26-Jul-2025

ସୋନପୁର (ମନୋରଞ୍ଜନ ତ୍ରିପାଠୀ)
ଦୀର୍ଘ ଦୁଇ ଦିନ ଧରି ସୁବର୍ଣପୁର ଜିଲ୍ଲା  ନିଖିଳ ଉତ୍କଳ ପ୍ରାଥମିକ ଶିକ୍ଷକ ସଂଘ ସଭା ଗୃହ ଓ ଫରେଷ୍ଟ ସ୍ମାର୍ଟ୍ ପାର୍କ ଠାରେ ରେ ଜିଲ୍ଲା ସ୍ତରୀୟ ବୈଠକ ଓ ପ୍ରଶିକ୍ଷଣ କାର୍ଯ୍ୟକ୍ରମ ଅନୁଷ୍ଟିତ ହୋଇଥିଲା l ଏହି ମାଧ୍ୟ୍ୟମ ରେ ଜିଲ୍ଲା ରେ ଥିବା ଯୋଗ ସଂଗଠନ କୁ ମଜବୁଦ ତଥା ଲୋକାଭିମୁଖୀ କରିବା ସକାଶେ ପତଞ୍ଜଳି ଭାରତ ସ୍ୱାଭିମାନ ଓଡ଼ିଶା ପ୍ରଭାରୀ ସୁଧାଂଶୁ ଅଧିକାରୀ ସୁବର୍ଣ୍ଣପୁର  ଜିଲ୍ଲା ଗସ୍ତ କରି ଥିଲେ l ଐତିହାସିକ ଓ ସଂସ୍କୃତି ସମ୍ପନ ଜିଲ୍ଲା ରେ  ଯୋଗ ,ଯଜ୍ଞ , ବୈଦିକ ଶିକ୍ଷା ର ବିକାଶ ଓ ଗୋ ସେବା ଉପରେ ଗୁରୁତ୍ଵ ଦେଲେ ଭାରତ ବିଶ୍ୱ ଗୁରୁ ହୋଇ ପାରିବ ବୋଲି କହି ଶ୍ୱାସ କୁ ଅନୁଶାସନ ସହ ଗ୍ରଗଣ କଲେ ଜୀବନ ପରିବର୍ତ୍ତନ ହୁଏ ବୋଲି କହିଥିଲେ l. ସେ ଅହୁରି କହିଥିଲେ ଯେ ଯୋଗ ହେଉଛି କର୍ମ ର କୁଶଳତା , ଯୋଗ ପ୍ରାଣାୟମ ଦ୍ବାରା ଦେହ ଓ ମନ ସୁସ୍ଥ ରହେ ଓ ସବୁ କାର୍ଯ୍ଯ କରିବା ର ସ୍ପୁହା ମିଳିଥାଏ l ଆମ ଜିଭ ମାତ୍ର ଅଢେଇ ଇଞ୍ଚ କିନ୍ତୁ ତାରି ସ୍ଵାଦ ଓ ମଜା ପାଈଁ ସାରା ଶରୀର ସଜା ପାଏ ବୋଲି ଶ୍ରୀ ଅଧିକାରୀ କହିଥିଲେ l ଏହି କାର୍ଯ୍ୟକ୍ରମ ରେ ମହିଳା ରାଜ୍ୟ ପ୍ରଭାରୀ ଜେ . ଗିରିଜା ଦେବୀ  କାର୍ଯ୍ୟକାରିଣୀ ସଦସ୍ୟ ଦେବାଶିଷ ପୁରୋହିତ, ପତଞ୍ଜଳି ଭାରତ ସ୍ୱାଭିମାନ ପ୍ରଭାରୀ ମନୋଜ ପଣ୍ଡା, ପତଞ୍ଜଳି ଯୋଗ ସମିତି ମୁଖ୍ୟ  ସତ୍ୟବାନ ମିଶ୍ର,ମହିଳା ସମିତି ପ୍ରଭାରୀ ସେବତୀ ପୁଟେଲ ଯୋଗ ଦେଇଥିଲେ l ଯୋଗ ଗୁରୁ ମନୋଜ୍ ପଣ୍ଡା ସଭା ସଂଯୋଜନା କରିଥିବା ବେଳେ ସଂଯୋଜକ ରବୀନ୍ଦ୍ର ଜେନା ଧନ୍ୟବାଦ୍ ଅର୍ପଣ କରିଥିଲେ l ଗୀତିକାର ପୁରନ୍ଦର ଠେଲା ଙ୍କ ଦ୍ଵାରା ଅତିଥି ସ୍ୱାଗତ ସଙ୍ଗୀତ ପରିବେଷଣ କରା ଯାଇଥିଲା l କାର୍ଯ୍ଯ କ୍ରମ ରେ ଦିବ୍ୟ ଊର୍ଯ୍ୟା ଯୋଗ ସେବା ସମିତି ଓ ମହିଳା ଯୋଗ ସମିତି ର ସମସ୍ତ ସଦସ୍ୟ ଯୋଗ ଦେଇ ଥିବା ବେଳେ ବରିଷ୍ଠ ସଦସ୍ୟ ପ୍ରସନ୍ନ କର୍ଣ୍ଣ, ସମ୍ପାଦକ ଶ୍ରିବନ୍ତ ମିଶ୍ର, ମନୋରଞ୍ଜନ ତ୍ରୀପାଠୀ, ରୁକୁଣି ମେହେର, ଦେବ ରଞ୍ଜନ ତ୍ରୀପାଠୀ ସହଯୋଗ କରିଥିଲେ l