03-Jul-2025

ବୀରମହାରାଜପୁର,(ବିନୋଦ ପାଣ୍ଡେ ) : ବୀରମହାରାଜପୁର ବ୍ଲକ ଲୁତୁରପଙ୍କ ପଞ୍ଚାୟତ ଘୁଙ୍ଗିଜୋର ବ୍ରିଜ ଉପରେ ୪ ଫୁଟ ପାଣି ପ୍ରବାହିତ ହେଉଛି l ଏହି ବର୍ଷ ପ୍ରଥମ ବନ୍ୟା ଜଳ ଉକ୍ତ ବ୍ରିଜ ଉପରେ ପ୍ରବାହିତ ହେଉଛି l ଯାହାଫଳରେ ବୀରମହାରାଜପୁର ରୁ ଅମରପାଲି ଦେଇ ସମ୍ବଲପୁର କୁ ରାସ୍ତା ବନ୍ଦ ହୋଇଯାଇଛି l ପ୍ରତି ବର୍ଷ ଉକ୍ତ ବ୍ରିଜ ଉପରେ ଅସରାଏ ବର୍ଷା ହେଲେ ବ୍ରିଜ ଉପରେ ୪/୫ଫୁଟ ପାଣି ପ୍ରବାହିତ ହୋଇଥାଏ l ଉକ୍ତ ବ୍ରିଜ ପାଇଁ ସମସ୍ତ ପ୍ରକ୍ରିୟା କାର୍ଯ୍ୟ ସରିଥିଲେ ମଧ୍ୟ ସରକାର ଙ୍କ ଅବହେଳା ଯୋଗୁଁ ବ୍ରିଜ କାମ ଆରମ୍ଭ ହୋଇପାରୁନାହିଁ l ଚଳିତ ବର୍ଷ ସ୍ଥାନୀୟ ବିଧାୟକ ଇଂ ରଘୁନାଥ ଜଗଦଳା ନିଜେ ଆସି ସବୁ ଦେଖି ବହୁଶୀଘ୍ର କାର୍ଯ୍ୟ ଆରମ୍ଭ ହେବ ବୋଲି କହିଥିଲେ ମଧ୍ୟ କାର୍ଯ୍ୟ ଆରମ୍ଭ ହୋଇପାରିନାହିଁ l ସରକାର ଉକ୍ତ ରାସ୍ତା ପାଇଁ ଉପଯୁକ୍ତ ବ୍ରିଜ ଟିଏ ନିର୍ମାଣ କରିବା ପାଇଁ ଅଞ୍ଚଳ ବାସୀ ଦାବୀ କରୁଛନ୍ତି l