09-Jul-2025

ପାଟଣାଗଡ଼ (ପୂର୍ଣ୍ଣ ଶଶୀ ଶେଖର ରାଓ )ବଲାଙ୍ଗୀର ଜିଲ୍ଲା ଏକ ଦାଦନ ପ୍ରବଣ ଜିଲ୍ଲା ଭାବେ ବେଶ ପରିଚିତ ଥିବା ବେଳେ ଏହି ଜିଲ୍ଲାରେ ଦାଦନ ରୋକିବାକୁ କେନ୍ଦ୍ର ସରକାର ଙ୍କ ମହାତ୍ମାଗାନ୍ଧୀ କର୍ମ ନିଯୁକ୍ତି ଯୋଜନାରେ କୋଟି କୋଟି ଟଙ୍କା ଖର୍ଚ୍ଚ ହୁଏ ସତ କିନ୍ତୁ ତାହା ଶ୍ରମିକ ଙ୍କ ହିତ ପାଇଁ ନୁହେଁ ଅଧିକାରୀ ଙ୍କ ପକେଟ ଗରମ ପାଇଁ ହୋଇଥାଏ ଯାହାଫଳରେ ଏଠାକାର ଲୋକେ ଦାଦନ ଯିବା ପାଇଁ ବାଧ୍ୟ ହୋଇଥାନ୍ତି!ପ୍ରତିଦିନ ପ୍ରତି ମୁହୂର୍ତ୍ତ ରେ ଦାଦନ ପ୍ରବଣ ଜିଲ୍ଲା ବଲାଙ୍ଗିର ରେ ମନରେଗା ଦୁର୍ନୀତି ବିଭିନ୍ନ ଗଣମାଧ୍ୟମ ଓ ପତ୍ରପତ୍ରିକା ରେ ଦେଖିବାକୁ ମିଳେ!ବେଳେ ବେଳେ ଛୋଟ ଛୋଟ କର୍ମଚାରୀ ଙ୍କ ଉପରେ କାର୍ଯ୍ୟାନୁଷ୍ଠାନ ନେଇ ବାହୋସ୍ପଟ ଦେଖାଏ ଜିଲ୍ଲା ପ୍ରଶାସନ!ଦୁର୍ନୀତି କମିବା ବଦଳରେ ବୃଦ୍ଧି ହେଉଥିବା ଯୋଗୁଁ ଏହା ଉପରେ ଅତିଷ୍ଟ ହେବାକୁ ବସିଲେଣି ଲୋକେ!ମାଓପ୍ରବଣ ଅଞ୍ଚଳ ଖପ୍ରାଖୋଲ ବ୍ଲକ ରେ ସର୍ବାଧିକ ମନରେଗା ଦୁର୍ନୀତି ଅଭିଯୋଗ ଆସୁଥିଲେ ସୁଦ୍ଧା ନିରବ ରହିଛି ଜିଲ୍ଲା ପ୍ରଶାସନ!ଏହି ଅଞ୍ଚଳ ରେ ପୂର୍ବରୁ ଅନେକ ଦୁର୍ନୀତି ଅଭିଯୋଗ ହୋଇଥିବା ବେଳେ ସବୁକୁ ଚାପି ଦିଆଯାଇଛି!ଏହା ଉପରେ ଯିଏ ସ୍ୱର ଉତ୍ତୋଳନ କରିଛି ତାକୁ ମଧ୍ୟ ଦବାଇ ଦିଆଯାଇଥିବା ଘଟଣା ଦେଖିବାକୁ ମିଳିଥିଲା!ଗତ କିଛି ବର୍ଷ ତଳେ ମନରେଗା ଦୁର୍ନୀତି ର ପର୍ଦାଫାଶ କରିବା ପାଇଁ ସମାଜସେବୀ ଧ୍ରୁବ ସରାଫ କିଛି ସମର୍ଥକ ଙ୍କୁ ଧରି ବ୍ଲକ ସମ୍ମୁଖରେ ଧାରଣା ଦେଇଥିଲେ ସେହି ସମୟ ର ବିଡ଼ିଓ ରଶ୍ମି ରଞ୍ଜନ ରାଉତ କିଛି ନ ଶୁଣିଥିଲେ ସେଥିପାଇଁ ତୁ ତୁ ମେଁ ମେଁ ହୋଇଥିବା ବେଳେ ଧ୍ରୁବ ସେରାଫ ଙ୍କୁ ମିଛ କେଶ ରେ ଫସାଇ ଜେଲ ପଠାଇ ଦିଆଯାଇଥିଲା!ସେଦିନ ଠାରୁ ଅଞ୍ଚଳବାସୀ ମନରେଗା ଦୁର୍ନୀତି ର ବିରୋଧ ରେ ସ୍ୱର ଉତ୍ତୋଳନ କରୁନଥିବା ଯୋଗୁଁ ପୁଣି ମନରେଗା ଦୁର୍ନୀତି ର କାୟା ବିସ୍ତାର ହେବାକୁ ଲାଗିଲା!ଶୁଣିବାକୁ ମିଳେ ଯେ ଏହି ବ୍ଲକ ର କିଛି ସରପଞ୍ଚ ମନରେଗା ଦୁର୍ନୀତି କରି ସରକାରୀ ବାବୁ ଙ୍କୁ ଦାମୀ ଦାମୀ ଗିଫ୍ଟ ମଧ୍ୟ ପ୍ରଦାନ କରନ୍ତି!ବର୍ତ୍ତମାନ ବଲାଙ୍ଗିର ଜିଲ୍ଲା ଖପ୍ରାଖୋଲ ବ୍ଲକ ମାଟିଆଭଟା ଗ୍ରାମ ରେ ମନରେଗା ଯୋଜନାରେ ମେସିନ କାମ ହେଉଥିବା ର ଭିଡ଼ିଓ ଆମକୁ ହସ୍ତଗତ ହୋଇଥିବା ବେଳେ ତାକୁ ଚାପି ଦିଆଯାଉଥିବା ପ୍ରୟାସ ଜାରି ହେଉଛି!ସୂଚନା ଅନୁସାରେ ମାଟିଆଭଟା ଗ୍ରାମ ପଞ୍ଚାୟତ ମାଟିଆଭଟା ଗ୍ରାମ ରେ ମନରେଗା ଯୋଜନାରେ ନୂଆ ବନ୍ଧ ଟେଙ୍କ ପୁନଃ ଉଦ୍ଧାର ପାଇଁ 9,95000 ଟଙ୍କା ବ୍ୟୟ ବରାଦ ରେ କାର୍ଯ୍ୟାଦେଶ ହୋଇଥିଲା!ସେହି କାମ କୁ ଶ୍ରମିକ ବଦଳ ରେ ମେସିନ କରୁଥିବା ଅଭିଯୋଗ ହେଉଛି ଏବଂ ତାର ଭିଡ଼ିଓ ମଧ୍ୟ ଆମର ହସ୍ତଗତ ହୋଇଛି!କିନ୍ତୁ ଏ ବିଷୟରେ ଏପିଓ ପ୍ରଶାନ୍ତ ସାହୁ ଙ୍କୁ ପଚାରିବାରୁ ସେ କହିଲେ କି ଭିଡ଼ିଓ ମୁଁ ମଧ୍ୟ ଦେଖିଲି ଏଡିଇଓ କହୁଥିଲେ କି ଗ୍ରାମବାସୀ ନିଜସ୍ୱ ଟଙ୍କା ଖର୍ଚ୍ଚ କରି କାମ କରୁଛନ୍ତି!ଏ ବିଷୟରେ ଏଡିଇଓ ଏବଂ ଜେଇ ଙ୍କୁ ପଚାରିଲେ ସମ୍ପୂର୍ଣ୍ଣ ତଥ୍ୟ ପାଇପାରିବେ!ଏ ବିଷୟରେ ଏଡିଇଓ ଦୁର୍ୟୋଧନ ସେରାଫ ଙ୍କୁ ପଚାରିବାରୁ ସେ କହିଲେ ଏହା ଏକ ମାସ ତଳର ଭିଡ଼ିଓ ଏବଂ ଅନ୍ୟ ବନ୍ଧ ରେ ଗାଁ ଲୋକେ ନିଜସ୍ୱ ଟଙ୍କା ରେ କାମ କରୁଛନ୍ତି ଗାଁ ଲୋକ ଙ୍କ ଠାରୁ ଗୋଟେ ଲିଖିତ ପତ୍ର ଆଣିବୁ!ଏ ବିଷୟରେ ଜେଇ ଦୀପକ ବେହେରା ଙ୍କୁ ପଚାରିବାରୁ ସେ କହିଲେ ଏହି ମନରେଗା କାମ ଚାଲୁ ରହିଛି ତାହା ଅନ୍ୟ ବନ୍ଧ ରେ ଗାଁ ଲୋକ କାମ କରୁଛନ୍ତି!ଏହାର ବିଲ ସମ୍ପୂର୍ଣ୍ଣ ହୋଇନାହିଁ!ତାହେଲେ ବିଭାଗୀୟ ଅଧିକାରୀ ମାନେ କେତେ ସତ କହୁଛନ୍ତି ତଦନ୍ତ ପରେ ଜଣାପଡିବ!ଏପଟେ ମାଟିଆଭଟା ଗାଁ ର ଲୋକ ଙ୍କୁ ଜାଣିବାକୁ ମିଳୁଛି ଯେ ଗୋଟିଏ ବନ୍ଧ ଜଣକ ରୟତି ଅଛି ଓ ନୂଆବନ୍ଧ ଟି ସରକାରୀ ଅଛି!ରୟତି ବନ୍ଧ ଉପରେ ଗ୍ରାମବାସୀ ନିଜ ଟଙ୍କା ଖର୍ଚ୍ଚ କରି କାମ କଲେ କିପରି? ସେମିତି ମଧ୍ୟ ନୂଆ ବନ୍ଧ ରେ ସରକାର ଙ୍କ ଲକ୍ଷ ଲକ୍ଷ ଟଙ୍କା ଖର୍ଚ୍ଚ ହେଉଛି କିନ୍ତୁ ତାହା ଉପଯୋଗୀ ନୁହେଁ କି? ନାଁ ଏହି ମେସିନ ଲଗାଇ କାମ କରୁଥିବା ଭିଡ଼ିଓ କୁ ଭଣ୍ଡୁର କରିବା ପାଇଁ ସରପଞ୍ଚ ନିଜ ସମର୍ଥକ ଙ୍କୁ ଧରି ପ୍ରୟାସ କରୁଛନ୍ତି ତାହା ତଦନ୍ତ ସାକ୍ଷେପ!ଏହି ଘଟଣା ଉପରେ ସ୍ୱୟଂ ଓଡିଶା ଉପମୁଖମନ୍ତ୍ରୀ ତଥା ପାଟଣାଗଡ଼ ବିଧାୟକ ମହୋଦୟ ହସ୍ତକ୍ଷେପ କରି ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଅଞ୍ଚଳବାସୀ ଦାବି କରୁଛନ୍ତି!