28-Jun-2025

ସିନାପାଲି  (ଚିନ୍ତାମଣି ନେତାମ)
ନୂଆପଡା ଜିଲ୍ଲା ସିନାପାଲି ବ୍ଲକ ପତିଆଳ ପଡା  ଗ୍ରାମ ଉଦନ୍ତୀ ତଟ ନିକଟରେ ଅବସ୍ଥିତ  l ପତିଆଲପଡା ଠାରେ ଶ୍ରଦ୍ଧାଳୁଙ୍କ ଭିଡ଼ ମଧ୍ୟରେ ମହାପ୍ରଭୁ ଜଗନ୍ନାଥଙ୍କ ରଥଯାତ୍ରା ଅନୁଷ୍ଠିତ ହୋଇଯାଇଛି  l  ଶୁକ୍ରବାର ଦିନ ସକାଳୁ ପ୍ରଥମେ ମହାପ୍ରଭୁଙ୍କ ନେତ୍ରୋତ୍ସବ ଓ ନବଯୌବନ ବେଶ ଅନୁଷ୍ଠିତ ହୋଇଥିଲା  l  ଶୁକ୍ରବାର ଦିନ ମନ୍ଦିର ପରିସରରେ ହଜାର ହଜାର ଭକ୍ତଙ୍କ ସମାଗମରେ ସକାଳୁ ପୂଜାର୍ଚନା ଠାରେ ଘୋଷ ଯାତ୍ରା ନୀତି ଆରମ୍ଭ କରାଯାଇଥିଲା  l ଅପରାହ୍ନରେ ଶ୍ରୀ ଜିଉଙ୍କ ପହଣ୍ଡି  ବିଜେ ପରେ ମୁଖ୍ୟ ସେବକ ଶ୍ରୀଯୁକ୍ତ  କର ଙ୍କ  ଦ୍ୱାରା ରଥରେ ଛେରା ପହରା କରାଯାଇ ରଥଟଣା ଆରମ୍ଭ ହୋଇଥିଲା  l ତିନି ଠାକୁର ରଥରେ ବିରାଜମାନ କରି  ପତିଆଳପଡା ଗ୍ରାମ ପରିକ୍ରମା କରି  ମାଉସୀ ମନ୍ଦିର ଅଭିମୁଖେ  ଯାତ୍ରା କରିଥିଲେ  l ରଥଯାତ୍ରାରେ ପାରମ୍ପରିକ ସଂକିର୍ତନ ଦଳ, ଘଣ୍ଟ ବାଦ୍ୟ, ଆଦି ସାମିଲ ହୋଇଥିବା ବେଳେ  ଶ୍ରଦ୍ଧାଳୁଙ୍କ ହରିବୋଲ  ହୁଳହୁଳି ରେ  ସମଗ୍ର ପରିବେଶ  ଜଗନ୍ନାଥମୟ ହୋଇଥିଲା  l  ଏଠିକାର ପରମ୍ପରା ଅନୁସାରେ ମା ସୁଭଦ୍ରାଙ୍କ ଦେବଦଳନ ରଥକୁ  ଟାଣିବାକୁ  ଶ୍ରଦ୍ଧାଳୁଙ୍କ ଭିଡ଼ ଦେଖିବାକୁ ମିଳିଥିଲା  l  ଏଥି ସହ  ଏହି ବ୍ଲକ ଅନ୍ତର୍ଗତ  ପତିଆଳ ପଡା, ବ୍ରାହ୍ମଣ ପଡା, ସାଗୁନଭାଡି, ହାତିବନ୍ଧା, ସିଙ୍ଗଝର, କେନ୍ଦୁମୁଣ୍ଡା, ଚଳନା, ଟିମନପୁର, ଜାମଗାଁ,, ଗଣ୍ଡାବାହାଳୀ, ବରଗାଁ,ଗମ୍ଭାରୀଗୁଡା, ଅରଶାପଡା ଆଦି ଗ୍ରାମରେ ମଧ୍ୟ ଶୃଙ୍ଖଳା ର ସହ  ରଥଯାତ୍ରା ସମ୍ପନ୍ନ ହୋଇଥିବା ଜଣା ପଡିଛି ,ଜଗନ୍ନାଥ ମନ୍ଦିର ପରିଚାଳନା କମିଟିର  ସଭାପତି  ଶ୍ରୀଯୁକ୍ତ ଲଛମନ ବଞ୍ଜରା, ସମ୍ପାଦକ ଶ୍ରୀଯୁକ୍ତ ଜଗନ୍ନାଥ ନାଗ, କୋଷାଧକ୍ଷ ଶ୍ରୀଯୁକ୍ତ  ଟଙ୍କଧର ବନ୍ଧିଛୋର, ଶ୍ୟାମ ସୁନ୍ଦର ମାଝୀ, ସମାଜ ସେବୀ ଚନ୍ଦ୍ରକାନ୍ତ ମାଝୀ, ପୂର୍ବତନ ଜିଲ୍ଲା ପରିଷଦ  ଶ୍ରୀଯୁକ୍ତ  ଗିରିରାଜ ମାଝୀ, ଜୟସିଂ ମାଝୀ, ଚନ୍ଦ୍ରଧ୍ୱଜ ମାଝୀ, ଚତୁର୍ଭୁଜ ମାଝୀ, ସୁନା କାଣ୍ଡ ଓ ଜଗନ୍ନାଥ ମନ୍ଦିର ପରିଚାଳନା କମିଟିର ସମସ୍ତ ସଦସ୍ୟ ଓ ଗ୍ରାମବାସୀ ଉପସ୍ଥିତ ରହି ରଥଟଣା ରେ ସହଯୋଗ କରିଥିଲେ  l