11-Jul-2025

ବରପାଲି  ,(ସୁଦାମ ଦୀପ)  ଗୁରୁ ପୂର୍ଣ୍ଣିମା ଦିନ ଶଦ୍ଦନୃତ୍ୟ ଗୁରୁ ଭଗବାନ ସାହୁ ସ୍ମୃତି କମିଟି ବରପାଲି ଓ ଶ୍ରୀ ଶ୍ରୀ ବ୍ରଜେଶ୍ୱରୀ ନୃତ୍ୟଜଳା ପରିଷଦ କୁମ୍ଭାରୀ ମିଳିତ ଉଦ୍ୟମରେ ଏକ ସ୍ମୃତି ସଭା ଗଙ୍ଗାଧର ସ୍ମୃତି ଭବନ ପରିସରରେ ଅନୁଷ୍ଠିତ ହୋଇଥିଲା । ଶଦ୍ଦନୃତ୍ୟ ଭଗବାନ ସାହୁ ଙ୍କ ଦ୍ୱାରା ନିର୍ଦ୍ଦେଶିତ ନାଟକର ବିଭିନ୍ନ ଭୂମିକାରେ ଜୀବନ୍ତ ଅଭିନୟ ଦର୍ଶକଙ୍କ ହୃଦୟକୁ ଛୁଇଁ ପାରିଥିଲା । ତାଙ୍କ ରଚନାରେ ବୀର ସୁରେନ୍ଦ୍ର ସାଏ, ସୁଭଦ୍ରା ହରଣରେ ଦୁର୍ଯ୍ୟୋଧନ, ଦାନବୀର ହରିଶ୍ଚନ୍ଦ୍ରରେ ମନ୍ତ୍ରୀ, କାରା ମନ୍ଦିରରେ ଭବଦତ୍ତ ବ୍ରାହ୍ମଣ, ସମ୍ବରାସୁର ବଧରେ ଶ୍ରୀକୃଷ୍ଣ, ଶାନ୍ତିଦୂତ ଶ୍ରୀକୃଷ୍ଣରେ ଗୋଦାବରୀ ଶର୍ମା, ଶ୍ରୀଜଗନ୍ନାଥରେ ଇନ୍ଦ୍ରଦ୍ୟୁମ୍ନ, ଭୀଷ୍ମ ଶରସଜ୍ୟାରେ ଯୁଧିଷ୍ଠିର, କବି ସମ୍ରାଟ ଉପେନ୍ଦ୍ର ଭଞ୍ଜରେ ନିକୁଞ୍ଜ, ଶ୍ରୀକୃଷ୍ଣ ଲୀଳାରେ କଂସ ଆଦି ନିର୍ଦ୍ଦେଶନା ଜୀବନ୍ତ ହୋଇ ରହିବ । ସମ୍ମାନିତ ଅତିଥି ଭାବରେ ଶ୍ରୀଯୁକ୍ତ ଦିନେଶ ଗହୀର ଅଧ୍ୟକ୍ଷ ବରପାଲି ଏନ୍ ଏ ସି, ମୁଖ୍ୟ ଅତିଥି ଭାବରେ ଶ୍ରୀଯୁକ୍ତ ରୁକ୍ମଣ ମେହେର ତହସିଲଦାର ବରପାଲି, ଶ୍ରୀଯୁକ୍ତ ଉତ୍ପନ୍ନ କୁମାର ଭୋଇ ସମ୍ବଲପୁରୀ ସାହିତ୍ୟର ଗବେଷକ, ମୁଖ୍ୟବକ୍ତା ଶ୍ରୀମତୀ ନିବେଦିତା ସାହୁ, ପ୍ରଧାନ ଶିକ୍ଷୟତ୍ରୀ , ଲେଣ୍ଡା ହାଇସ୍କୁଲ, ରୋହିତ ମହାରଣା, ବିଜୟାନନ୍ଦ ସାହୁ, ଡ. ସୁବଲ ଚନ୍ଦ୍ର ମାଝୀ (ସଭାପତି), ମହେନ୍ଦ୍ର କୁମାର ମେହେର, ସୁରେନ୍ଦ୍ରବୀର ଭୁବନ ଭୋଇ, ବୀରେନ୍ଦ୍ର ନାଥ ନାଗ । ସମ୍ମାନୀତ ପ୍ରତିଭା ପରମାନ ସ୍ୱାଇଁ, ଅମୂଲ୍ୟ କୁମାର ବେହେରା, ଉତ୍ପନ୍ନ ଭୋଇ, କୃଷ୍ଣ ଚନ୍ଦ୍ର ଭୁଏ, କଏଁରା ସାହୁ, କୁନ୍ତୀ ପଧାନ ମାନଙ୍କୁ ଉପଢୌକନ ଓ ପୁଷ୍ପଗୁଚ୍ଛ ଦେଇ ସ୍ୱାଗତ ସମ୍ବଦ୍ଧନା ଦେଇଥିଲେ ।