10-Jul-2025

ଲୋଇସିଂହା, (ବିନୋଦ ଦୀପ) ପତଞଳୀ ଯୋଗ ସମିତି, ଲୋଇସିଂହା ସାଖା ଆନୁକୁଲ୍ୟରେ ସ୍ଥାନୀୟ ବ୍ଳକ ଛକ ବିଶ୍ବାଳ ଛାତ୍ରୀ ନିବାସ ଠାରେ ପବିତ୍ର ଗୁରୁ ପୁର୍ଣିମା ମହୋତ୍ସବ ପାଳନ କରାଯାଇଛି l ଏହି କାର୍ଯ୍ୟକ୍ରମ ରେ ପତଞଳୀ ଯୋଗ ସମିତି ବଲାଙ୍ଗିର ଜିଲ୍ଲା ପ୍ରଭାରୀ ଅଶୋକ ଅଗ୍ରୱାଲ, ଲୋଇସିଂହା ତହସିଲ ପ୍ରଭାରୀ ରାମଚନ୍ଦ୍ର ସାହୁ ଯୋଗଦେଇ  ଜୀବନରେ ଗୁରୁ କ୍ରୃପାର ମହିମା ସହିତ ଯୋଗ ପ୍ରାଣାୟମ ଆସନ ର ମହତ୍ଵ ଓ ଉପାଦେୟତା ଉପରେ  ମାର୍ଗଦର୍ଶନ କରିଥିଲେ। ବିଦ୍ୟାର୍ଥୀ ଜିବନରେ ସୁସ୍ଥ ଶରୀର, ଦୃଢ଼ ମାନସିକତା , ମାନସିକ ଅବସାଦ ରୁ ମୁକ୍ତି ଏବଂ ନିଜର ଆଚାର ବ୍ୟବହାର ଓ ବାଣି ଉପରେ ସଂଯମତା ପାଇଁ ଯୋଗର ଭୁମିକା ବିଷୟ ରେ ଅତିଥି ମାନେ ଛାତ୍ରଛାତ୍ରୀ ମାନଙ୍କୁ ଅବଗତ କରାଇଥିଲେ l ପରେ ଅନ୍ତେବାସୀ ଙ୍କୁ ପତଞଳୀ ପକ୍ଷରୁ ଜୁସ୍ ବଣ୍ଟନ କରାଯାଇଥିଲା।ଅନ୍ୟତମ ଅତିଥି ରେ ଯୋଗ ସମିତି ର ବରିଷ୍ଟ ସଭ୍ୟ ସାଧୁ ଚରଣ ବିଶ୍ବାଳ, ମକରଧ୍ବଜ ଧରୁଆ ଓ କୁଶଧ୍ବଜ ସୁନା ଯୋଗ ଦେଇଥିଲେ। ଶେଷରେ ସରୋଜ ବିଶ୍ବାଳ ଧନ୍ୟବାଦ ଅର୍ପଣ କରିଥିଲେ l