05-Jul-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅତାବିରା ଥାନା ଅନ୍ତର୍ଗତ, ୫୩ ନଂ ଜାତୀୟ ରାଜପଥ  କଡ଼ରେ ଅବସ୍ଥିତ  ରେଙ୍ଗାଳି କ୍ୟାମ୍ପ ପେଟ୍ରୋଲ ପମ୍ପ ଠାରେ  ଦେବାହାଳ ଗ୍ରାମର ବାସୁଦେବ ବାରିକ୍ ଙ୍କ ଟ୍ରାକ୍ଟର ନଂ ଓଡି ୧୭ ଇ ୨୬୧୪ ରେ ତାଙ୍କର ଏକ ଧାନକଟା ଯନ୍ତ୍ର ବୋଝେଇ ହୋଇ ରହିଥିଲା।ପ୍ରକାଶ ଥାଉ କି  ରବି ଫସଲ ଅମଳ ସମୟରେ  ଏହି  କୃଷି ଯନ୍ତ୍ରପାତି ଗୁଡ଼ିକର  ନିତିଦିନିଆ ଭାବରେ ବ୍ୟବହାର ହେଉ ଥିବାରୁ  ଏହି ପେଟ୍ରୋଲ ପମ୍ପ ରେ କିଛିଦିନ ଧରି ନିତି ପ୍ରତି ଭାବେ ରହୁଥିଲା ।ଏହାର ସୁଯୋଗ ନେଇ ଗତ ଜୁନ ୦୨ ତାରିଖ ରାତି ପ୍ରାୟ ୩ ଟାରେ ଜନୈକ ଚୋର ଚୋରି କରି  ନେଇଯାଇଥିଲା। ସକାଳେ ଯେତେବେଳେ ଗାଡି ମାଲିକ  ତାଙ୍କ ଗାଡ଼ି ସେଠାରେ ନଥିବା ଖବର ପାଇଥିଲେ, ସଙ୍ଗେ ସଙ୍ଗେ ଅତାବିରା ପୋଲିସ କୁ ଖବର ଦେଇଥିଲେ।ଖବର ପାଇ ଅତାବିରା ପୋଲିସ   ଏହାର ଅନୁସନ୍ଧାନ କାର୍ଯ୍ୟରେ ଲାଗିଥିଲା।ଥାନା ଅଧିକାରୀ ପ୍ରକାଶ କର୍ଣ୍ଣ  ସଦଳ ବଳେ ପହଞ୍ଚି  ସି ସି କେମେରା  ଫୁଟେଜକୁ ଦେଖି ଚୋର ଛତିଶ ଗଡ଼ ଅଭିମୁଖେ ଯାଉଥିବା ଜଣା ପଡ଼ିଥିଲା।ବରାହଗୋଡା  ଟୋଲ ଗେଟ ,ବରଗଡ଼ ହଲଦିପାଲି ଛକ ରେ ଲାଗିଥିବା ସରକାରୀ ସି ସି କେମେରା ଫୁଟେଜ ରେ ସିଧା ସଳଖ ଛତିଶ ଗଡ଼ ଅଭିମୁଖେ ଚୋର ଚୋରି ଜିନିଷ ସହ ଯାଉଥିବା  ପ୍ରମାଣ ମିଳିଥିଲା। ଏହି ଖବର ଟି ସେଦିନ ଜୁନ ତିନି ତାରିଖରେ  ଦୈନିକ ସମାଜ ଖବର କାଗଜରେ ମଧ୍ୟ ପ୍ରକାଶିତ ହୋଇଥିଲା । ଚୋରକୁ ଧରିବା ପାଇଁ ଅତାବିରା ପୋଲିସ ଏବଂ ମାଲିକ  ସରେଇ ପାଲି ପର୍ଯ୍ୟନ୍ତ ଚୋରକୁ ଅନୁସରଣ କରି କରି ଚାଲିଥିଲେ ।କିନ୍ତୁ ସେଠାରୁ ଆଉ  ଆଗକୁ ସି ସି କେମେରା ଖରାପ ଥିବାରୁ  ଚୋର ଆଗକୁ କେଉଁ ରାସ୍ତା ଧରିଛି ତାର କିଛି ଜଣା ପଡି ନ ଥିଲା।ତେବେ ପୋଲିସ ଛତିଶଗଡ ଓ ମଧ୍ୟ ପ୍ରଦେଶ ପୋଲିସ କୁ ଖବର ଦେବା ସହ  ଚୋରକୁ ଧରିବା ପାଇଁ ରାୟପୁର ପର୍ଯ୍ୟନ୍ତ ବରଗଡ଼ ଜିଲ୍ଲାର ଏକ ପୋଲିସ ଇଲୋକ୍ଟ୍ରୋନିସ୍କ ଟିମ ତନାଘନା  ଜାରି ରଖି ଚୋରି କରି ନେଉ ଥିବା ଚୋର ର ଚେହେରା ଫୁଟେଜ୍ ଅନୁସାରେ ସ୍ପଷ୍ଟ ଜଣା ପଡୁ ନଥିଲେ ମଧ୍ୟ ଚୋର ବୁଟ୍ ସୁଟ ରେ ଥିବା ଜଣା ପଡିଥିଲା।ଚୋରି ଜିନିଷ  ଆନୁମାନିକ ମୂଲ୍ୟ  ୨୦ ଲକ୍ଷ ରୁ ଅଧିକ ବୋଲି ମାଲିକଙ୍କ ଠାରୁ ଜଣା ପଡିଛି । ଏହି ଘଟଣାକୁ ନେଇ ପୋଲିସର ଅନୁସନ୍ଧାନ ଜାରି ରହିଥିଲା  । ଚୋରି ର ଦୀର୍ଘ ଗୋଟିଏ ମାସ ପରେ  ପଞ୍ଜାବ ରେ ଚୋର ଟି ଧରାପଡ଼ିଛି । ଏହାକୁ ନେଇ 

ଆଜି ଅତାବିରା ଥାନା ରେ ବରଗଡ଼ ଏସ ଡି ପି ଓ  ପଦାର ବିନ୍ଦ ତ୍ରିପାଠୀ ଓ ଥାନା ଅଧିକାରୀ ପ୍ରକାଶ କର୍ଣ୍ଣ ଙ୍କ ଉପସ୍ଥିତି ରେ ଏକ ସାମ୍ବାଦିକ ସମ୍ମିଳନୀ  ହୋଇଥିଲା ।ଏହି ସମ୍ମିଳନୀ ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ  ଚୋର ପଞ୍ଜାବ ରାଜ୍ୟ ର ଶ୍ରୀ ମୁକ୍ତେଶ୍ୱର୍ ସାହିବ ଜିଲ୍ଲା ର ଲକ୍ଷେୱାଲି ଥାନା ଟାମ୍ କୋଟ ଗ୍ରାମର ସେୱା ସିଂହ (୩୮)  ବୋଲି ଜଣାପଡିଛି । ପୋଲିସ ତାକୁ  ଗିରଫ କରିବା ସହ ଚୋରୀ କରି ନେଇଥିବା ୨୭୫ ମହିନ୍ଦ୍ରା ଟ୍ରାକ୍ଟର, ଟଳି ଓ କୁବେଟା ଧାନ କଟା ଯନ୍ତ୍ର ସହ ବ୍ୟବହାର କରୁଥିବା ଚୋରୀ ବାଇକ୍ ଜବତ କରି କୋର୍ଟ ଚାଲାଣ କରିଛି । କିନ୍ତୁ ଏହି ଚୋରି ଘଟଣାରେ ଚେର ଛତିଶ ଗଡ ପର୍ଯ୍ୟନ୍ତ ଲମ୍ବିଥିବା  ଓ   ଆହୁରି କିଛି ବ୍ୟକ୍ତି ସଂଶ୍ଳିଷ୍ଟ ଥିବା   ଜଣାପଡ଼ୁଛି ।  ତେବେ ପୋଲିସ ର ଏହି ସଫଳତା କୁ  ଅଞ୍ଚଳରେ ପ୍ରଶଂସା କରାଯାଇଛି ।