27-Jul-2025

 କୁଚିଣ୍ଡା(ସିଲୁ ସୁନାନୀ) ଜାତୀୟ ସେବା ଯୋଜନା କୁଚିଣ୍ଡା ମହାବିଦ୍ୟାଳୟ ତରଫରୁ ମହାବିଦ୍ୟାଳୟ ପରିସରରେ ବୃକ୍ଷ ରୋପଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ପୃଥିବୀ ତାପମାତ୍ରାକୁ ଆଖି ଆଗରେ ରଖି ତଥା ଏକ ସବୁଜ ପରିବେଶ ସୃଷ୍ଟି କରିବା ପାଇଁ ନୂତନ ରୂପେ ତିଆରି ହେଇଥିବା ଡିପି ବିଲଡିଂ ପରିସରରେ ୧୦୦ ଟି ଚାରା ରୋପଣ କରାଯାଇଥିଲା। +୩ ବିଭାଗ ଏନ୍ ଏସ୍ ଏସ୍  ପ୍ରୋଗ୍ରାମ ଅଫିସର୍

ଅଧ୍ୟାପିକା ବେଲମତି କୁମୂରାଙ୍କ ତତ୍ତ୍ଵାବଧାନରେ ୩୦ ଜଣ ସ୍ଵଚ୍ଛାସେବି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ। ଅଧ୍ୟକ୍ଷା ସୁଚିତ୍ରା ମିଶ୍ର ମୁଖ୍ୟ ଅତିଥି ରୂପେ ଏବଂ ପଦାର୍ଥ ବିଜ୍ଞାନ ବିଭାଗର ବିଭାଗୀୟ ମୁଖ୍ୟ ମଞ୍ଜୁଶ୍ରୀ ଦାସ ସମ୍ମାନିତ ଅତିଥି ରୂପେ ଯୋଗ ଦେଇ ସ୍ଵେଚ୍ଛାସେବୀ ମାନଙ୍କୁ ଉତ୍ସାହିତ କରି ଥିଲେ। ଏହି କାର୍ଯ୍ୟକ୍ରମରେ ସତ୍ୟ ଶାଇ ସେବା ସଂଗଠନ ସମ୍ବଲପୁରର ସଦସ୍ୟ ମାନେ ଯୋଗ ଦେଇ ପୂର୍ଣ୍ଣ ସହୋଯୋଗ କରିଥିଲେ। ଏହି କାର୍ଯ୍ୟକ୍ରମକୁ ଇଂରାଜୀ ଅଧ୍ୟାପକ କାହ୍ନୁ ଚରଣ ମୁନ୍ନା ରୂପରେଖ ପ୍ରସ୍ତୁତ କରିଥିଲେ। ବଉଳ, ଦେବଦାରୁ, ବୀମୁ, ବାହାଡା, କୃଷ୍ଣଚୂଡ଼ା ଆଦି ଚାରା ରୋପଣ କରାଯାଇଥିଲା। ସତ୍ୟ ଶାଇଁ ସେବା ସଂଗଠନର ଜିଲ୍ଲା ପ୍ରେମ ତରୁ ଅଧିକାରୀ ପ୍ରଦୀପ କୁମାର ମହାଣା, ଆବାହକ ଦିଲ୍ଲୀପ ପାର୍ମାର, ଦେବରାଜ ସ୍ୱାଇ, ଜିଲ୍ଲା ଯୁବ ସଂଯୋଜକ ମାନସ ରଞ୍ଜନ ପତି ସମ୍ମାନିତ ଅତିଥି ରୂପେ ଯୋଗ ଦେଇ ବୃକ୍ଷ ରୋପଣ କରିଥିଲେ। ଏବଂ ଏହା ପରେ ଏକ ସଭାର ଆୟୋଜନ ହୋଇଥିଲା, ସ୍ଵେଚ୍ଛାସେବୀ ମାନଙ୍କୁ ବୃକ୍ଷ ରୋପଣର ମହାତ୍ମୀୟ ଏବଂ ପରିବେଶ ସୁରକ୍ଷାର ସେମାନଙ୍କର ଭୂମିକା ଉପରେ

ମାନସ ରଞ୍ଜନ ପତି ଉଦବୋଧନ ଦେଇଥିଲେ। ଏହି କାର୍ଯ୍ୟକ୍ରମକୁ ଶ୍ରୀ କାହ୍ନୁ ଚରଣ ମୁନ୍ନା ପରିଚାଳନା କରିଥିବା ବେଳେ ଅଧ୍ୟାପିକା ବେଲମତି କୁମୂରା ଧନ୍ୟବାଦ୍ ଅର୍ପଣ କରିଥିଲେ। ସ୍ଵେଚ୍ଛାସେବୀ ମାନଙ୍କ ମଧ୍ୟରୁ ଅଙ୍କିତ ମେହେର, ସନ୍ନ୍ୟାସୀ ମେହେର, ପୋଜ୍ଞାମନ ତାଣ୍ଡିଆ, ଧରଣୀ କିଶାନ, ରୂପାଲି ପଣ୍ଡା, ସୀମା କିସାନ, ରାକ୍ଷୀ ଅର୍କ ଆଦି ପ୍ରମୁଖ ଭୂମିକା ଗ୍ରହଣ କରିଥିଲେ।