16-Jul-2025

ସିନ୍ଧେକେଲା (ଅନୀଲ କୁମାର ତ୍ରିପାଠୀ): ସାରା ଓଡିଶାରେ ଚର୍ଚ୍ଚାର ବିଷୟ ପାଲଟି ଥିବା ବାଲେଶ୍ବର ଛାତ୍ରୀ ଆତ୍ମାହୁତିକୁ ନେଇ ନ୍ୟାୟ ଦାବିରେ ସିନ୍ଧେକେଲା ପଲ୍ଲିଶ୍ରୀ ଉଚ୍ଚ ବିଦ୍ୟାଳୟର ଛାତ୍ରଛାତ୍ରୀମାନେ ଏକ ଶୋଭାଯାତ୍ରାରେ ବାହାରି ନ୍ୟାୟ ଦାବି କରିଛନ୍ତି। ପିଡିତା ସୌମ୍ୟାଶ୍ରୀ ବିଶି ନିଜ ଦେହରେ ପେଟ୍ରୋଲ ଢାଳି ଆତ୍ମହତ୍ୟା ଘଟଣା ରାଜ୍ୟକୁ ଦୋହଲାଇ ଦେଇଛି ବାଲେଶ୍ୱର ଫକୀର ମୋହନ ସ୍ଵୟଂଶାସିତ ମହାବିଦ୍ୟାଳୟ ର ଛାତ୍ରୀ ସୌମ୍ୟାଶ୍ରୀ ବିଶି (୨୦) ଗତ ଶନିବାର ଦିନ କଲେଜ କ୍ୟାମ୍ପସ ଭିତରେ ନିଜ ଦେହରେ ପେଟ୍ରୋଲ ଢାଳି ଆତ୍ମାହୁତି ଉଦ୍ୟମ କରିଥିଲେ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସା ଲୟରେ ଭର୍ତ୍ତି କରା ଯାଇଥିଲା ସ୍ୱାସ୍ଥ୍ୟ ପ୍ରତି ବିଶେଷ ସୁଧାର ନହେବା ଫଳରେ ଭୁବନେଶ୍ୱର ଏମସ କୁ ସ୍ଥାନାନ୍ତରିତ କରାଯାଇଥିଲା। ତେବେ ଛାତ୍ରୀ ଙ୍କୁ ନ୍ୟାୟ ପ୍ରଦାନ ଦାବି ରେ ସିନ୍ଧେକେଲା ପଲ୍ଲିଶ୍ରୀ ଉଚ୍ଚ ବିଦ୍ୟାଳୟ ର ଛାତ୍ର ଛାତ୍ରୀ କଣ୍ଟାବାଞ୍ଜି ଗରିବ ସେନା ସଭାପତି ଙ୍କ ନେତୃତ୍ୱରେ ମୃତ ଛାତ୍ରୀ ଙ୍କୁ ନ୍ୟାୟ ପ୍ରଦାନ ଦାବି ନେଇ ଏକ ଶୋଭାଯାତ୍ରାରେ ବାହାରି ସିନ୍ଧେକେଲା ଥାନାକୁ ପହଞ୍ଚିଥିଲେ। ଏବଂ ଥାନା ଅଧିକାରୀଙ୍କ ଜରିଆରେ ମୃତ ଛାତ୍ରୀଙ୍କୁ ନ୍ୟାୟ ପ୍ରଦାନ ପାଇଁ ମୁଖ୍ୟମନ୍ତ୍ରୀ ମୋହନ ମାଝୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରିଥିଲେ ଏହି ସମୟରେ ଟିଟିଲାଗଡ଼ ଏସଡ଼ିପିଓ ଜେ ଏନ୍ ପ୍ରଧାନୀଙ୍କ ସହ ସିନ୍ଧେକେଲା ଆଇଆଇସି ପିତାମ୍ବର ମଲ୍ଲିକ ଦାବିପତ୍ର ଗ୍ରହଣ କରିଥିଲେ।