27-Jun-2025

ଅତାବିରା(ଆକାଶ ମିଶ୍ର): ବର୍ତ୍ତମାନ ଋତୁଚକ୍ରର  ଦ୍ଵିତୀୟ ଋତୁ କ୍ରମେ ବର୍ଷା ଋତୁର ଆଗମନ ହୋଇ ସାରିଛି। ବର୍ଷା ଯୋଗୁଁ  ସାପ ମାନେ ସକ୍ରିୟ ହୋଇଛନ୍ତି।ଏହା ବ୍ୟତୀତ ବର୍ଷା ସହ ବିଜୁଳି ଘଡ଼ଘଡି ଯୋଗୁଁ ବଜ୍ରପାତର ଅଧିକ ସମ୍ଭାବନା ଜୀବନ ପ୍ରତି ବିପଦ ସlଜିଥାଏ। ପ୍ରତିଦିନ ବିଭିନ୍ନ  ଖବର ମାଧ୍ୟମରେ ଅନେକ ମୂଲ୍ୟବାନ ଜୀବନ ବଜ୍ରପାତ ଓ ସାପ କାମୁଡ଼ାରେ ଚାଲି ଯାଉଛି। ଏହାକୁ ଦୃଷ୍ଟିରେ ରଖି ବରଗଡ଼ ଜିଲ୍ଲାପାଳ ଏକ ଅଭିନବ ପ୍ରୟାସ  କରି ଛାତ୍ରଛାତ୍ରୀ ମାନଙ୍କୁ ଏଥିପ୍ରତି ସତର୍କ ରହିବା ପାଇଁ ସଚେତନ  କରିବାର କାର୍ଯ୍ୟକ୍ରମ ହାତକୁ ନେଇଛନ୍ତି। ପ୍ରତି ବ୍ଲକର କ୍ରୀଡା ସମ୍ପାଦକ ମାନଙ୍କୁ ଏଥିପାଇଁ ସେ ନିର୍ଦ୍ଦେଶ ଦେଇଛନ୍ତି ନିଜ ନିଜ ବ୍ଲକ ଅଧିନସ୍ଥ ସମସ୍ତ ଉଚ୍ଚ ବିଦ୍ୟାଳୟ ମାନଙ୍କରେ ଛାତ୍ର ଛାତ୍ରୀ ମାନଙ୍କୁ ସଚେତନ କରିବା ପାଇଁ । ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ଆଜି ପଞ୍ଚାୟତ ଉଚ୍ଚ ବିଦ୍ୟାଳୟ ଟୋପ ଏବଂ ପାହାର ଶ୍ରିଗିଡ଼ା ଉଚ୍ଚ ବିଦ୍ୟାଳୟରେ ଛାତ୍ରଛାତ୍ରୀ  ମାନଙ୍କୁ ନେଇ ବିଦ୍ୟାଳୟର ପ୍ରଧାନ ଶିକ୍ଷକ ଦେବରାଜ ବେହେରା ଓ ଗୋପବନ୍ଧୁ ମେହେରଙ୍କ ଅଧ୍ୟକ୍ଷତାରେ  ସାପ କାମୁଡ଼ା ଏବଂ ବଜ୍ରାଘାତ ସମ୍ବନ୍ଧରେ ସଚେତନ‌ତା କାର୍ଯ୍ୟକ୍ରମ  ଅନୁଷ୍ଠିତ ହୋଇଥିଲା। ଅତାବିରା ବ୍ଲକ କ୍ରୀଡା ସମ୍ପାଦକ ସୁଦୀପ୍ତ ସାହୁ ଏହି ଦୁଇଟି ବିଷୟ ଉପରେ  ଛାତ୍ରଛାତ୍ରୀ ମାନଙ୍କୁ ସଚେତନ କରିଥିଲେ। ବିଭିନ୍ନ ସମୟରେ ସାପ କାମୁଡ଼ାରେ ଆହତ ବ୍ୟକ୍ତିଙ୍କୁ ଲୋକ ମାନେ ସ୍ଥାନୀୟ ଚିକିତ୍ସାଳୟକୁ ନେବା ବଦଳରେ ଗୁଣି ଗାରେଡ଼ି ଜରିଆରେ ଚିକିତ୍ସା କରନ୍ତି। ଯଦ୍ବାରା ବ୍ୟକ୍ତି ମୃତ୍ୟୁମୁଖର ସମ୍ମୁଖୀନ ହୁଅନ୍ତି। ସାପ କାମୁଡ଼ିବା ସମୟରେ ତୁରନ୍ତ ଚିକିତ୍ସାଳୟ ଏବଂ ଉପଯୁକ୍ତ ପ୍ରାଥମିକ ଚିକିତ୍ସାର ନିର୍ଦ୍ଦେଶାବଳୀ ଅନୁସରଣ କରିବା ଏବଂ ବିପଦପୂର୍ଣ୍ଣ ପରିସ୍ଥିତିକୁ ମୁକାବିଲା କରିବା ପାଇଁ ପ୍ରସ୍ତୁତ ରହିବା ପାଇଁ ଶ୍ରୀ ସାହୁ ଉପସ୍ଥିତ ଛାତ୍ରଛାତ୍ରୀ ମାନଙ୍କୁ ସଚେତନ କରି ଥିଲେ। ସେହିପରି, ବଜ୍ରାଘାତ ଏକ ସ୍ଥାନୀୟ ପ୍ରାକୃତିକ ବିପର୍ଯ୍ୟୟ ଘଟଣା। ଯାହା ଦୃତ ଗତିରେ ଜଳବାୟୁ ପରିବର୍ତ୍ତନ ର କାରଣ ଯୋଗୁଁ ବଢିଚାଲିଛି। ବଜ୍ରପାତ ପ୍ରତି ସତର୍କ ଓ ସୁରକ୍ଷା ବ୍ୟବସ୍ଥା ଦ୍ବାରା ନିଜକୁ ଏବଂ ନିଜର ପ୍ରିୟ ଲୋକଙ୍କୁ  ବଜ୍ରାଘାତ ଜନିତ ମୃତ୍ୟୁର ରକ୍ଷା  କରିବାରେ ସାହାଯ୍ୟ କରି ପାରେ ବୋଲି ଉପସ୍ଥିତ ଥୂବା ସମସ୍ତଙ୍କୁ ସୂଚନା ପ୍ରଦାନ କରି ଥିଲେ I ଏହି କାର୍ଯ୍ୟକ୍ରମରେ ଅତାବିରା ଉଚ୍ଚ ବିଦ୍ୟାଳୟର ଶିକ୍ଷକ ରବି ଗୁପ୍ତା ଓ  ଉଭୟ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗ କରିଥିଲେ ।