11-Jul-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ବ୍ଲକ ଅନ୍ତର୍ଗତ ହିର୍ଲି ପାଲି ଗ୍ରାମରେ ଏବେ ଡାଇରିଆ ଆତଙ୍କ।ଗ୍ରାମର ମୁଖ୍ୟତଃ ମାଙ୍ଗିଲି ପଡ଼ା, ଧୁବା ପଡ଼ା ଓ ସହରା ପଡ଼ାରେ    ଡାଇରିଆରେ ଆକ୍ରାନ୍ତ ହେଉଛନ୍ତି ଅଧିକ ଲୋକ । ଏବେ ସୁଦ୍ଧା ୬୩ ଜଣ ଆକ୍ରାନ୍ତ ହୋଇଥିବା ବେଳେ ୪୭ ଜଣ ଉପକୃତହୋଇ ସାରିଛନ୍ତି । ୫ ଜଣ ବୁର୍ଲାରେ ଜଣେ ବରଗଡ଼ ଓ ଜଣେ ଗ୍ରାମରେ  ସ୍ବାସ୍ଥ୍ୟ କର୍ମଚାରୀଙ୍କ ଦ୍ଵାରା ଚିକିତ୍ସିତ ହେଉଛନ୍ତି ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ ସୂଚନା ରହିଛି।  ଡାଇରିଆ ସଂକ୍ରମଣ ହାର  ବଢୁଥିବା ଖବର ନେଇ ଅତାବିରା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ପକ୍ଷରୁ ଗତ ୫ ତାରିଖରୁ ଏକ ୧୨ ଜଣିଆ ସ୍ବାସ୍ଥ୍ୟ କର୍ମୀଙ୍କୁ ନେଇ ଏକ ଦଳ ଗଠନ କରି ହିର୍ଲୀ ପାଲି ଠାରେ ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ର ଖୋଇଛନ୍ତି । ଉକ୍ତ ସ୍ବାସ୍ଥ୍ୟକର୍ମୀ ଦଳରେ  ଡଃ ଯଯାତି ରାଉତ, ଡଃ ସୀମାରାଣୀ ନନ୍ଦ,ଡଃ ଭିଷ୍ମଦେବ ଭୋଇ ଙ୍କ ସମେତ ଏ ଏନ୍ ଏମ୍, ଆଶାକର୍ମୀ ଓ ଅଙ୍ଗନୱାଡ଼ି କର୍ମୀ ରହିଛନ୍ତି । ବରଗଡ଼ ଓ ଅତାବିରା ଆର୍ ଡବ୍ଲୁ ଏସ ଏସ  ର ଯନ୍ତ୍ରୀ ମାନେ ଆସି ଗ୍ରାମରେ  ବ୍ୟବହୃତ ପାନୀୟ ଜଳ ର ପରୀକ୍ଷା ନିରୀକ୍ଷା କରିବା ପରେ ଡାଇରିଆ ପଜିଟିଭ ବୋଲି ଜଣାପଡିଛି ।ଦୂଷିତ  ପାନୀୟ ଜଳ ଯୋଗୁଁ ଡାଇରିଆ ସଂକ୍ରମଣ ଗ୍ରାମରେ ବୃଦ୍ଧି ପାଉଥିବା ସ୍ପଷ୍ଟ ହୋଇଛି ।ଆଜି ଜିଲ୍ଲା ମୁଖ୍ୟ ସ୍ବାସ୍ଥ୍ୟ ଅଧିକାରୀ  ପହଞ୍ଚି  ଡାଇରିଆ ସ୍ଥିତି  ପରଖିଥିଲେ ।ଏହା ସହ  ପାନୀୟ ଜଳ ପରୀକ୍ଷା ପାଇଁ  ବରଗଡ଼ ପଠାଇଛନ୍ତି । ଗ୍ରାମର ସମସ୍ତ ନଳକୂଅ, କୂଅ, ମାନଙ୍କରେ ହାଲୋଜେନ୍ ବଟିକା ପକା ଯିବା ସହ ଚାରିଆଡ଼େ ବ୍ଲିଚିଂ ପାଉଡର ଓ ଫିନାଇଲ ସିଞ୍ଚନ କରାଯାଇଛି ସ୍ବାସ୍ଥ୍ୟ ବିଭାଗ ପକ୍ଷରୁ ।ଜିଲ୍ଲା ସି ଡି ଏମ ଆଣ୍ଡ ପି ଏଚ୍ ଓ ଆଜି ପହଞ୍ଚି  ଲୋକଙ୍କ ସ୍ୱାସ୍ଥ୍ୟବସ୍ଥା ପଚାରି ବୁଝିଥିଲେ। ଭୁବନେଶ୍ୱରରୁ ସ୍ବାସ୍ଥ୍ୟ କର୍ମୀ ଦଳ  ମଧ୍ୟ ଆଜି ଏହି ଗ୍ରାମକୁ  ପହଞ୍ଚିବାର ସୂଚନା  ରହିଛି,ତେଣୁ ଅସ୍ଥାୟୀ ସ୍ବାସ୍ଥ୍ୟ କେନ୍ଦ୍ରର ସମସ୍ତେ ଅପେକ୍ଷା ରତ । କିନ୍ତୁ ଏବେ ସୁଦ୍ଧା ଗ୍ରାମବାସୀଙ୍କ ମଧ୍ୟରେ ଡାଇରିଆ ଆତଙ୍କ ଲାଗି ରହିଛି ।