14-Jul-2025

ତରଭା(କପିଳାସ ସେଠ୍): ସ୍ଥାନୀୟ ଓ ବ୍ଲକର ବିଭିନ୍ନ ଶିବାଳୟରେ ଶ୍ରବଣର ପ୍ରଥମ ସୋମବାରରେ ଶତଧିକ ଭକ୍ତଙ୍କ ଭିଡ଼ ଦେଖିବାକୁ ମିଳିଥିଲା I ଅଞ୍ଚଳରେ ଖ୍ୟାତି ଅର୍ଜୁନ କରିଥିବା ତରଭା ସହର ଶ୍ରୀ ନୀଳକଣ୍ଠେଶ୍ଵର ବାବାଙ୍କ ଶୈବ ପୀଠରେ ପ୍ରଥମ ସୋମବାର ରାତି ୩ଟା ରୁ ଶୈବ ଭକ୍ତଙ୍କ ଲମ୍ବା ଲାଇନ ହର ହର ମହାଦେବ ଧ୍ୱନିରେ ପ୍ରକମ୍ପିତ ହୋଇଥିଲା I ଦୀର୍ଘ ସମୟ ପର୍ଯ୍ୟନ୍ତ ବିଶେଷ କରି ମହିଳା ଭକ୍ତଙ୍କ ଲମ୍ବା ଲାଇନ ରହିଥିଲା I ସେହିପରି ସହର ବଡ଼ବନ୍ଦ ସ୍ଥିତ ବାବା ଧବଳେଶ୍ୱର, ମାଳିପଡା ସ୍ଥିତ ବାବା ବାଲୁଙ୍କେଶ୍ୱର ପୀଠରେ ମଧ୍ୟ୍ୟ ଭକ୍ତଙ୍କ ଭିଡ ରହିଥିଲା I ତରଭା ବ୍ଲକର ବିଭିନ୍ନ ପଞ୍ଚାୟତ ମାନଙ୍କରେ ବିଭିନ୍ନ ଗ୍ରାମରେ ଥିବା ଶୈବ ପୀଠରେ ଭିଡ଼ ରହି ଥିଲା I ତେନ୍ତୁଳୀଖୁଣ୍ଟି, ବାରିକ ପାଳି, ମାଝୀ ପାଳି, ବ୍ରହ୍ମଣୀ, ପୁଆ, ମେଣ୍ଡା, ଦେଉଳପଦର, ଝିଲ୍ଲୀ ମୁଣ୍ଡା, ଚାରଭଟ୍ଟା, ସମେତ ସମସ୍ତ ଶୈବ ପୀଠ ମାନଙ୍କରେ କଉଡ଼ିଆ ଓ ଶିବ ଭକ୍ତଙ୍କ ଭିଡ ଲାଗି ରହିଥିଲା l ସମସ୍ତ ମନ୍ଦିର ମାନଙ୍କରେ ଭକ୍ତ ମାନଙ୍କ ଦ୍ୱାରା ଜଳାଭିଷେକ କରାଯାଇ ଥିଲା  I