14-Jun-2025

ବଲାଙ୍ଗିର- ବଲାଙ୍ଗୀର ସହର ମାଲପଡା ନିବାସୀ ଶାନ୍ତିଲତା ଦାସଙ୍କ ପରଲୋକ ହୋଇଯାଇଛି । ମୃତ୍ୟୁବେଳକୁ ତାଙ୍କୁ ୮୬ବର୍ଷ ହୋଇଥିଲା । ସେ ଗତ କିଛି ଦିନ ହେଲା ବାର୍ଦ୍ଧକ୍ୟଜନିତ ସ୍ୱାସ୍ଥ୍ୟସମସ୍ୟାରେ ପୀଡିତ ଥିଲେ । ଆଜି ଚିକିତ୍ସାଧୀନ ଅବସ୍ଥାରେ ଭୁବନେଶ୍ୱର ସ୍ଥିତ ଏକ ଘରୋଇ ଡାକ୍ତରଖାନାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ମୃତ୍ୟୁ ଶଯ୍ୟା ନିକଟରେ ପୁଅ ଆଡଭୋକେଟ ଅଶୋକ କୁମାର ଦାସ, ପ୍ରଦୀପ ଦାସ, ସୁଧାଂଶୁ ଶେଖର ଦାସ, ସୁନୀଲ ଦାସ ଓ ନାତି ଦେବାଶିଷ ଦାସ ଉପସ୍ଥିତ ଥିଲେ । ପୁରୀ ସ୍ୱର୍ଗଦ୍ୱାରେ ଶାନ୍ତିଲତାଙ୍କ ଶେଷକୃତ୍ୟ ସଂପନ୍ନ କରାଯାଇଛି । ବଡପୁଅ ଅଶୋକ ଦାସ ମୁଖାଗ୍ନି ଦେଇଥିଲେ । ସେ ଜଣେ ଆମାୟିକ, ଧର୍ମପ୍ରାଣ ଓ ସ୍ନେହୀ ମହିଳା ଥିଲେ । ତାଙ୍କ ପରଲୋକ ଖବର ପାଇ ପରିଚିତ ମହଲରେ ଶୋକର ଛାୟା ଖେଳି ଯାଇଛି ।