08-Aug-2025

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଉପଖଣ୍ଡର କଳାପଥର ସ୍ଥିତ  ସତ୍ୟବାଦୀ ଉଚ୍ଚ ମାଧ୍ୟମିକ ବିଦ୍ୟାଳୟ  ଠାରେ ଶୁକ୍ରବାର ଯୁକ୍ତ ଦୁଇ ଦ୍ୱିତୀୟ ବର୍ଷର ଛାତ୍ରଛାତ୍ରୀ ମାନଙ୍କ ଦ୍ୱାରା ପ୍ରଥମ ବର୍ଷର ନବାଗତ ମାନଙ୍କ ପାଇଁ ପ୍ରବେଶ ଉତ୍ସବ ଅନୁଷ୍ଠିତ ହୋଇଯାଇଛି। ଏହି ଅବସର ରେ ଅନୁଷ୍ଠାନର ଅଧ୍ୟକ୍ଷ  ଶ୍ରୀକାନ୍ତ ପଧାନ ସଭାପତିତ୍ତ୍ୱ କରି ସଂଘର୍ଷ ଓ ଦୃଢ ଇଛାଶକ୍ତି ଦିନେ ସଫଳତାର ଶିର୍ଷରେ ପହଞ୍ଚାଇ ପାରେ ବୋଲି କହିଥିଲେ। ଅଧ୍ୟାପକ କିଶୋର ସାହୁ  ଆଭ୍ୟନ୍ତରିଣ ଶୃଙ୍ଖଳା , ନିୟମାନୁବର୍ତ୍ତିତା   ଓ ରେଗିଙ୍ଗ୍ ମୁକ୍ତ ଅଞ୍ଚଳ ପରୀକ୍ଷା ପରିଚାଳନା ଉପରେ ଆଲୋକପାତ   କରିଥିଲେ। ଦେବଯାନୀ ମେଶୁଆ ମାର୍ଜିତ ବ୍ୟବହାର ଓ ଚରିତ୍ର ଗଠନ ଉପରେ ଆଲୋଚନା କରିଥିଲେ । ଅତିଥି ଅଧ୍ୟାପିକା ଅବନ୍ତି ନାଏକ୍ ଓ ରିଙ୍କି ଗଡୁଆ ଭବିଷ୍ୟତରେ ଭଲ ମଣିଷ ହେବାକୁ ପ୍ରେରଣା ଦେଇଥିଲେ । ସଞ୍ଜୟ କର୍ଣ୍ଣ ରାଜ୍ୟ ସରକାରଙ୍କ ଦ୍ୱାରା ମିଳୁଥିବା ବିଭିନ୍ନ ବୃତ୍ତି ସଂପର୍କରେ ଆବେଦନ କରିବା ପାଇଁ ଜଣାଇଥିଲେ।ଗତ ୨୦୨୫ ଶିକ୍ଷାବର୍ଷର ୮୦%ରୁ ଅଧିକ ନମ୍ବର ରଖିଥିବା ୧୮ଜଣ ଶିକ୍ଷାର୍ଥିଙ୍କୁ ସମ୍ବର୍ଦ୍ଧିତ କରାଯାଇଥିଲା ।ସଭାକୁ ଯୁକ୍ତ ଦୁଇ ଦ୍ୱିତୀୟ ବର୍ଷର ଛାତ୍ରୀ ସରସ୍ୱତୀ ପ୍ରଧାନ,ଜ୍ୟୋସ୍ନାମୟୀ ମେହେର, ସଂଧ୍ୟାରାଣି ପଧାନ ପରିଚାଳନା କରିଥିବାବେଳେ ଛାତ୍ର ମହେଶଦତ୍ତ ମିଶ୍ର ଧନ୍ୟବାଦ ଅର୍ପଣ କରିଥିଲେ । ଅନୁଷ୍ଠାନର ଶାନ୍ତନୁ ପଧାନ,ବସୁଦେବ ରଣା,ବିପିନ୍ କଲତା,ଶିବବ୍ରତ କର୍ଣ୍ଣ  ସହଯୋଗ କରିଥିଲେ । ଶେଷରେ ଛାତ୍ର ଛାତ୍ରୀ ମାନଙ୍କ ଦ୍ୱାରା ପରିଚୟପର୍ବ ଓ ସାଂସ୍କୃତିକ କାର୍ୟକ୍ରମ ଆୟୋଜିତ ହେଇଥିଲା । ଛାତ୍ରୀ ମାନଙ୍କର "ରାମ୍ପ୍ ଶୋ "ସମସ୍ତଙ୍କୁ ମୋହିତ କରିଥିଲା ।