22-Jan-2021

ବଲାଙ୍ଗିର, (ପ୍ରେରଣା ଖବର): ଆଜି ସନ୍ଧ୍ୟାରେ ମାହେଶ୍ଵରୀ ଅନୁଷ୍ଠାନରେ ମାହେଶ୍ଵରୀ ର ମୁଖ୍ୟ ଉପଦେଷ୍ଟା ବିଶିଷ୍ଟ ସମାଜସେବୀ  ଲଲିତ ନାୟକଙ୍କ ଦେହାନ୍ତରେ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇ ଯାଇଛି। ଏହି ସଭା ରେ ସ୍ବର୍ଗତ ନାୟକ ଙ୍କ ସ୍ମୃତି ଚରଣ ଓ ତାଙ୍କର ବିରଳ ବ୍ୟକ୍ତିତ୍ଵ ଉପରେ ସଦସ୍ୟ ମାନେ ଆଲୋକପାତ କରିଥିଲେ। ସେ ଥିଲେ ସର୍ବହରାଙ୍କ ସାହାରା l ଛାତ୍ର ରାଜନୀତିରୁ ଆରମ୍ଭ ହୋଇ ଅନୁନ୍ୟ ୫୦ ରୁ ଅଧିକ ସଂଘ ର ନେତୃତ୍ୱ ନେଇଥିଲେ ଲଳିତ ନାୟକ l ସେ  ଥିଲେ ମୁକୁଟ ବିହୀନ ସମ୍ରାଟ। ତାଙ୍କ ବିୟୋଗରେ  ଯେଉଁ ଶୂନ୍ୟସ୍ଥାନ ସୃଷ୍ଠି ହେଲା ତାହା ଅପୂରଣୀୟ। ଏହି ଦୁଃଖ ରୁ ବାହାରି ପାରି ନଥିବା ବେଳେ ହଠାତ୍ ଆଉ ଏକ ଦୁଃଖଦ ଖବର କ୍ରମରେ କୁଡ଼ାସିଂହା ଶାଖା ସଭାପତି  ଚିତ୍ତରଞ୍ଜନ ପଧାନଙ୍କ ଅକାଳ ବିୟୋଗ ଘଟିଛି।ମାହେଶ୍ଵରୀ ପରିବାର ପାଇଁ ଏହି ୨ ଅମୂଲ୍ୟ ଜୀବନ ର ଅସମୟ ପରଲୋକ ସମସ୍ତଙ୍କୁ ମର୍ମାହତ କରିଛି ବୋଲି ମାହେଶ୍ୱରୀ ପକ୍ଷରୁ କୁହାଯାଇଛି l ମାହେଶ୍ୱରୀ ର ମାର୍ଗଦର୍ଶକ ତଥା ମୁଖ୍ୟ ଉପଦେଷ୍ଟା ବିଶିଷ୍ଟ ସମାଜସେବୀ ଲଲିତ ନାୟକ ଓ କୁଡ଼ାସିଂହ ଶାଖା ସଭାପତି ଚିତ୍ତରଞ୍ଜନ ପଧାନଙ୍କ ଆତ୍ମ ର ସତଗତି କାମନା କରୁଛୁ।  ଶ୍ରୀ ନାୟକଙ୍କ ସ୍ମୃତି ରକ୍ଷା ନିମନ୍ତେ ମାହେଶ୍ଵରୀ ପରିବାରର ନିଷ୍ପତ୍ତି କ୍ରମେ ପ୍ରତି ବର୍ଷ ମାହେଶ୍ଵରୀ ର ବାର୍ଷିକ ଉତ୍ସବରେ ଜଣେ ସମାଜସେବୀଙ୍କୁ ଲଲିତ ନାୟକ ସମ୍ମାନ ଓ ମେଗା ରକ୍ତଦାନ ଶିବିର ଆୟୋଜନ କରିବାକୁ ନିଷ୍ପତ୍ତି ହୋଇଛି। ଆଜି  ବଲାଙ୍ଗୀର ମାହେଶ୍ଵରୀ ର ସମସ୍ତ ଶାଖା କୁଡାସିଂହ, ଆଗଲପୁର, ଲୋଇସିଂହା, ବିଜେପୁର ଏକ ସାଙ୍ଗ ରେ ଦୀପ ପ୍ରଜ୍ବଳନ କରି ଆମର ଆତ୍ମା ର ସାତଗତି କାମନା କରିଥିଲେ । ଏହି ସଭା ରେ ମାହେଶ୍ଵରୀ ର ଉପଦେଷ୍ଟା  ଲୋଟସ ଷଡ଼ଙ୍ଗୀ, ବ୍ୟାସଦେବ ନନ୍ଦ, ଦିନେଶ ଶର୍ମା, ଲଲିତ ସାହୁ, ମାହେଶ୍ଵରୀ ର ମୁଖ୍ୟ ପରିଚାଳକ ଅଙ୍କୁଶ କୁମାର୍ ପାଣ୍ଡିଆ, ସଭାପତି ଶୋଭନ ଅଗ୍ରୱାଲ, ମହିଳା ଶାଖା ର ସଂଯୋଜୀକା ସୋନିଆ ବେଜ, ସହ ସଂଯୋଜିକ, ପ୍ରିୟଙ୍କା ପଟ୍ଟନାୟକ ଓ ମାହେଶ୍ଵରୀ ପରିବାର ସମସ୍ତ ସଦସ୍ୟ ଉପସ୍ଥିତ ଥିଲେ।