27-Jul-2025

ମାଲକାନଗିରି/କାଲିମେଳା: ମାଲକାନଗିରି ଜିଲ୍ଲା କାଲିମେଳା ବ୍ଲକ ଲୁଗେଲ ପଞ୍ଚାୟତରେ ମନରେଗା କାମର ବାସ୍ତବ ଚିତ୍ରକୁ ନେଇ ପୁଣି ଉଠିଛି ପ୍ରଶ୍ନ। ବର୍ଷକୁ ପ୍ରତ୍ୟେକ ବ୍ୟକ୍ତିଙ୍କ ଶହେ ଦିନର ମଜୁରୀକୁ ସ୍ପଷ୍ଟ କରିବା ଆଳ ଦେଖାଇ ଶିଶୁ ଶ୍ରମିକଙ୍କୁ ମଧ୍ୟ ନିୟୋ ୟୋଜିତ କରାଯାଇଥ‌ିବା ଭଳି ଚିତ୍ର ସମ୍ମୁଖକୁ ଆସିଛି| ଯେଉଁଥରେ ଶିଶୁ ଶ୍ରମିକ ନିୟୋଜିତ ଥୂବା ଦର୍ଶାଇ ଫୋଟ ଏନଏମଏମଏସ କରାଯାଇଥିବାର ସ୍ପଷ୍ଟ ଚିତ୍ର ଦେଖିବାକୁ ମିଳିଛି। ସୂଚନା ମୁତାବକ ଲୁଗେଲ ପଞ୍ଚାୟତର ଲୁଗେଲ ଗ୍ରାମ ଠାରୁ ଫୁଲକାନକୋଣ୍ଡା ଗ୍ରାମ ପର୍ଯ୍ୟନ୍ତ ନିର୍ମାଣାଧୂନ ରହିଥ‌ିବା ରାସ୍ତାର ଉନ୍ନତିକରଣ ପାଇଁ ଲଗାଣ ବର୍ଷା ମଧ୍ଯରେ ଶ୍ରମିକଙ୍କୁ ନିୟୋଜିତ କରାଯିବା ସହ ଏଥିରେ ଶିଶୁ ଶ୍ରମିକ ନିୟୋଜିତ କରାଯାଇଛି। ଯାହାର ସ୍ପଷ୍ଟ ପ୍ରମାଣ ଶୁକ୍ରବାର ଦିନ ଏହି ନିର୍ମାଣ କାର୍ଯ୍ୟର ଏନଏମଏମଏସ ବେଳେ ସ୍ପଷ୍ଟ ବାରି ହୋଇପଡ଼ୁଛି। ଜଣେ ଶିଶୁ ଶ୍ରମିକଙ୍କୁ କାମରେ ନିୟୋଜନ କରିବା ମନରେଗା କାମର ଗାଇଡ୍‌ଲାଇନକୁ ଖିଲାଫ୍ କରିବା ସହ କାର୍ଯ୍ୟର ବାସ୍ତବତା ଉପରେ ମଧ୍ୟ ପ୍ରଶ୍ନବାଚୀ ସୃଷ୍ଟି ହେଉଛି। ଏଥିସହ ଏହି ନିର୍ମାଣ କାର୍ଯ୍ୟ ରାତ୍ରି ଆଠଟା ବେଳେ କରାଯାଉଥ‌ିବା ମଧ୍ୟ ଏନଏମଏମଏସ ପୋର୍ଟାଲରୁ ଜଣାପଡ଼ିଛି। ଏହି କାର୍ଯ୍ୟରେ ନିୟୋଜିତ ଶିଶୁ ଶ୍ରମିକ ଓ ରାତ୍ରିରେ ନିର୍ମାଣ କାର୍ଯ୍ୟ କରୁଥିବା ସ୍ପଷ୍ଟ ଏନ ଏମ୍ ଏମ୍ ଏସ ରୁ ଜଣା ପଡୁଥିବା ବେଳେ। ଏପରି ସ୍ଥିତିରେ ଏହି ନିର୍ମାଣାଧୂନ ଧୂନ ପ୍ରକଳ୍ପର ନିର୍ମାଣ କାର୍ଯ୍ୟ ଓ ନିୟୋଜିତ ଶ୍ରମିକଙ୍କ ପ୍ରକୃତ ତଥ୍ୟ ଯାଞ୍ଚ କଲେ ଏକ ବଡ ଧରଣର ଦୁର୍ନୀତି ପ ପଦାକୁ ଆସିବା ସହ ମନରେଗା କାମରେ ଚାଲିଥିବା ବାଟମାରଣା ନୀତି ପଦାକୁ ଆସିବ ବୋଲି ସାଧାରଣରେ ମତ ପ୍ରକାଶ ପାଇଛି।

ରିପୋର୍ଟ-ସନ୍ତୋଷ କୁମାର ପଣ୍ଡା, କାଲିମେଳା