11-Jul-2025

ବରପାଲି,(ସୁଦାମ ଦୀପ)  ବରପାଲି ହସ୍ତତନ୍ତ କଳାର ପ୍ରଚାର ପ୍ରସାର ନିମନ୍ତେ ଗ୍ରାମିଣ ଯୁବ କେନ୍ଦ୍ରର ଅଭିନବ ପ୍ରୟାସ। ପୁରୀ ରଥଯାତ୍ରା ଉପଲକ୍ଷେ ଆୟୋଜିତ ହେଉଥିବା ଶିଳ୍ପ ବାଣିଜ୍ୟ ପଲ୍ଲୀଶ୍ରୀ ମେଳାରେ  ଲକ୍ଷାଧିକ ଭକ୍ତଙ୍କ  ସ୍ଵତନ୍ତ୍ର  ଦୃଷ୍ଟି ଆକର୍ଷଣ କରିଥିବା ବରପାଲି ହସ୍ତତନ୍ତ ବସ୍ତ୍ର ପ୍ରଦର୍ଶନୀ ପ୍ରଥମ ସ୍ଥାନ ଅଧିକାର କରିଥିବା ଜଣା ପଡ଼ିଛି। 
ବରଗଡ ଜିଲ୍ଲା ବରପାଲି ହସ୍ତତନ୍ତ କଳା ଏବଂ ସଂସ୍କୃତିର ପୀଠ ତଥା ରାଜ୍ୟର ସ୍ୱନାମଧନ୍ୟ କବି ଗଙ୍ଗାଧର ମେହେରଙ୍କ ପବିତ୍ର ଜନ୍ମମାଟି ପୁଣ୍ୟ ବରପାଲିକୁ ଏକ ତୀର୍ଥସ୍ଥଳୀ ତଥା ପର୍ଯ୍ୟଟନ ସ୍ଥଳୀ ଭାବରେ ଜନପ୍ରିୟ କରିବା ନିମନ୍ତେ ଜିଲ୍ଲାପାଳ ଶ୍ରୀଯୁକ୍ତ ଗୋୟଲ୍ ଏବଂ ତାଙ୍କର ପରାମର୍ଶକ୍ରମେ ଜିଲ୍ଲା ପର୍ଯ୍ୟଟନ ଅଧିକାରୀ ଶ୍ରୀଯୁକ୍ତ ସିଂଙ୍କ ନିର୍ଦ୍ଦେଶନାରେ  ବରପାଲି ଗ୍ରାମର ପ୍ରସିଦ୍ଧ ବନ୍ଧକଲା ଶିଳ୍ପୀ ଶ୍ରୀ ଯୋଗୀନ୍ଦ୍ର ମେହେରଙ୍କ ପ୍ରଦର୍ଶିତ ବରପାଲି ହସ୍ତତନ୍ତ ବସ୍ତ୍ର ପ୍ରଦର୍ଶନୀ ପ୍ରଥମ ସ୍ଥାନ ଅଧିକାର କରିଥିବା ଜଣା ପଡ଼ିଛି । ଏହି ପ୍ରଦର୍ଶନୀ ଓ ବିକ୍ରୟ ମେଳାରେ  ବରପାଲି ଗ୍ରାମୀଣ ଯୁବ କେନ୍ଦ୍ର ନିର୍ଦ୍ଦେଶକ  ଶ୍ରୀ ଦିଲ୍ଲୀପ କୁମାର ସାହୁ ଅବସରପ୍ରାପ୍ତ ଅଫିସର କେନ୍ଦ୍ର ସରକାର, ତଥା କେନ୍ଦ୍ର ସରକାରଙ୍କ ତରଫରୁ ଜିଲ୍ଲା ପର୍ଯ୍ୟଟନ ଅଧିକାରୀ ଶ୍ରୀଯୁକ୍ତ ପ୍ରମୋଦ କୁମାର ସିଂଙ୍କ ତତ୍ବାବଧାନରେ ୨୬ ଜଣ ମହିଳା ବୁଣାକାର ମାନେ ବିଭିନ୍ନ ବୁଣାକାର ପରିବାରଙ୍କୁ ଭେଟିବା ସହ ତନ୍ତବୁଣା, ବାନ୍ଧବନ୍ଧା ପ୍ରକ୍ରିୟା ଆଦି ଦେଖିବା ସଙ୍ଗେ ସଙ୍ଗେ ମହିଳା ଗୋଷ୍ଠୀ ସଦସ୍ୟଙ୍କ ସହିତ ମତ ବିନିମୟ କରିଥିଲେ। ପରେ ଯୁବ ବାନ୍ଧଶିଳ୍ପୀ କ୍ଷୀରୋଦ କୁମାର ମାଟିଙ୍କ ସହିତ ବୁଣା କାର୍ଯ୍ୟ ସରଳୀକରଣ, ବାନ୍ଧ ରଙ୍ଗ, ଉତ୍ପାଦ ଏବଂ ବଜାରୀ କରଣ ଉପରେ ମତ ବିନିମୟ କରିଥିଲେ । ଏହି କର୍ମଶାଳାରେ ଗ୍ରାମୀଣ ଯୁବ ନିର୍ଦ୍ଦେଶକ ଦିଲ୍ଲୀପ ସାହୁ, ନିର୍ଦ୍ଦେଶକ ରୋହିତ ମହାରଣା, ଦିଲ୍ଲୀପ ସାହୁ, ବୈଦ୍ୟନାଥ ମେହେର, ଜିଲା ମିଶନ ଶକ୍ତି ସମ୍ପାଦିକା କୁନ୍ତୀ ପଧାନ, ସଭାପତି ପିକା ମଲ୍ଲିକ, ସ୍ଥାନୀୟ ବୁଣାକାର ବିଚିତ୍ର ଦତ୍ତ ପ୍ରମୁଖ ଉପସ୍ଥିତ ଥିଲେ ।