05-Jul-2025

କବିତା ସଂକଳନ 'କଣ୍ଟା ଓ ଗୋଲାପ' ର ପାଠକାର୍ପଣ ସମାରୋହ ! 

ବଲାଙ୍ଗୀର(ପ୍ରେରଣା ଖବର): କବିତା ସବୁବେଳେ ଜୀବନର କଥା କହେ। ସମୂହ ନିମନ୍ତେ ଅଭିପ୍ରେତ ଭାବ ବ୍ୟଞ୍ଜନାକୁ ବ୍ୟକ୍ତିଗତ ଭାବରେ ଅନୁଭବୀ ସଭିଙ୍କ ପାଇଁ ପ୍ରକାଶିତ କରେ। ସମୟର ପ୍ରତିରୂପ ହେଉଛି ସମସାମୟିକ କବିତା ବୋଲି ମତ ପ୍ରକାଶ ପାଇଛି କବୟତ୍ରୀ ସରସ୍ବତୀ ମିଶ୍ରଙ୍କ ଦ୍ୱିତୀୟ କବିତା ସଂକଳନ 'କଣ୍ଟା ଓ ଗୋଲାପ' ର ପାଠକାର୍ପଣ ସମାରୋହ ଅବସରରେ।

ବଲାଙ୍ଗିର ସ୍ଥିତ ଟାଉନ ବାଳିକା ଉଚ୍ଚବିଦ୍ୟାଳୟ ପରିସରରେ ପବିତ୍ର ବାହୁଡ଼ାଯାତ୍ରା ଅବସରରେ କବୟତ୍ରୀ ସରସ୍ବତୀ ମିଶ୍ରଙ୍କ ଦ୍ୱିତୀୟ   କବିତା ସଂକଳନ 'କଣ୍ଟା ଓ ଗୋଲାପ'ର ପାଠକାର୍ପଣ ସମାରୋହ ସ୍ରୋତସ୍ବତୀ ପ୍ରକାଶନୀର ଆୟୋଜନରେ ଅନୁଷ୍ଠିତ ହୋଇଥିଲା।  ସମାରୋହରେ ମୁଖ୍ୟ ଅତିଥି ଭାବରେ ନାଟ୍ୟଭୂଷଣ ଜଗଦାନନ୍ଦ ଛୁରିଆ,ସମ୍ମାନିତ ଅତିଥି ସ୍ରୋତସ୍ବତୀ ପ୍ରକାଶନୀର ପ୍ରତିଷ୍ଠାତା ସନ୍ଦୀପ କୁମାର କୁଅଁର ଓ ମୁଖ୍ୟବକ୍ତା ଭାବରେ ଶିକ୍ଷବିତ  ଡକ୍ଟର ଗୋପବନ୍ଧୁ ରଥ ପ୍ରମୁଖ ଉପସ୍ଥିତ ରହି କବୟତ୍ରୀ ସରସ୍ବତୀ ମିଶ୍ରଙ୍କ କବିତା ସଂକଳନ 'କଣ୍ଟା ଓ ଗୋଲାପ'କୁ ପାଠକାର୍ପଣ କରିଥିଲେ। ପାଠକାର୍ପଣ ସମୟରେ ସହ ପ୍ରକାଶକ କୃଷ୍ଣଚନ୍ଦ୍ର ମିଶ୍ର ଉପସ୍ଥିତ ଥିବା ସହ ସମ୍ପୂର୍ଣ୍ଣ କାର୍ଯ୍ୟକ୍ରମକୁ ପରିଚାଳନା କରିଥିଲେ। ସଭାକୁ କବୟତ୍ରୀ କସ୍ତୁରୀ ରଥ ସଂଯୋଜନା କରିଥିବା ବେଳେ ରଶ୍ମୀ ପାତ୍ର ସ୍ୱାଗତ ସଂଗୀତ ଗାନ କରିଥିଲେ। ପାଠକାର୍ପିତ  କବିତା ସଂକଳନ 'କଣ୍ଟା ଓ ଗୋଲାପ'ରୁ କବିତା ଆବୃତ୍ତି କରିଥିଲେ କବିତା ମିଶ୍ର, ଧର୍ମେନ୍ଦ୍ର ପ୍ରଧାନ, ନଳିନୀପ୍ରଭା ଶତପଥି। ପରେ ପରେ ଆୟୋଜିତ କବିତାପାଠକୁ ସଂଯୋଜନା କରିଥିଲେ କବୟିତ୍ରୀ ପୁଷ୍ପାଞ୍ଜଳି ମେହେର ଓ କବିତା ମିଶ୍ର।ଏଥିରେ ଶତାଧିକ କବି ଓ କବୟତ୍ରୀ ଉପସ୍ଥିତ ରହି କବିତା ପାଠ କରିଥିଲେ।