30-Jul-2025

ସୋନପୁର  (ମନୋରଞ୍ଜନ ତ୍ରିପାଠୀ)
ପୂର୍ବତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ପ୍ରଦେଶ କଂଗ୍ରେସ ସଭାପତି ଭକ୍ତ ଦାସ ଙ୍କ କୁଶ ପୁତ୍ତଳିକା ଦାହ କରିଛି ସୁବର୍ଣ୍ଣପୁର ବିଜେପି l ଆଜି ସନ୍ଧ୍ୟାରେ ସୋନପୁର ଭାଜପା ତରଫରୁ ସଦର ବିଜୁ ପଟ୍ଟନାୟକ ଛକ ଠାରେ କଂଗ୍ରେସ ଓ ବିଜେଡି ଦଳ ର ଶାସନ ସମୟ ରେ ହୋଇଥିବା ନାରୀ ନିର୍ଯାତନା ଓ ଅସଂଖ୍ୟ ବଳାତ୍କାର ଘଟଣା ପ୍ରତିବାଦ ରେ  ବିଜେଡି ସଭାପତି ନବୀନ ପଟ୍ଟନାୟକ ଓ ଓଡ଼ିଶା ପ୍ରଦେଶ କଂଗ୍ରେସ ସଭାପତି ଭକ୍ତ ଦାସ ଙ୍କ କୁଶ ପୁତ୍ତଳିକା ଦାହ କରାଯାଇଛି । ଏହି ସମୟ ରେ ନବୀନ ପଟ୍ଟନାୟକ ଙ୍କ ନେତୃତ୍ଵାଧୀନ ୨୫ ବର୍ଷ ରେ ହୋଇଥିବା ନାରୀ ନିର୍ଯାତନା କୁ ମନେ ପକେଇ ଓ ଧର୍ଷଣ ଅଭିଯୋଗରେ ନିକଟ ରେ ଜେଲ୍ ଯାଇଥିବା ରାଜଧାନୀ ର ବି ଜେ ଡି କର୍ପୋରେଟର ଅମରେଶ ଜେନା ଓ କଟକ ଛାତ୍ର କଂଗ୍ରେସ ସଭାପତି ଉଦିତ ପଧାନ ଙ୍କୁ ବିରୋଧ କରି ବିଜେପି କର୍ମୀ ବିଭିନ୍ନ ନାରା ଦେବା ସହ ସ୍ଲୋଗାନ ମାନ ଦେଇଥିବା ଦେଖିବାକୁ ମିଳିଥିଲା। ବଳତ୍କାର ପ୍ରତିଯୋଗିତା ଲେଖାଥିବା ଏକ ବ୍ୟାନର କୁ ହାତ ରେ ଧରି ଉଭୟ ବିଜେଡି ଓ କଂଗ୍ରେସ ବିରୋଧରେ ଗର୍ଜିଥିଲେ ସୁବର୍ଣ୍ଣପୁର ଜିଲ୍ଲାର ବିଜେପି କାର୍ଯ୍ୟକର୍ତ୍ତା। ଓ ନବୀନ ପଟ୍ଟନାୟକ ଓ ଭକ୍ତ ଦାସ ଙ୍କ କୁଶ ପୁତ୍ତଳିକା ଦାହ କରିଥିଲେ l ଜିଲ୍ଲା ବିଜେପି ସଭାପତି ବେଣୁଧର ଦାସ ଙ୍କ ନେତୃତ୍ବ ରେ ବିଧାୟକ ପ୍ରାର୍ଥୀ ପ୍ରମୋଦ ମହାପାତ୍ର, ପ୍ରାକ୍ତନ ଜିଲ୍ଲା ପରିଷଦ ଅଧ୍ୟକ୍ଷା ଉଷା କୁମାରୀ, ଯୁବ ମୋର୍ଚ୍ଚା ସଭାପତି ସ୍ୱରୂପ ପାତ୍ର, ନଗର ମଣ୍ଡଳ ସଭାପତି ସୁରେଶ ବିଶ୍ଵାଳ, କାଉନସିଲର ଗଙ୍ଗା ତରିଆ, ଗଣେଶ ସାହୁ, ନଗର ମିଡିଆ ପ୍ରଭାରୀ ନିରଞ୍ଜନ ତ୍ରିପାଠୀ , ନଳିନୀ ପଣ୍ଡା, ତ୍ରିଲୋଚନ ତରିଆ ପ୍ରମୁଖ ଶତାଧିକ ବିଜେପି ନେତା କର୍ମୀ ଯୋଗ ଦେଇଥିଲେ l