03-Jul-2025

ବୀରମହାରାଜପୁର,( ବିନୋଦ ପାଣ୍ଡେ ):
ଟୋକନ ଲାପସ୍ ଯୋଗୁଁ ମଣ୍ଡି ରେ ଧାନ ବିକ୍ରି କରି ନ ପାରି ଘର କୁ ଧାନ  ଫେରାଇ ନେଉଛନ୍ତି ଚାଷୀ। ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉପାନ୍ତ ଦୁର୍ଜନତୈଲା ପଞ୍ଚାୟତ ସମ୍ମୁଖରେ ଥିଲେ ଧାନ ମଣ୍ଡି ରେ ମଙ୍ଗଳବାର ପୂର୍ବାହ୍ନ ରେ ଦେଖିବାକୁ ମିଳିଛି ଏଭଳି ଦୃଶ୍ୟ। ଦୂର୍ଜନତୈଲା ପଞ୍ଚାୟତ ଅନ୍ତର୍ଗତ ଗୋଘାଟ ଗ୍ରାମର ଚାଷୀ କ୍ଷେତ୍ର ଚଉଲିଆ ଙ୍କ ବିକ୍ରି ପାଇଁ ମଣ୍ଡି କୁ ଆଣିଥିବା ଧାନ ବିକ୍ରି ହୋଇ ପାରି ନାହିଁ। ଫଳରେ ସେ ମଙ୍ଗଳବାର ଦିନ ତାଙ୍କ ଧାନ କୁ ମଣ୍ଡି ରୁ ଘର କୁ ନେଇ ଯାଇଛନ୍ତି।ଚଳିତ ବର୍ଷ ରାଜ୍ୟ ସରକାର ଧାନ ର ଦାମ କୁଇଣ୍ଟାଲ ପ୍ରତି ୩୧ଶହ ଟଙ୍କା କରିବାକୁ ଚାଷୀ ରବି ଋତୁରେ ଚାଷ କରିବା ପାଇଁ ଆଗ୍ରହ ପ୍ରକାଶ କରିଥିଲା। ଏହି କ୍ରମରେ  ଗୋଘାଟ ଗ୍ରାମର ଚାଷୀ ମଧ୍ୟ ଚଳିତ ରବିରେ ଧାର ଉଧାର କରି ଧାନ ଫସଲ ଚାଷ କରିଥିଲେ। ଠିକ ସମୟର ଚାଷ ଓ ଉନ୍ନତ ବିହନ , ସାର ଓ କିଟନାଶକ ଦେଇଥିବାରୁ ଭଲ ଅମଳ ମଧ୍ୟ ହୋଇଥିଲା। ସେ ନିଜ ଧନ କୁ ମଣ୍ଡି ରେ ବିକ୍ରି କରିବା ପାଇଁ ଗତ ୧୬ ତାରିଖ ରେ ପ୍ରାୟ ୪୪ ବସ୍ତା ଧାନ ଆଣିଥିଲେ। ମାତ୍ର ମଣ୍ଡିରେ ଆବଶ୍ୟକ ସୁବିଧା ନ ଥିବାରୁ ନିଜେ ପାଲ ଆଣି ଧାନ କୁ ଘୋଡ଼ାଇ ରଖିଥିଲେ। ସେ ଦୁର୍ଜନତୈଲା ମଣ୍ଡି ରେ ଧାନ ବିକ୍ରି କରିବା ପାଇଁ ୨୮.୯୪  କୁଇଣ୍ଟାଲ ର ଟୋକନ୍ ପାଇଥିଲେ। ସେ ଉକ୍ତ ଧାନ କୁ ବିକ୍ରି ପାଇଁ ମଣ୍ଡିରେ ଗଦା କରିଥିଲେ। ତାଙ୍କର ଧାନ ବିକ୍ରି ପାଇଁ ପାଇଥିବା ଟୋକନ ଗତ ୨୯ ତାରିଖରେ ଲାପସ୍ ହୋଇ ଯାଇଥିଲା। ଇତି ମଧ୍ୟରେ ଗତ ୩୦ ତାରିଖରେ ଧାନ ବିକ୍ରି ର ଅବଧି ସମାପ୍ତ ହୋଇଯାଇଛି। ସେ ଶେଷ ଦିନ ପର୍ଯ୍ୟନ୍ତ ଅପେକ୍ଷା କରିଥିଲେ ମଧ୍ୟ ତାଙ୍କର ଧାନ ବିକ୍ରି ହୋଇ ପାରି ନ ଥିଲା। ଫଳରେ କ୍ଷେତ୍ର ଚଉଲିଆ ଉପାୟଶୂନ୍ୟ ହୋଇ ନିଜ ଧାନ କୁ ପୁଣି ଘର କୁ ଫେରାଇ ନେଉଛନ୍ତି। ମଣ୍ଡିରେ ଧାନ ରଖିବା ପାଇଁ ଆବଶ୍ୟକୀୟ ସୁବିଧା ନ ଥିବାରୁ କେତେକ ଧାନ ବସ୍ତା ଗଜା ହୋଇ ଯାଇଛି। ତେବେ ସେ ଉକ୍ତ ଧାନ କୁ କଣ କରିବେ ଚିନ୍ତା ରେ ଅଛନ୍ତି।ସେ କିପରି ଧାର ଉଧାର ପରିଶୋଧ କରିବେ ଏବଂ   ବର୍ତ୍ତମାନ ଖରିଫ ଚାଷ କେମିତି କରିବେ ସେଥିପାଇଁ ଆଶଙ୍କା ରେ ଅଛନ୍ତ