26-Jul-2025

ବଲାଙ୍ଗିର,ତା. ୨୬/୦୭ (ପ୍ରେରଣା ଖବର) :   ବଲାଙ୍ଗିର ଜିଲ୍ଲା ସଇଁତଳା ବ୍ଲକ ଅନ୍ତର୍ଗତ ଡେଙ୍ଗ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟରେ ସଇଁତଳାର ଗୋଲାପି ଫାଉଣ୍ଡେସନ ଓ ବିଦ୍ୟାଳୟର ମିଳିତ ଉଦ୍ୟମରେ ବିଦ୍ୟାଳୟର ନୂତନ ପରିସରରେ ଶତାଧିକ ବୃକ୍ଷ ରୋପଣ କରାଯାଇଛି। ପ୍ରଧାନ ଶିକ୍ଷୟିତ୍ରୀ ରେଣୁକା ସାହୁଙ୍କ ତତ୍ତ୍ୱାବଧାନରେ ଆୟୋଜିତ  କାର୍ଯ୍ୟକ୍ରମରେ ସମ୍ମାନିତ ଅତିଥିଭାବେ ପ୍ରାକ୍ତନ ପ୍ରଧାନ ଶିକ୍ଷକ ଚାଣ୍ଡାଳ ମିଶ୍ର ଯୋଗ ଦେଇଥିଲେ । ଫାଉଣ୍ଡେସନର ସଂସ୍ଥାପକ ତଥା ସଇଁତଳା ପଞ୍ଚାୟତର ସରପଞ୍ଚ ସୁବ୍ରତ ନାଗ ନିଜେ ମାଟି ଖନନ ସହ ବୃକ୍ଷରୋପଣ କରି କାର୍ଯ୍ୟକ୍ରମର ଶୁଭାରମ୍ଭ କରିଥିଲେ। ପରେ ସମ୍ମାନିତ ଅତିଥି, ଫାଉଣ୍ଡେସନର ସଦସ୍ୟ, ଶିକ୍ଷକ ଶିକ୍ଷୟିତ୍ରୀ, ଗ୍ରାମବାସୀ ତଥା ଛାତ୍ରଛାତ୍ରୀମାନେ ବୃକ୍ଷରୋପଣ କରିଥିଲେ। ଇତ୍ୟବସରରେ ବଟଲ ପାମ, ଜକରନ୍ଦା, ନିମ୍ବ, ପାଟୁଲି, ଜମ୍ବୁ, କାଜୁ, ପଣସ, ମେହେଗାନି, କରଞ୍ଜ, ଧରମ, ଶିରିଷ, କଦମ୍ବ, ବଉଳ ପ୍ରଭୁତି ତିନିଦିନ ଧରି ପ୍ରାୟ ତିନି ଶହରୁ ଅଧିକ ଗଛ ଲଗା ଯାଇଥିଲା। ଫାଉଣ୍ଡେସନର ସଦସ୍ୟ ଲୋଚନ ସାହୁ, କମଳ ସାହୁ,ନୀତେଶ ସାହୁ, ବୈଭବ ସାହୁ, ହିମାଂଶୁ ରଣା, ଶିକ୍ଷକ  କୃପାସିନ୍ଧୁ ମିଶ୍ର,  ଦେବେଶ ହୋତା,ସୁଦର୍ଶନ ଦାଶ, ଲିଙ୍ଗରାଜ ନନ୍ଦ, ସମୀର ସେଠି, ଦୀପକ ସେନ ଧରୁଆ, ଅବିନାଶ ଭୋଇ, ହିମାଂଶୁ ଶେଖର ବିଶ୍ଵାଳ, ଶିକ୍ଷୟିତ୍ରୀ ତପସ୍ଵିନୀ ପଟେଲ, ଗାୟତ୍ରୀ ବାରିକ, କାନ୍ତି ଭୋଇ, ଦ୍ରୌପଦୀ ଭୋଇ, ଶିବାନୀ ମଲ୍ଲିକ ପ୍ରମୁଖ କାର୍ଯକ୍ରମରେ ସହଯୋଗ କରିଥିଲେ। କାର୍ଯ୍ୟକ୍ରମକୁ ଶିକ୍ଷକ ରାମ ନାରାୟଣ ଦାଶ ସଂଯୋଜନା କରିଥିବା ବେଳେ ଶିକ୍ଷକ ମନରଞ୍ଜନ ପରିଡ଼ା ଧନ୍ୟବାଦ ଅର୍ପଣ କରିଥିଲେ।