26-Jul-2025

କଣ୍ଟାମାଳ(ଜୟ କୁମାର ମହାରଣା): ବୌଦ୍ଧ ଜିଲ୍ଲା ପ୍ରେସ କ୍ଳବ ର ପ୍ରତିଷ୍ଠା ଦିବସ ଅବସରରେ ଆଜି ସ୍ଥାନୀୟ ରକ୍ତଭଣ୍ଡାର ଠାରେ ଏକ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇ ଯାଇଛି l  ସକାଳୁ ପୁରୁଣାକଟକ ସ୍ଥିତ ମା ଭୈରବୀ ପୀଠ ଠାରେ ପ୍ରେସ କ୍ଳବ ତଥା ବିଶ୍ୱର ମଙ୍ଗଳ କାମନାକରି ଅଖଣ୍ଡ ଦୀପ ପ୍ରଜ୍ବଳନ କରାଯାଇଥିଲା l  ପରେ ଡକ୍ଟର ଶାନ୍ତନୁ ମିଶ୍ର ମୁଖ୍ୟଅତିଥି ଭାବରେ ଯୋଗଦେଇ ଶିବିରକୁ ଉଦଘାଟନ

କରିବା ସହ ଏହାର ଶୁଭାରମ୍ଭ କରିଥିଲେ l   ରକ୍ତ ଭଣ୍ଡାର ର ଡା.ହେମ୍ରମ ଓ ଷ୍ଟାଫ ଶିବିରରେ ଯୋଗଦେଇ ମୋଟ ୨୬ ୟୁନିଟ ରକ୍ତ ସଂଗ୍ରହ କରିଥିଲେ l ଜିଲ୍ଲା ପ୍ରେସ କ୍ଳବର ସଭାପତି ପ୍ରଦୋଷ କୁମାର ମିଶ୍ର, ସାଧାରଣ ସମ୍ପାଦକ ରଘୁନାଥ ଷଡ଼ଙ୍ଗୀ, ସହ ସମ୍ପାଦକ ଦୁର୍ଯ୍ୟଧନ ବିଶି, ସଦସ୍ୟ ଶମ୍ଭୁ ପ୍ରସାଦ

ମିଶ୍ର, ଦିବ୍ୟ ପଟ୍ଟନାୟକ, ଉପସଭାପତି ସମରେଶ ମିଶ୍ର, ସଂଜୀବ ମହାକୁଳ ସମେତ ଅନ୍ୟ ସଦସ୍ୟମାନେ ଉପସ୍ଥିତ ରହି ଶିବିର ପରିଚାଳନା ରେ ସହଯୋଗ କରିଥିଲେ l ଜିଲ୍ଲାର ବିଭିନ୍ନ ଅନୁଷ୍ଠାନ, ସାମ୍ବାଦିକ,ବ୍ୟବସାୟୀ,ତଥା ମହିଳା ମାନେ ସ୍ବେଛାକୃତ ଭାବେ ରକ୍ତଦାନ କରିଥିଲେ l