11-Jun-2025

୩୮ ୟୁନିଟ ରକ୍ତ ସଂଗ୍ରହ

ଅତାବିରା(ଆକାଶ ମିଶ୍ର): ଅତାବିରା ମାରୱାଡ଼ି  ସମ୍ମେଳନ ର ସଂପାଦକ ଉମେଶ ଅଗ୍ରୱାଲ ଙ୍କ ଅଧ୍ୟକ୍ଷତା ରେ  ଆଜି ଅତାବିରା  ଅଗ୍ରସେନ ଭବନ ଠାରେ  ମାରୱାଡ଼ି ଯୁବାମଞ୍ଚ ଓ ଜାଗୃତି  ଶାଖା ପକ୍ଷ ରୁ  ଏକ ରକ୍ତଦାନ ଶିବିର ଅନୁଷ୍ଠିତ ହୋଇଥିଲା । ଥାନା ଅଧିକାରୀ ପ୍ରକାଶ କର୍ଣ୍ଣ ମୁଖ୍ୟ ଅତିଥି ରୂପେ ଯୋଗ ଦେଇ ଏହି ଶିବିରକୁ ଉଦଘାଟନ  କରିଥିଲେ । ସକାଳ ୭ ଟାରୁ ଏହି ଶିବିର ଆରମ୍ଭ ହୋଇ ଅପରାହ୍ନ ଗୋଟାଏ ପର୍ଯ୍ୟନ୍ତ ଏହି ଶିବିର ଚାଲିଥିଲା । ସ୍ଵେଚ୍ଛାକୃତ ଭାବେ ୩୮ ଜନ ରକ୍ତଦାତା ରକ୍ତଦାନ କରିଥିଲେ । ବୁର୍ଲା ରକ୍ତ ଭଣ୍ଡାରରେ ରକ୍ତର ଅଭାବ ପରିଲକ୍ଷିତ କରି ହଠାତ୍ ଏହି ରକ୍ତଦାନ ଶିବିର ର ଆୟୋଜନ କରାଯାଇଥିବା ଜଣାପଡିଛି ।ବୁର୍ଲା  ରକ୍ତ ଭଣ୍ଡାର ରୁ ଚାରିଜଣ କର୍ମଚାରୀ ଆସି ରକ୍ତ ସଂଗ୍ରହ କରିଥିଲେ ।ଯୁବାମଞ୍ଚ ର ସଭାପତି ପୁଲକିତ ଅଗ୍ରୱାଲ  ପ୍ରାନ୍ତୀୟ ରକ୍ତଦାନ  ସଂଯୋଜକ ଅର୍ପିତ ବାଙ୍କା, ରକ୍ତଦାନ ସଂଯୋଜକ  ରାକେଶ ଅଗ୍ରୱାଲ,ଜାଗୃତି ଶାଖା ର ସଭାପତି ରେଖା ଅଗ୍ରୱାଲ ,ଯୁବା ମଞ୍ଚ ର ପୂର୍ବତନ ସଭାପତି ପବନ ଅଗ୍ରୱାଲ କାର୍ଯ୍ୟକ୍ରମ  ପରିଚାଳନା ଦାୟିତ୍ଵ ନିର୍ବାହ କରିଥିବା ବେଳେ  ପୀୟୂଷ ଅଗ୍ରୱାଲ, ଶିବମ୍  ଅଗ୍ରୱାଲ, ଅନିକେତ ଅଗ୍ରୱାଲ,,ଅନୁପ ଅଗ୍ରୱାଲ, ସଂଗୀତା ବାଂକା, ମଧୁ ବଲୋଦିଆ ,ସୁନିତା ଅଗ୍ରୱାଲ ପ୍ରମୁଖ ସହଯୋଗ କରିଥିଲେ ।