13-Aug-2025

ନୂଆପଡ଼ା (ରାମନାଥ ପଣ୍ଡା)
ନୂଆପଡ଼ା ଜିଲ୍ଲା ସ୍ବାସ୍ଥ୍ୟ ବିଭାଗରେ କାର୍ଯ୍ୟରତ ପୁରୁଷ ବହୁ ମୁଖି ସ୍ବାସ୍ଥ୍ୟ କର୍ମୀଙ୍କ କହିବା ଅନୁଯାୟୀ ଓଡ଼ିଶାର ଅନ୍ୟ ୨୯ ଟି ଜିଲ୍ଲାରେ ଏମାନଙ୍କୁ ଲେଭେଲ ୨ ରୁ ଲେଭେଲ୍ ୧ କୁ ପଦୋନ୍ନତି ଦେବା କାର୍ଯ୍ୟ ସରିଛି କିନ୍ତୁ ନୂଆପଡାରେ ଅବହେଳା କାହିଁକି ? ଯାହାକି ହାସ୍ୟାସ୍ପଦ ଓ ନିନ୍ଦନୀୟ ଅଟେ ବୋଲି ପ୍ରକାଶ କରିଛନ୍ତି ସ୍ବାସ୍ଥ୍ୟ କର୍ମୀ ।ଜିଲ୍ଲାର ଏ ଚରମ ଅବହେଳା ଓ ଅନ୍ୟାୟର ପ୍ରତିବାଦ ସ୍ୱରୂପ ଜିଲ୍ଲାର ସମସ୍ତ ପୁରୁଷ ବହୁମୁଖୀ ସ୍ବାସ୍ଥ୍ୟକର୍ମୀ ଗଣ ଆସନ୍ତା ୧୯-୮-୨୦୨୫ ତାରିଖ ଠାରୁ ଦାବୀ ପୂରଣ ନହେବା ପର୍ଯ୍ୟନ୍ତ ଜିଲ୍ଲା ମୁଖ୍ୟ ଚିକିତ୍ସାଧୀକାରୀଙ୍କ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବେ ବୋଲି ଲିଖିତ ଚେତାବନୀ ଦେଇଛନ୍ତି ।ଏହି ଧାରଣା ସମୟରେ କୌଣସି ଅପ୍ରୀତିକର ପରିସ୍ଥିତି ଘଟିଲେ ସେଥିପାଇଁ ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଓ ଜିଲ୍ଲା ପ୍ରଶାସନ ମୁଖ୍ୟ ସମ୍ପୂର୍ଣ ରୂପେ ଦାୟୀ ରହିବେ ବୋଲି ସ୍ପଷ୍ଟ ଲେଖିଛନ୍ତି। ଧାରଣା ପୂର୍ବରୁ ଜିଲ୍ଲା ପ୍ରଶାସନ ପଦକ୍ଷେପ ଗ୍ରହଣ କରି ସମାଧାନ କରିବେ ନା ଧାରଣାର ଅପେକ୍ଷାରେ ଜିଲ୍ଲା ପ୍ରଶାସନ ,ତାହା ଦେଖିବାକୁ ବାକି ରହିଲା ।