08-Jul-2025

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ)

ମାଉସୀ ମନ୍ଦିରରୁ ଘରକୁ ବହୁଡ଼ିଲା ବେଳେ ମହାପ୍ରଭୁ ବଡ ଜଗନ୍ନାଥ ଙ୍କ ତିନି ରଥ ବଡଦାଣ୍ଡ ରେ ବିଭିନ୍ନ ସ୍ଥାନରେ ଅଟକି ଦର୍ଶନ ଦେବା ସହ ଆଜି ମଝିପଡା ଠାରେ ଉପନ ଭୋଗ ଲାଗି ହେବା ପରେ ରଥ ଖଳାରେ ପହଞ୍ଚିଛି ତିନି ରଥ । ଆଜି ମଝିପଡ଼ା ଠାରୁ ରଥ ଟଣା ଆରମ୍ଭ ହେବା ପୂର୍ବରୁ ତିନି ଠାକୁରଙ୍କ ଠାରେ ରାମଜୀ ମନ୍ଦିର କମିଟି ପକ୍ଷରୁ ଉପନ ଭୋଗ ଲାଗି କରାଯାଇଥିଲା l ରଥଖଳାରେ ପହଞ୍ଚିଲା ପରେ  ମହାପ୍ରଭୂ ଶ୍ରୀ ବଳଭଦ୍ର, ଶ୍ରୀ ଜଗନ୍ନାଥ ଓ ସୁଭଦ୍ରା ତିନି ଠାକୁର ଙ୍କ ଠାରେ ଆଳତୀ କରାଯାଇ ରସଗୋଲା ଭୋଗ ଅର୍ପଣ କରାଯାଇଛି l ସୋନପୁର  ବ୍ରାହ୍ମଣ ସମାଜ ଦ୍ୱାରା ମହାଆଡମ୍ବରରେ ପହଣ୍ଡି କରାଯାଇ ନାମ କିର୍ତନ୍ୟ ଓ ଆକର୍ଷଣୀୟ ଶବର ନାଚ ପରିବେଷଣ ସହ ପ୍ରଭୁ ଙ୍କୁ ଶ୍ରୀ ଜଗନ୍ନାଥ ମନ୍ଦିର ରତ୍ନବେଦୀ ରେ ବିଜେ କରାଯାଇଥିଲା l ବାଲାଜୀ ତରାସିଆ ଓ ରାମ ଶଙ୍କର ଭୋଇ ଗଜପତି ଦାୟିତ୍ବ ତୁଲାଇ ଛେରା ପହରା ନୀତି ପାଳନ କରିଥିଲେ l ଜିଲ୍ଲା ପ୍ରଶାସନ ପକ୍ଷରୁ ଦେବୋତ୍ତର ବିଭାଗ ଅଧିକାରୀ,  ଦେବୋତ୍ତର କମିଟି  ର ଶ୍ରୀବତ୍ସ ମଲ୍ଲିକ ଓ ସମସ୍ତ ସଦସ୍ୟ, ଏସ ଡି ପି ଓ ପ୍ରତାପ ଚନ୍ଦ୍ର ତ୍ରିପାଠୀ ଙ୍କ ତତ୍ଵା ବଧାନ ରେ ପୋଲିସ କର୍ମଚାରୀ ଙ୍କ ଦ୍ଵାରା ସମସ୍ତ ସୁରକ୍ଷା ଓ ଶାନ୍ତି ଶୃଙ୍ଖଳା ବ୍ୟବସ୍ଥା କରାଯାଇଥିଲା l ରାତିରେ ଜଗନ୍ନାଥ ମନ୍ଦିରରେ ପ୍ରଭୁଙ୍କ ରିତୀ ନୀତିରେ ପୂଜା ବିଧି ଓ ଅଧର ପଣା ଭୋଗ ଅର୍ପଣ ଲାଗି କରଯାଇଛି l  ବିଭିନ୍ନ ଆଧ୍ୟାତ୍ମିକ ଓ ସାଂସ୍କୃତିକ କାର୍ଯ୍ଯକ୍ରମ ସହ ପ୍ରଭୁଙ୍କ ମନ୍ଦିର ବିଜେ ବେଳେ ଦର୍ଶନ ପାଇଁ ଆଜି ଭକ୍ତଙ୍କ ପ୍ରବଳ ସମାଗମ ଦେଖିବାକୁ ମିଳିଛି l