11-Jun-2025

ସିନ୍ଧେକେଲା(ଅନୀଲ କୁମାର ତ୍ରିପାଠୀ): ବଲାଙ୍ଗୀର ଜିଲ୍ଲା କୁରସୁଡ ସ୍ଥିତ ସିଏସଡି ସଭା ଗୃହ ଗୃହ ଠାରେ ପ୍ରାକୃତିକ କୃଷି ସମ୍ବନ୍ଧୀୟ ଏକ ପାଞ୍ଚ ଦିନିଆ ପ୍ରଶିକ୍ଷଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି । କାର୍ଯ୍ୟକ୍ରମର ଉଦଘାଟନ ସଭା ରେ ଡିପିଏମ (ଓଏଲଏମ) ଶ୍ରୀମତୀ ନିଳୀମା କୁଜୁର ମୁଖ୍ୟ ଅତିଥି ଭାବରେ  ଅଂଶଗ୍ରହଣ କରି କିପରି ଏହି କାର୍ଯ୍ୟକ୍ରମ ଟି ସଫଳ ହୋଇପାରିବ ତାହା ଉପରେ ଆଲୋକପାତ କରିଥିଲେ। ସଂଗଠନର ସମ୍ପାଦକ ମନୋଜ କୁମାର ପାଢ଼ୀ, ଉପସ୍ଥିତ ତାଲିମଧାରି ମାନେ କିପରି ଆଗାମୀ ଦିନରେ ଏହି କାର୍ଯ୍ୟକ୍ରମ କୁ ନିଜ ନିଜ କ୍ଲଷ୍ଟର ରେ ସଫଳତାର ସହିତ କାର୍ଯ୍ୟକାରୀ କରିପାରିବେ ତାହା ଉପରେ ଗୁରୁତ୍ୱ ଦେଇଥିଲେ। ଉକ୍ତ କାର୍ଯ୍ୟକ୍ରମ ରେ ବଲାଙ୍ଗୀର ଜିଲ୍ଲା ର ବଙ୍ଗୋମୁଣ୍ଡା ଓ ପାଟଣାଗଡ଼ ବ୍ଲକ ରୁ ୪୦ ଜଣ ସିଆରପି ଅଂଶଗ୍ରହଣ କରିଥିଲେ। ତାଲିମ ଦାତା ଭାବରେ ସି ଏସ ଡି ର ନିର୍ଦେଶକ ତଥା ନୋଡାଲ ଅଫିସର ସତ୍ୟଜିତ ପ୍ରତିହାରୀ । ଏଫ ଏମ ଟି ରଶିକ ପୁଟେଲ, ପ୍ରାକୃତିକ କୃଷି ଓ ଏଥି ପାଇଁ ଆବଶ୍ୟକ ଜୈବିକ ସାର, ବିହନ ବିଶୋଧନ ପ୍ରଣାଳୀ, କୀଟ ନାଶକ ଆଦି ଉପରେ ପୁଙ୍ଖାନୁପୁଙ୍ଖ ଆଲୋଚନା କରିଥିଲେ। ଅନୁଷ୍ଠାନ ର କର୍ମକର୍ତା ଚିତ୍ତରଞ୍ଜନ, କାର୍ତିକ, ଲମ୍ବୋଦର, ହରିପ୍ରିୟା ସନ୍ତୋଷ, ରାଜେନ୍ଦ୍ର, ଚଳେନ୍ଦ୍ର ଓ ଲବଣି ଉକ୍ତ କାର୍ଯ୍ୟକ୍ରମ କୁ ସଫଳତା ର ସହିତ ପରିଚାଳନା କରିଥିଲେ।