09-Aug-2025

(ଚିନ୍ତାମଣି ନେତାମ )
ସିନାପାଲି ବ୍ଲକ ଅନ୍ତର୍ଗତ ନୀଳଜି ସରସ୍ବତୀ ଶିଶୁମନ୍ଦିରଠାରେ ୨୦୨୫-୨୬ ବର୍ଷର ଜ୍ଞାନ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି  l ଏହି ଉପଲକ୍ଷେ ଅନୁଷ୍ଠିତ ହୋଇଥିବା ସଭାରେ  ପରିଚାଳନା ସମିତିର ସଭାପତି ଶ୍ରୀଯୁକ୍ତ ସତ୍ୟବ୍ରତ ଗହୀର ସଭାପତିତ୍ୱ କରିଥିବାବେଳେ  ସମ୍ମାନିତ ଅତିଥି ଓ ବିଚାରକ ଭାବରେ  ନୀଳଜି ଉ :ପ୍ରା  ବିଦ୍ୟାଳୟର ବିଜ୍ଞାନ ଶିକ୍ଷକ ଶ୍ରୀଯୁକ୍ତ ଦୀପକ ସା ଏବଂ ସାଲେବିହିଡି ଉ : ପ୍ରା  ବିଦ୍ୟାଳୟର ବିଜ୍ଞାନ ଶିକ୍ଷକ ଶ୍ରୀଯୁକ୍ତ ଧୀରେନ୍ଦ୍ର କୁମାର ସା, ତଥା ପରିଚାଳନା ସମିତିର ସମ୍ପାଦକ ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ ଓ ପ୍ରଧାନ ଆଚାର୍ଯ୍ୟ ଶ୍ରୀଯୁକ୍ତ ପ୍ରଶାନନ୍ଦ କୁମ୍ଭାର ମଞ୍ଚାସିନ ଥିଲେ l  ପ୍ରଧାନ ଆଚାର୍ଯ୍ୟ ଅତିଥି ପରିଚୟ ପ୍ରଦାନ କରିଥିବାବେଳେ ଆଚାର୍ଯ୍ୟ ବୀରଭଦ୍ର ସା  ସଭାକାର୍ଯ୍ୟ ସଂଯୋଜନା କରିଥିଲେ  l   ଦେବପୁଜନ କାର୍ଯ୍ୟକ୍ରମ ସମାପନ ପରେ ସଭାପତି ଓ ସମ୍ମାନିତ ଅତିଥିଗଣ ଜୀବନର ପ୍ରତ୍ୟେକ କାର୍ଯ୍ୟରେ ବୈଜ୍ଞାନିକ ମନୋବୃତ୍ତି ପୋଷଣ କରିବା ପାଇଁ  କୁନି ଵିଜ୍ଞାନୀ ଶିଶୁ ଭାଇଭଉଣୀ ମାନଙ୍କୁ ଉତ୍ସାହିତ କରିବା  ସଙ୍ଗେ ସଙ୍ଗେ ବିଜ୍ଞାନ ଓ କାରିଗରୀ  ବିଦ୍ୟା ଜୀବଜଗତର ହିତ ସାଧନ ପାଇଁ ଉଦ୍ଦିଷ୍ଟ, ଅନିଷ୍ଟ ପାଇଁ ନୁହେଁ ବୋଲି ମତ ପୋଷଣ କରିଥିଲେ  l ସଭାଶେଷରେ ସମ୍ପାଦକ ଶ୍ରୀଯୁକ୍ତ ଲକ୍ଷ୍ମଣ ପ୍ରଧାନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ  l ଏହି ବିଜ୍ଞାନମେଳାରେ ଶିଶୁମନ୍ଦିରର କନିଷ୍ଠ ବର୍ଗର ଭାଇଭଉଣୀଙ୍କ ଦ୍ୱାରା ୪୦ ଟି ପ୍ରକଳ୍ପ ଏବଂ ଶିଶୁ ବର୍ଗ ଭାଇଭଉଣୀଙ୍କ ଦ୍ୱାରା ୧୫ ଟି ପ୍ରକଳ୍ପ ପ୍ରଦର୍ଶିତ ହୋଇଥିଲା l  ଶିଶୁ ବର୍ଗର  ୨ ଟି  ପ୍ରକଳ୍ପକୁ  ବିଚାରକ ଗଣ ସଂକୁଳ ସ୍ତରୀୟ  ବିଜ୍ଞାନ ମେଳାର ପ୍ରତିଯୋଗିତାରେ ଅଂଶ ଗ୍ରହଣ କରିବା ପାଇଁ ମନୋନୀତ କରିଥିଲେ  l କାର୍ଯ୍ୟକ୍ରମ ଆୟୋଜନ କରିବାରେ  ସମସ୍ତ ଆଚାର୍ଯ୍ୟ ଓ ଆଚାର୍ଯ୍ୟା ସହଯୋଗ କରିଥିଲେ  l