ ସଂଘ  ପକ୍ଷରୁ ଭବ୍ୟ ସ୍ବାଗତ କରାଯାଇଥିଲା । ନିଜ ଗାଁ ମାଟି କୁ ଫେରିବା ପରେ  ପ୍ରଥମ ରୁ ଦଶମ ଶ୍ରେଣୀ ର ସମସ୍ତ ଛାତ୍ର ଛାତ୍ରୀ ,ଗ୍ରାମବାସୀ ମାନେ ଏକ ବଡ଼ ଶୋଭାଯାତ୍ରା ସହ ତାଙ୍କୁ ପାଛୋଟି ନେଇଥିଲେ । ।ଆଜି ଅତାବିରା ବିଧାୟକ ନିହାର ମହାନନ୍ଦ ମଧ୍ୟ ତାଙ୍କ ଘରକୁ ଯାଇ ତାଙ୍କୁ ଅଭିନନ୍ଦନ ଜଣାଇଥିଲେ।
ସେ ଭାରତରେ ଆଗାମୀ ଭବିଷ୍ୟତ ପିଢ଼ିଙ୍କୁ ପର୍ବତାରୋହଣ ବିଷୟରେ ଅବଗତ କରାଇବା ତଥା ଆବଶ୍ୟକସ୍ଥଳେ ଉଚିତ ତାଲିମ ପ୍ରଦାନ କରି ଭାରତର ନାମ ବିଶ୍ୱ ଦରବାରରେ ଚମକାଇବେ ବୋଲି ପ୍ରକାଶ କରିଛନ୍ତି। ଆଶୀର୍ବାଦଙ୍କୁ ବିଭିନ୍ନ ମହଲରୁ ଅଭିନନ୍ଦନ ଓ ଶୁଭେଚ୍ଛାର ସୁଅ ଛୁଟୁଛି।