10-Jun-2025

- ସୋନପୁର (ମନୋରଞ୍ଜନ ତ୍ରିପାଠୀ)  ସାରା ଜିଲ୍ଲାର ବିଭିନ୍ନ ବ୍ଲକ ତଥା ଗ୍ରାମାଞ୍ଚଳ ଗୁଡିକରେ  ତଥା କଥିତ ସାମ୍ବାଦିକ ପରିଚୟ ଦେଇ ଜନସାଧାରଣଙ୍କୁ ଭୟ ଓ  ଭ୍ରମିତ କରୁଥିବା ନକଲି ସାମ୍ବାଦିକଙ୍କ ଦୌରାତ୍ମ୍ୟ ବଢ଼ିବାରେ ଲାଗିଛି.। ଏହି ତଥା କଥିତ ନକଲି ସାମ୍ବାଦିକ ବିଭିନ୍ନ କାର୍ଯ୍ୟାଳୟ ତଥା ବିଭିନ୍ନ ଠିକା ସଂସ୍ଥା, ସମସ୍ୟା ରେ ପୀଡିତ ବ୍ୟକ୍ତି ବିଶେଷ ଙ୍କୁ ପ୍ରଲୋଭିତ, ଭୟଭୀତ କରି ଟଙ୍କା (ଚାନ୍ଦା ) ମାଗିଥାନ୍ତି ଯାହା ସମ୍ପୂର୍ଣ୍ଣ ବେଆଇନ ଓ ଅପରାଧିକ । ନିଜେ ନିଜର ପରିଚୟ ସୃଷ୍ଟି ପାଇଁ ଏବେ ଯେଉଁମାନେ ନିଜର ବ୍ୟକ୍ତିଗତ ମୋବାଇଲରେ ୟୁଟୁଭ ଚେନେଲ୍ ଖୋଲି  ବିଭିନ୍ନ ସମସ୍ୟା, ବ୍ୟବସ୍ଥା ତଥା ଖବର ସୋସିଆଲ ମିଡିଆରେ ଦେଉଛନ୍ତି ସେମାନେ ସାଧାରଣତଃ ୟୁଟ୍ୟୁବର ଅଟନ୍ତି ଅନ୍ୟ ପକ୍ଷରେ ଏମାନେ କେବେବି ସାମ୍ବାଦିକ ନୁହନ୍ତି। ଜିଲ୍ଳାପ୍ରଶାସନ କିମ୍ବା ରାଜ୍ୟ ସରକାର ଏମାନଙ୍କୁ ସାମ୍ୱାଦିକ ବୋଲି ଗଣନା କରେନି କିମ୍ବା ଏମାନଙ୍କ ପାଇଁ ଆଦୌ କୌଣସି ଵୀମା ବା ସୁରକ୍ଷା ବ୍ୟବସ୍ଥା ନାହିଁ କାରଣ ଏମାନେ କୌଣସି ରେଜିଷ୍ଟ୍ରେଟ୍ ଗଣ ମାଧମ ସଂସ୍ଥାର ନୁହେଁ l ଅନ୍ୟ ପକ୍ଷରେ ଜିଲ୍ଲାରେ କାର୍ଯ୍ୟରତ ସାମ୍ବାଦିକ ସମସ୍ତେ ଜାତୀୟ କିମ୍ବା ରାଜ୍ୟ ସରକାରଙ୍କ ଦ୍ୱାରା ସ୍ୱୀକୃତିପ୍ରାପ୍ତ ଖବର କାଗଜ ଅଥବା ବୈଦ୍ୟୁତିକ ଗଣମାଧ୍ୟମ ସରବରାହ ସଂସ୍ଥା ଦ୍ୱାରା ଗଣମାଧ୍ୟମ ସଂସ୍ଥାର ଵିଧି ବ୍ୟବସ୍ଥାରେ ନିୟୋଜିତ ହୋଇଥାନ୍ତି  I ସେଥିପାଇଁ ନିୟୋଜନ ଗଣମାଧ୍ୟମ ସଂସ୍ଥା ସେମାନଙ୍କ ପ୍ରତିନିଧିଙ୍କୁ ସମସ୍ତପ୍ରକାର ସରକାରଙ୍କ ଵିଧି ବ୍ୟବସ୍ଥାକୁ ଉପଲବ୍ଧ କରାଇବାକୁ ଜିଲ୍ଲା ପ୍ରଶାସନକୁ ଆବଶ୍ୟକ ଡକୁମେଣ୍ଟ ଦେଇଥାନ୍ତି ଯଦ୍ୱାରା ସେମାନଙ୍କୁ ଜିଲ୍ଲାସ୍ତରରେ ଆବଶ୍ୟକ ସୁବିଧା ଉପଲବ୍ଧ କରାଯାଇଥାଏ।  ସଧାରଣ ଲୋକେ ବି ଜାଣିବା ଉଚିତ ଯେ କିଏ ନକଲି ଓ କିଏ ଅସଲି ସାମ୍ୱାଦିକ l ପ୍ରିଣ୍ଟ ମିଡ଼ିଆ ଓ ରେଜିଷ୍ଟ୍ରେଟ୍ ଟିଭି ଚ୍ୟାନେଲର ପ୍ରତିନିଧି ମାନେ ହିଁ ପ୍ରକୃତ ଅସଲି ସାମ୍ୱାଦିକ l ଖବର କାଗଜ ମାନଙ୍କର ଓ   ଟିଭି ଚେନେଲ୍ ମାନଙ୍କ ମାଲିକ ବା ଏଡ଼ିଟର କୌଣସି ଅଞ୍ଚଳ ବା ଜିଲ୍ଲା ରେ ଜଣଙ୍କୁ ନିଯୁକ୍ତି ଦେବା ପୂର୍ବରୁ ସେ ଅଞ୍ଚଳର ଥାନାରୁ ଆବେଦନ କାରୀଙ୍କ କ୍ୟାରେକ୍ଟର ସାର୍ଟିଫିକେଟ ମାଗନ୍ତି l ଜିଲ୍ଳାରେ କାର୍ଯ୍ୟରତ ସାମ୍ୱାଦିକଙ୍କ ନିଯୁକ୍ତି ପତ୍ର ଗଣ ମାଧ୍ୟମ ସଂସ୍ଥାର କତୃପକ୍ଷ ସମ୍ପୃକ୍ତ ଜିଲ୍ଲାର ଜିଲ୍ଲପାଳ,ଏସପି     ଓ ଜିଲ୍ଲା ସୂଚନା ଲୋକ ସମ୍ପର୍କ ଅଧିକାରୀଙ୍କ ପାଖକୁ  ବିଧି ବ୍ୟବସ୍ଥା ସହ ନିଯୁକ୍ତି ପତ୍ର ପ୍ରଦାନ କରନ୍ତି l  ଯାହାଦ୍ୱାରା ସେହି ସାମ୍ବାଦିକଙ୍କ ନିଯୁକ୍ତି କୁ ଜିଲ୍ଲା ପ୍ରଶାସନ ଦ୍ୱାରା ବୈଧଭାବେ ଗ୍ରହଣ କରାଯାଇଥାଏ l ଏଣୁ ଅସଲି ପରିଚୟ ନେଇ ଘୁରି ବୁଲୁଥିବା ନକଲି ସାମ୍ବାଦିକଙ୍କ ସେପରି ଖବର ପାଇଲେ ଜନସାଧାରଣ ନିକଟସ୍ଥ ପୋଲିସକୁ ଖବର କରିବାକୁ ଅନୁରୋଧ l କାରଣ ସୋନପୁର ସମେତ ବିଭିନ୍ନ ଅଞ୍ଚଳ ରେ ଅନେକ ସମୟରେ ନକଲି ସାମ୍ୱାଦିକ ମାନେ ଧରା ପଡି ନାନା ପ୍ରକାର ହିନସ୍ଥା ହଟହଟା ହେବା ସହରରେ ତଥା ଅଂଚଳରେ ଚର୍ଚ୍ଚା ହେଉଛି l ଏହାର ଉଦାହରଣ ସ୍ୱରୂପ ଗତ କାଲି ସୋନପୁର ତେଲ ନଦୀ ରିଙ୍ଗ ରୋଡ ପାର୍ଶ୍ୱ ରେ ଥିବା ରୋଗୀ ଆଶ୍ରମ ( ନାରାୟଣ ଆଶ୍ରମ) କୁ କିଛି ନକଲି ସାମ୍ୱାଦିକ ପହଞ୍ଚି ନିର୍ମାଣ ଧିନ ଗୃହ କାର୍ଯ୍ଯ ର ମାନ ଠିକ୍ ନ ଥିବା କହି ଧମକ ଚମକ ଦେଇ ଚାନ୍ଦା ମାଗିଥିବା ଚର୍ଚ୍ଚା ହେଉଛି l ଠିକାଦାର ଓ ତାଙ୍କ ସହଯୋଗୀ ତୁରନ୍ତ ପହଞ୍ଚି ନକଲି ସାମ୍ୱାଦିକ ଙ୍କୁ ଚିହ୍ନଟ କରି  କରିଥିଲେ l ଓ ଏ ନକଲି ସାମ୍ୱାଦିକ ଙ୍କୁ  ଖୁବ ହଟହଟା କରି ଥିବା ଚର୍ଚ୍ଚା ହେଉଛି l   ଯାହା  କି ଏଭଳି ସ୍ଥିତି ରେ ଜିଲ୍ଲାର କାର୍ଯ୍ୟରତ ପ୍ରକୃତ ସାମ୍ୱାଦିକଙ୍କୁ ଅପମାନିତ ଓ ନିନ୍ଦିତ ହେବାକୁ ପଡୁଛି l ଏଣୁ ଏଭଳି ନକଲି ସାମ୍ୱାଦିକଙ୍କ ପ୍ରାଦୁର୍ଭାବ ଓ ଅସାମାଜିକ କାର୍ଯ୍ଯକୁ ସୋନପୁର ର ଓଡ଼ିଶା ସାମ୍ୱାଦିକ ସଂଘ, ୱେବ୍ ମିଡିଆ ସଂଘ ଓ ଜିଲ୍ଲା ସାମ୍ବାଦିକ ସଂଘର କର୍ମକର୍ତା ଦୃଢ଼ ନିନ୍ଦା କରିବା ସହ ଏଭଳି ଅସାମାଜିକ କାର୍ଯ୍ଯ ରୋକିବା ଲାଗି ଖୁବ୍ ଶୀଘ୍ର ଜିଲ୍ଲା ପ୍ରଶାସନ ତରଫରୁ ସାମ୍ୱାଦିକ ତାଲିକାକୁ ଯାଞ୍ଚ କରି ଅସଲି ତାଲିକାକୁ ସାର୍ବଜନୀନ କରିବାକୁ ଦାବୀ ହେଉଛି l