21-Jun-2025

ତୁଷୁରା (ପଞ୍ଚାନନ ନାଏକ) ବଲାଙ୍ଗୀର ଜିଲ୍ଲା ତୁଷୁରା ସହରର ସରକାରୀ ବାଳକ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ପ୍ରଧାନ ଶିକ୍ଷକ ହେମନ୍ତ କୁମାର ଦାଶଙ୍କ ଅଧ୍ୟକ୍ଷତାରେ ଅନ୍ତର୍ଜାତୀୟ ଯୋଗ ଦିବସ ଅନୁଷ୍ଠିତ ହୋଇ ଯାଇଛି। ଏଥିରେ ମୁଖ୍ୟ ଅତିଥି ଭାବେ ବିଶିଷ୍ଟ ସମାଜସେବୀ ରାଧାରମଣ କେଡିଆ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଯୁବ ସାମ୍ବାଦିକ ତଥା ରାଜ୍ୟ ଜୈନ ତେରାପନ୍ଥ ସଭାର ମିଡିଆ ପ୍ରଭାରୀ ମନୋଜ କୁମାର ଜୈନ ଯୋଗ ଦେଇଥିଲେ କହିଥିଲେ ଯେ, ଯୋଗ ଦ୍ବାରା ଲୋକେ ସୁସ୍ଥମୟ ଜୀବନ ବଞ୍ଚିପାରିବେ ବୋଲି ମତବ୍ୟକ୍ତ କରିଥିଲେ । ଯୋଗଗୁରୁ ସନ୍ତୋଷ କୁମାର ସାହୁ ଶିବିରାର୍ଥୀଙ୍କୁ ଯୋଗ ଶିକ୍ଷା ଦେବା ସହ  ପ୍ରତ୍ୟେକ ଦିନ ଅଭ୍ୟାସ କରିବା ପାଇଁ କହିଥିଲେ । ଅଖିଳ ଭାରତୀୟ ମାରୱାଡ଼ି ମହିଳା ସମ୍ମିଳନୀ ତୁଷୁରା ଶାଖାର ବାଳ ବିକାଶ ପ୍ରମୁଖ ଊଷା କେଡିଆଙ୍କ ନେତୃତ୍ବରେ ସଭାନେତ୍ରୀ  ଶାରଦା କେଡିଆ, ସମ୍ପାଦିକା ସୁଶୀଳା ଅଗ୍ରୱାଲ, ସଦସ୍ୟା ରାମା ଦେବୀ ଜୈନ, ମଞ୍ଜୁ କେଡିଆ ଓ ସ୍ବିଟି ଅଗ୍ରୱାଲ ପ୍ରମୁଖ ଶିବିରରେ ଯୋଗ ଦେଇ ଶିବିରାର୍ଥୀ ମାନଙ୍କୁ ବିସ୍କୁଟ ଓ ଫ୍ରୁଟ ଜୁସ୍ ବଣ୍ଟନ କରିଥିଲେ। ଶିକ୍ଷୟିତ୍ରୀ ରଞ୍ଜିତା ନାଗ ଓ ଆକାଂକ୍ଷା ରାଣୀ ଯୋଶୀ ସହଯୋଗ କରିଥିବା ବେଳେ ଶିକ୍ଷୟିତ୍ରୀ ବିନ୍ଦୁ ମାହାଣା ଧନ୍ୟବାଦ ଅର୍ପଣ କରିଥିଲେ।