09-Jul-2025

(ଚିନ୍ତାମଣି ନେତାମ)
ପୂର୍ବ ସରକାର ରାଜ୍ୟର ସମସ୍ତ ଶିକ୍ଷାନୁଷ୍ଠାନ ମାନଙ୍କୁ ରୂପାନ୍ତରିକରଣ କରିବାପାଇଁ ଲକ୍ଷ ଲକ୍ଷ ଟଙ୍କା ସମସ୍ତ ଶିକ୍ଷାନୁଷ୍ଠାନ  ମାନଙ୍କୁ  ପ୍ରଦାନ କରିଛନ୍ତି  l ଯାହା ଛାତ୍ରଛାତ୍ରୀମାନଙ୍କ ମନକୁ  ପାଠ ପଢିବାରେ ଆହୁରି ଦୃଢ କରିବ ସେଥିପାଇଁ ସ୍ମାର୍ଟ କ୍ଲାସ ସହିତ ଅନେକ ପ୍ରକାର ବ୍ୟବସ୍ଥା ପାଇଁ ଅଟକଳ ପ୍ରଦାନ କରିଥିଲେ l ହେଲେ ଆଜି ପୂର୍ବ ସରକାର ଅନୁଦାନ ଦେଇ ଆଜକୁ  ନୂଆ ସରକାର ବସି ଅନେକ ମାସ ବିତିଗଲାଣି ହେଲେ ଏବେ ଵି ଛାତ୍ରମାନେ ପରିସ୍ରା ପାଇଁ ମୁଖ୍ୟ ରାସ୍ତା ଅତିକ୍ରମ କରି ଯାଉଛନ୍ତି  l ଯାହା ଦେଖିବାକୁ ମିଳିଛି ନୂଆପଡା ଜିଲ୍ଲା ବୋଡେ଼ନ ଗୋଷ୍ଠୀ ଶିକ୍ଷା ଅଧିନସ୍ଥ ବାବେବିର ଗ୍ରାମପଂଚାୟତ ଧରଣୀମାଳ ଉଚ୍ଚ ବିଦ୍ୟାଳୟ ରେ , ଏହି ବିଦ୍ୟାଳୟରେ ଛାତ୍ରଛାତ୍ରୀ ମାନେ ବିଭିନ୍ନ ସମସ୍ୟାର ସମ୍ମୁଖୀନ ହେଉଥିବା ଅଭିଯୋଗ କରିଛନ୍ତି  l ଯାହା ପୁଅ ମାନଙ୍କ  ଶୌଚାଳୟ ଅର୍ଦ୍ଧ ନିର୍ମାଣ ହୋଇ ରହିଛି  l ବିଶୁଦ୍ଧ ପାନୀୟ ଜଳ ଯୋଗାଣ ଠପ ହୋଇ ରହିଛି  l ଯାହା ଅଧ କିଲୋମିଟରକୁ ଯାଇ ପିଇବା ପାଇଁ ପାଣି ଆଣୁଛନ୍ତି  l  ଇନଭେଟ ବ୍ୟବସ୍ଥା ପାଇଁ ବ୍ୟାଟେରୀ ଅଣାଯାଇଛି କିନ୍ତୁ ଅତି ଦୁଃଖର ବିଷୟ  ଏ ପର୍ଯ୍ୟନ୍ତ ତାହା କୌଣସି କାର୍ଯ୍ୟରେ ଲଗାଯାଇ ନାହିଁ  l ଅନ୍ୟ ବିଦ୍ୟାଳୟ ମାନଙ୍କରେ ସୁନ୍ଦର ଭୋଜନାଲୟ ରହିଛି ହେଲେ  ଏହି ବିଦ୍ୟାଳୟ ରେ ତାହା  ସ୍ବପ୍ନ ହୋଇ ରହିଛି  l ଏ ପର୍ଯ୍ୟନ୍ତ  ବିଦ୍ୟାଳୟ ସମ୍ମୁଖରେ ପେପର ବ୍ଲକ ମଧ୍ୟ ଲଗାଯାଇ ନାହିଁ  l ବିଦ୍ୟାଳୟ ଉପରେ ଯାଇଛି  ମୁକୁଳା ବିଦ୍ୟୁତ ତାର, କେବେ ଯେ କେଉଁ ଶିକ୍ଷକ / ଶିକ୍ଷୟିତ୍ରୀ  ଛାତ୍ରଛାତ୍ରୀ ଙ୍କ ଜୀବନ ଯିବ ତାହା ସମୟ ହିଁ କହିବ l ଏମିତି ଅନେକ ପ୍ରକାର ସମସ୍ୟା ବିଦ୍ୟାଳୟରେ ଘେରି ରହିଛି  l ତେଣୁକରି  ଏଥିପ୍ରତି ବ୍ଲକ ପ୍ରଶାସନ ଓ ଜିଲ୍ଲା ପ୍ରଶାସନ ଦୃଷ୍ଟି ଆକର୍ଷଣ କରିବା ସହ ରହିଥିବା ସମସ୍ୟା କୁ  ଦୂର କରିବା ପାଇଁ ଛାତ୍ରଛାତ୍ରୀ ମାନେ  ନିବେଦନ କରିଛନ୍ତି  l