08-Jul-2025

ଅତାବିରା(ଆକାଶ ମିଶ୍ର): ଅତାବିରା ବ୍ଲକ କୁମେଲସିଂହା ନିବାସୀ ପ୍ରେମରାଜ କମ୍ପ (୬୧)ଙ୍କ ପରଲୋକ ହୋଇଯାଇଛି l ସେ ଅସୁସ୍ଥତା କାରଣରୁ ବହୁ ଦିନ ଧରି ଭୁବନେଶ୍ୱର ଏମସ୍ ରେ ଚିକିତ୍ସିତ ହେଉଥିଲେ l ସେ ବର୍ତ୍ତମାନ ଡୁମାଲ ସମାଜ ଗମ୍ଭାରିପାଲି କେନ୍ଦ୍ର ସଭାପତି ଓ ଲରମ୍ଭା ସେବା ସମବାୟ ସମିତିର ନିର୍ଦେଶକ ଥିଲେ l ଆଗରୁ ଗୋଡ଼ଭଗା ଗ୍ରାମପଞ୍ଚାୟତ ର  ସରପଞ୍ଚ ଓ ଲରମ୍ଭା ସେବା ସମବାୟ ସମିତିର ସଭାପତି ଦାୟିତ୍ୱରେ ବି ରହି ଆସିଥିଲେ l କୁମେଲସିଂହା ମା ନାରାୟଣୀ ମନ୍ଦିର କମିଟି ତଥା ବିଭିନ୍ନ ସାମାଜିକ ଅନୁଷ୍ଠାନ ସହ ସକ୍ରିୟ ଭାବେ ଜଡିତ ଥିଲେ l ତାଙ୍କର ବିୟୋଗରେ ଅଂଚଳରେ ଶୋକର ଛାୟା ଖେଳି ଯାଇଛି l ସେ ନିଜ ପତ୍ନୀ, ଦୁଇ ଝିଅ ଓ ଗୋଟିଏ ପୁଅଙ୍କୁ ଛାଡି ଚାଲିଯାଇଛନ୍ତି l ଗ୍ରାମ ସ୍ଥିତ ସ୍ଵର୍ଗଦ୍ଵାର ରେ ତାଙ୍କର  ଅନ୍ତେଷ୍ଟିକ୍ରିୟା ସଂପନ୍ନ ହୋଇଛି। ପୁତ୍ର ଲିଙ୍କନ କମ୍ପ ମୁଖାଗ୍ନି  ଦେଇଥିଲେ l ପୂର୍ବତନ ବିଧାୟିକା ସ୍ନେହାଙ୍ଗିନୀ ଛୁରିଆ, ଡୁମାଲ୍ ସମାଜର ରାଜ୍ୟ ସଭାପତି ଦୟାସାଗର ମେଣ୍ଡେଲି ତଥା  ବିଭିନ୍ନ ଅନୁଷ୍ଠାନର ସଦସ୍ୟ, ବିଜେଡି କର୍ମୀ  ତାଙ୍କର ଅନ୍ତିମ ଦର୍ଶନ କରିଥିଲେ ।