07-Aug-2025

ନୂଆପଡ଼ା (ରାମନାଥ ପଣ୍ଡା)
 ନୂଆପଡ଼ା ଜିଲ୍ଲା ସିନାପାଲି ବ୍ଲକର ବରଗାଁ ଓ ଗଣ୍ଡାବାହାଳି ଗ୍ରାମ ମଧ୍ୟରେ ଥିବା ନଦୀର ବ୍ରିଜ ପାର୍ଶ୍ଵରେ ଫାଟ ସୃଷ୍ଟି ହୋଇ ଆଁ କରୁଛି ।ସିନାପାଲି ରୁ ଖରୀଆର ଯିବା ଆସିବା ପାଇଁ ଏହି ରାସ୍ତା ଲୋକଙ୍କ ପାଇଁ ମୁଖ୍ୟ ରାସ୍ତା ଅଟେ ।ପ୍ରତିଦିନ ଶହ ଶହ ସଂଖ୍ୟାରେ ସ୍କୁଲ ପିଲା,କଲେଜ ପିଲା,ସାଧାରଣ ଜନତା,ରୋଗୀ ସେବା ଯୋଗାଉଥିବା ବିଭିନ୍ନ ଗାଡ଼ି,ଚାରି ଚକିଆ ଯାନ ,ଭାରି ଯାନବାହାନ ସବୁ ଏହି ରାସ୍ତାରେ ଯିବା ଆସିବା କରିଥାଆନ୍ତି ।ପୁଣି ଗଣ୍ଡାବାହାଳି ଗ୍ରାମରେ ବିଭିନ୍ନ ପ୍ରକାର ଦୋକାନ ବଜାର ଥିବାରୁ ଏହା ଗୋଟିଏ ପ୍ରକାର ବ୍ୟବସାୟ କେନ୍ଦ୍ର ପାଲଟିଛି ବୋଲି ଏହି ଗ୍ରାମରେ ପାର୍ଶ୍ଵବର୍ତ୍ତୀ ବହୁ ଗ୍ରାମର ଲୋକ ନିର୍ଭର କରନ୍ତି ।ବ୍ରିଜ ରାସ୍ତା ପାର୍ଶ୍ଵ ଫାଟ ନଦୀର ବଢ଼ିପାଣି ପଶିଲେ ବଢ଼ି ଯାଇପାରେ କିମ୍ବା ଗାଡ଼ି ମଟର ମାନଙ୍କ ଓଜନ ଚାପରେ ଫାଟ ବଢି ରାସ୍ତାର ରୂପ ବଦଳାଇ ଦେଇପାରେ ସେତେବେଳେ ଦୁର୍ଘଟଣାର ସମ୍ଭାବନା ବେଶୀ । ରାସ୍ତାର ଫାଟ ବଢି ରାସ୍ତା ଖରାପ ହେବା ଅବା କୌଣସି ଦୁର୍ଘଟଣା ଘଟି ଧନ ଜୀବନ ନଷ୍ଟ ହେବା ପୂର୍ବରୁ ବିଭାଗୀୟ ଅଧିକାରୀ ଏଥି ପ୍ରତି ଧ୍ୟାନ ଦେଇ ଯଥା ଶୀଘ୍ର ଏହାର ମରାମତି କାର୍ଯ୍ୟ କରିବାକୁ ସାଧାରଣରେ ଆଲୋଚନା ହେଉଛି।ଜିଲ୍ଲା ପ୍ରଶାସନ ଏହି ସମସ୍ୟା ସମାଧାନ ଦିଗରେ ଦୃଷ୍ଟି ଦେବା ପାଇଁ ସାଧାରଣରେ ଦାବି ହେଉଛି ।