03-Jul-2025

ସରକାର ଏବେ ଡିଜିଟାଲ ଭାରତର ୧୦ ବର୍ଷ ପୂର୍ତ୍ତି କରି ସାରିଛନ୍ତି। ଡିଜିଟାଲ ଇଣ୍ଡିଆର ସ୍ବପ୍ନ ଥିଲା ହାତପାରନ୍ତାରେ ସୁବିଧା। ଏଥର ଆମେ କହୁଛୁ ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ଚାନ୍ଦୋତରା ଏଟିଏମ୍ ରେ ପ୍ରାୟ ୬ ମାସ ହେଲାଣି ଟଙ୍କା ଭରା ଯାଉନଥିବାରୁ ଏଟିଏମ୍ ଭରସାରେ ଥିବା ଲୋକେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ଚାନ୍ଦୋତରା ଏଟିଏମ୍ ଉପରେ ବଲାଙ୍ଗୀର, କଳାହାଣ୍ଡି ଓ ନୂଆପଡା ଜିଲ୍ଲାର ସୀମାନ୍ତରେ ଅବସ୍ଥିତ ଲୋକେ ନିର୍ଭର କରିଥାନ୍ତି। ସେହିପରି ଭାବେ ବିଶାଖାପାଟଣା-ରାୟପୁର ୧୯ ନମ୍ବର ରାଜ୍ୟରାଜପଥ ଚାନ୍ଦୋତରା ଦେଇ ଯାଇଛି ଏବଂ ଚାନ୍ଦୋତରା ବସଷ୍ଟାଣ୍ଡ ଏକ ଚାରିଛକ ଥିବାରୁ ଏଟିଏମ୍ ର ଆବଶ୍ୟକତା କିପରି ଥିବ ସହଜରେ ଅନୁମେୟ। ଏହାକୁ ଛାଡ଼ିଦେଲେ ବର୍ତ୍ତମାନ ସମୟରେ ଚାନ୍ଦୋତରା ଏକ ମିନି ସହର ପାଲଟି ଯାଇଛି। କାହିଁକି ନା ଚାନ୍ଦୋତରାରେ ପନିପରିବା ଠାରୁ ଆରମ୍ଭ କରି ବିଭିନ୍ନ ସାମଗ୍ରୀର ବଡବଡ ଦୋକାନ ଓ ଗୋଦାମ ରହିଥିବାରୁ ଅଞ୍ଚଳର ଲୋକେ ଜରୁରୀ ସମୟରେ ଏଟିଏମ୍ ଭରସାରେ ଆସି ନିରାଶ ହେଉଛନ୍ତି। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଏଟିଏମ୍ କାଉଣ୍ଟର ଟି ଠିକ୍ ଚାନ୍ଦୋତରା ଷ୍ଟେଟବ୍ୟାଙ୍କୁ ଲାଗି ରହିଛି। ତଥାପି ୬ ମାସଧରି ଅସୁବିଧା ହେଉଥିବା ସତ୍ବେ କୌଣସି ପ୍ରକାର ପଦକ୍ଷେପ ଗ୍ରହଣ କରାଯାଉ ନଥିବାରୁ ଜନ ଅସନ୍ତୋଷ ଦେଖାଦେଉଛି। ଏହାକୁ ନେଇ ଚାନ୍ଦୋତରା ଷ୍ଟେଟବ୍ୟାଙ୍କ ମେନେଜର ସଚିଦାନନ୍ଦ ମେହେରଙ୍କୁ ପଚାରିବାରୁ ଟଙ୍କା କରିବାପାଇଁ ଯୋଉ ମାନେ ଭେଣ୍ଡର ଥିଲେ ସେମାନେ ଛାଡି ଦେଲେ ପୁଣି ଆଉ ଗୋଟିଏ ଭେଣ୍ଡର ପାଇଥିଲେ ହେଁ 

ସେମାନେ ବ୍ୟାଙ୍କରୁ ଟଙ୍କା ଭରିବା ପାଇଁ କହୁଛନ୍ତି। ହେଲେ ଗାର୍ଡ ଦେଇନାହାନ୍ତି। ବିନା ଗାର୍ଡରେ ଆମେ ବ୍ୟାଙ୍କ ବାହାରକୁ ଟଙ୍କା ନେବୁ କାହା ଭରସାରେ ? ତେବେ ସ୍ଥାନୀୟ ପୋଲିସକୁ ଡାକି ଟଙ୍କା କାହିଁକି କରୁନାହାନ୍ତି କହିବାରୁ ଆମେ ଏ ଉପରେ ଉପସ୍ଥିତ ଅଧିକାରୀଙ୍କୁ ଲିଖିତ ଜଣାଇଛୁ। ଖରିଆର ଓ ଟିଟିଲାଗଡ ଏଠାରୁ ଦୂର ହେଉଥିବାରୁ ଗାର୍ଡ ଦେଇ ପାରୁ ନାହାନ୍ତି ।
ଜଦି ଗାର୍ଡ ଦେବେ ତା ହେଲେ ଆଗକୁ ଟଙ୍କା ଭରାଯିବ ବୋଲି କହିଥିଲେ। ଏ ଉପରେ ଉପରିସ୍ଥ ଅଧିକାରୀଙ୍କ ସହ ପ୍ରଶାସନିକ ଅଧିକାରୀ ତୁରନ୍ତ ନଜର ଦେଇ ଏଟିଏମ୍ ରେ ଟଙ୍କା ଭରିବା ପାଇଁ ପଦକ୍ଷେପ ନେବାକୁ ଦାବି ହୋଇଛି।