08-Aug-2025

ଅତାବିରା(ଆକାଶ ମିଶ୍ର): ବରଗଡ ଜିଲ୍ଲା ଅତାବିରା ଏନ୍ ଏ ସି ଅନ୍ତର୍ଗତ ଲାଦର ପାଲି ବନ୍ଧପଡା  ପ୍ରାଥମିକ ବିଦ୍ୟାଳୟରେ  "ମାଁ ପାଇଁ ଗଛଟିଏ "କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବିଦ୍ୟାଳୟର ପ୍ରଧାନଶିକ୍ଷକ ଡାକ୍ତର ବିଶି ଙ୍କ ଅଧ୍ୟକ୍ଷତାରେ ବିଦ୍ୟାଳୟର ଛାତ୍ରଛାତ୍ରୀଙ୍କୁ ନେଇ ପ୍ରଥମେ ଏକ ବକୃତା ପ୍ରତିଯୋଗିତା କରାଯାଇଥିଲା  ମାଁ ପାଇଁ ଗଛ ଟିଏ ବିଷୟ ଉପରେ। କୁନିକୁନି ପିଲାଙ୍କ ମଧ୍ୟରେ କର୍ତ୍ତବ୍ୟବୋଧ ଓ ପରିବେଶ ପ୍ରତି ସଚେତନତା ଆଣିବାକୁ ତଥା ପିତା ମାତାଙ୍କ ପ୍ରତି  ଆମର ଯେତିକି କର୍ତ୍ତବ୍ୟ ରହିଛି, ନିଜ ପରିବେଶ ପ୍ରତି ମଧ୍ୟ ସେତିକି କର୍ତ୍ତବ୍ୟ ରହିଛି,ଏହି ଭାବଧାରାକୁ ଜାଗ୍ରତ କରିବା ପାଇଁ ପ୍ରଧାନଶିକ୍ଷକ ଛାତ୍ରଛାତ୍ରୀ ମାନଙ୍କୁ ଉଦବୋଧନ ଦେଇ ଥିଲେ । ଏହା ପରେ ବିଦ୍ୟାଳୟର ଚତୁଃପାର୍ଶ୍ଵରେ ବିଭିନ୍ନ ପ୍ରକାର  ର ୩୬ ଟି ଔଷଧୀୟ ଚାରା ଓ ଆମ୍ବ, ପିଜୁଳି, ଚାର, କଦଳୀ, ନଡ଼ିଆ, ସଜନା, ଅଅଁଳା, ଲେମ୍ବୁ, ଅମୃତ ଭଣ୍ଡା, କଦଳୀ ଆଦି ଚାର ରୋପଣ କରାଯାଇଥିଲା । ଏହା ସହିତ ପ୍ରତିଦିନ ଉକ୍ତ ଚାରା ଗୁଡ଼ିକର   ଯତ୍ନ ନେବା ପାଇଁ ମଧ୍ୟ ଛାତ୍ରଛାତ୍ରୀ  ମାନଙ୍କୁ ଦାୟିତ୍ଵ ଦିଆଯାଇଥିଲା। ଏହି କାର୍ଯ୍ୟକ୍ରମରେ ବିଦ୍ୟାଳୟର ସ୍ବେଛାସେବୀ ଶିକ୍ଷୟିତ୍ରୀ ସଂଯୁକ୍ତା ପ୍ରଧାନ,ସ୍ୱେତ୍ସ ସେବକ ସିରିଶ ଗଡତିଆ, ପ୍ରକୃତିପ୍ରେମୀ ବିନୟା ବିଶି, ରୁକୁଣି ଭୁଏ, ସାଇବାନି ବରିହା ପ୍ରମୁଖ ସହଯୋଗ କରିଥିଲେ ।