26-Jul-2025

ବରଗଡ଼: ଗତକାଲି ସକାଳେ ବରଗଡ଼ ମାଧବନଗର ସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର(ହିନ୍ଦୀ)ରେ ବିଦ୍ୟାଳୟସ୍ତରୀୟ ବିଜ୍ଞାନ ମେଳା ଅନୁଷ୍ଠିତ ହୋଇଯାଇଛି। ଏଥିରେ ବରଗଡ଼ ମୁନିସପାଲିଟି ପୌରାଧ୍ୟକ୍ଷା ଶ୍ରୀମତୀ କଳ୍ପନା ମାଝୀ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ। ଟାଉନ ଉଚ୍ଚ ବିଦ୍ୟାଳୟର ଅବସରପ୍ରାପ୍ତ ପ୍ରଧାନଶିକ୍ଷକ ମନମୋହନ ତ୍ରିପାଠୀ ମୁଖ୍ୟବକ୍ତା ଭାବରେ ଯୋଗ ଦେଇ 

ଛାତ୍ରଛାତ୍ରୀ ମାନଙ୍କୁ ବିଜ୍ଞାନମେଳାର ମହତ୍ୱମହତ୍ୱ ବିଷୟରେ ମାର୍ଗଦର୍ଶନ ଦେଇଥିଲେ। ବିଦ୍ୟାଳୟର ଭାରପ୍ରାପ୍ତ ପ୍ରଧାନଆଚାର୍ଯ୍ୟ ଉପେନ୍ଦ୍ର ପଣ୍ଡା ଅତିଥି ପରିଚୟ ପ୍ରଦାନ କରିଥିଲେ। ଏଥିରେ ବିଦ୍ୟାଳୟର ବିଜ୍ଞାନ ମୋଡେଲରେ ୨୧୭ଜଣ , ସେମିନାରରେ ୧୫ଜଣ, ମୋଟ ୨୩୨ଜଣ ଭାଇଭଉଣୀ ଅଂଶଗ୍ରହଣ କରିଥିଲେ। ବିଜ୍ଞାନମେଳାରେ ୧୮ଜଣ ବିଚାରକ ଉପସ୍ଥିତ ରହି ଛାତ୍ରଛାତ୍ରୀ ମାନଙ୍କ ବୈଜ୍ଞାନିକ ଉଦ୍ଭାବନ ସଂପର୍କିତ ମୋଡେଲ ସବୁକୁ ବୁଲି ଦେଖିଥିଲେ। ବିଜ୍ଞାନମେଳାର ସମାରୋପ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ସ୍ଥାନୀୟ ବିଦ୍ୟାଳୟର ସଭାପତି ରୁକ୍ମଣ ମହାପାତ୍ର, ଉପସଭାପତି ସୌଭାଗ୍ୟରଂଜନ ପ୍ରଧାନ, ସହସଂପାଦକ ସଦାଶିବ କର, କୋଷାଧ୍ୟକ୍ଷ  କୋଦଣ୍ଡ ମେହେର ଓ ପରିଚାଳନା ସମିତିର

ସଦସ୍ୟ ମାନେ ଯୋଗଦାନ କରିଥିଲେ । ବିଦ୍ୟାଳୟର ସମସ୍ତ ଆଚାର୍ଯ୍ୟ, ଆଚାର୍ଯ୍ୟା, ସେବକ, ସେବିକା ଓ ପରିଚାଳନା ସମିତିର ସଭ୍ୟା ମାନଙ୍କ ଦ୍ୱାରା ସୁଚାରୁ ରୂପେ ପରିଚାଳିତ ହୋଇଥିଲା । ଉଦ୍‌ଘାଟନୀ ସମୟରେ ଗୁରୁଜୀ ଗଙ୍ଗାଧର ଭୋଇ ଓ ସମାରୋପ କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ଉପେନ୍ଦ୍ର ପଣ୍ଡା ଧନ୍ୟବାଦ ଅର୍ପଣ କରିଥିଲେ ।