15-Jul-2025

ସିନ୍ଧେକେଲା(ଅନୀଲ  କୁମାର ତ୍ରିପାଠୀ): ଗଣମାଧ୍ୟମ ପ୍ରତିନିଧିଙ୍କୁ ଉତ୍ତରୀୟ ଦେଇ ସମ୍ମାନିତ କଲେ ରାଣୀପୁର ଝରିଆଲ ମନ୍ଦିର ମୁଖ୍ୟ ପୂଜକ।
ଓଡ଼ିଶା ରାଜ୍ୟର ଅନନ୍ୟ ଐତିହାସିକ ଯୋଗିନୀ ପୀଠ ରାଣୀପୁର ଝରିଆଲ ମନ୍ଦିର ମୁଖ୍ୟ ପୂଜକଙ୍କ ତରଫରୁ ବିଭିନ୍ନ ଗଣମାଧ୍ୟମ ପ୍ରତିନିଧିଙ୍କୁ ଉତ୍ତରୀୟ ଦେଇ ସମ୍ମାନିତ କରାଯାଇଅଛି। ଷଷ୍ଠ ରୁ ନବମ ଶତାବ୍ଦୀ ମଧ୍ୟରେ ନିର୍ମିତ ଏହି ମନ୍ଦିର ମାଳିନୀ ରାଣୀପୁର ଝରିଆଲ ଅଦ୍ୟାବଧି ପର୍ଯ୍ୟନ୍ତ ବିକାଶ ଓ ଉନ୍ନତି ଖୋଜୁଛି। ଦେଶ ସ୍ବାଧୀନ ହୋଇ ଦଶନ୍ଧି ଦଶନ୍ଧି ବିତି ଯାଇଥିଲେ ହେଁ ପଶ୍ଚିମ ଓଡ଼ିଶାରେ ରହିଥିବାରୁ ଏବଂ ହୁଏତ ଏହି ପିଠ ରାଜ୍ୟ ରାଜଧାନୀ ରୁ ପ୍ରାୟ ୪୫୦ କିଲୋମିଟର ଦୁରରେ ଥିବାରୁ ସରକାର ତଥା ପ୍ରଶାସନିକ କଲର ଦୃଷ୍ଟି ଆଢ଼ୁଆଳରେ ରହିଯାଇଥିଲା। ହେଲେ ବିଭିନ୍ନ ଗଣମାଧ୍ୟମ ସତେ ଯେମିତି ଯୋଗିନୀ ପୀଠ କୁ ତା ଅଧିକାର ଫେରାଇ ଆଣିବାକୁ ଅଣ୍ଟା ଭିଡି ବାରମ୍ବାର ସରକାରଙ୍କ ଦୃଷ୍ଟି ଆକର୍ଷଣ କରିଥିଲେ। ତେଣୁ ବର୍ତ୍ତମାନ ର ଡବଲ ଇଞ୍ଜିନ ସରକାର ଆସିବାପରେ ବଲାଙ୍ଗୀର ସାଂସଦ ସଂଗିତା ସିଂହଦେଓ ଏବଂ କଣ୍ଟାବାଞ୍ଜି ବିଧାୟକ ଲକ୍ଷ୍ମଣ ବାଗ ଙ୍କ ସତ ପ୍ରଚେଷ୍ଟାରେ ଏହି ପିଠ ପ୍ରସାଦ ଯୋଜନା ରେ ସାମିଲ କରାଯାଇଛି। ଏବଂ ଉନ୍ନତି ଓ ବିକାଶ ସକାଶେ ଡିପିଆର ମଧ୍ୟ ପ୍ରସ୍ତୁତ ହୋଇସାରିଛି। ତେଣୁ ଆଜି ଶ୍ରାବଣର ପ୍ରଥମ ସୋମବାର ଉପଲକ୍ଷେ ଖବର ସଂଗ୍ରହ ପାଇଁ ଆସିଥିବା ସମସ୍ତ ଗଣମାଧ୍ୟମ ପ୍ରତିନିଧିଙ୍କୁ ମନ୍ଦିର ଟ୍ରଷ୍ଟ କମିଟିର ଉପସ୍ଥିତିରେ ମୁଖ୍ୟ ପୂଜକ ଜଗମୋହନ ତ୍ରିପାଠୀ ଉତ୍ତରୀୟ ଦେଇ ସମ୍ମାନିତ କରିଥିଲେ। ଏଥିରେ ଅନ୍ୟ ମାନଙ୍କ ମଧ୍ୟରେ ଗଣମାଧ୍ୟମ ପ୍ରତିନିଧି ସୁରଦାସ ବାଗ, ଅଶୋକ ନାରାୟଣ ଭୋଇ, ଦିପକ ଦାସ ଯାଦବ, ହୁଲେଶ୍ବର ହଂସ, "ସମ୍ବାଦ" ପ୍ରତିନିଧି ଅନିଲ କୁମାର ତ୍ରିପାଠୀ , ନିତ୍ୟାନନ୍ଦ ପୃଷେଠ ପ୍ରମୁଖ ସମ୍ମାନିତ ହୋଇଥିଲେ। ଏହି ସମୟରେ ଧାଡି ରେ ଥିବା ବହୁ ଭକ୍ତ ଓ ଶ୍ରଦ୍ଧାଳୁ ଗଣମାଧ୍ୟମ ପ୍ରତିନିଧି ମାନଙ୍କୁ ଶୁଭେଚ୍ଛା ଦେଉଥିବା ଦେଖିବାକୁ ମିଳିଥିଲା।