03-Jun-2025

ବରୀ(ରଞ୍ଜିତ ମହାନ୍ତି):  ଜଳସମ୍ପଦ ବିଭାଗ ଅଧୀନ ରଜାତୋଟା ପୋଲ ନିକଟରେ ନ‌ଦୀ ଅତଡ଼ା ଖସି ଘାଇ ସୃଷ୍ଟି ହୋଇଛି। ଏହି ଘାଇ ଦେଇ ବର୍ଷାପାଣି ଜଳସମ୍ପଦ ବନ୍ଧରୁ ନଦୀକୁ ଗଡ଼ିବାରୁ ଘାଇ ଗୁଡିକ ବଡ଼ବଡ଼ ଗାତରେ ପରିଣତ ହେଲାଣି। ଏଠାରେ ପଥର ପ୍ୟାକିଂ କରାନଗଲେ ଗମନାଗମନ ର ଅନ୍ୟତମ ସମୟରେ ମାଧ୍ୟମ ବରୀ-ଅନ୍ୟାସୀପୁର ନଦୀ ବନ୍ଧର ଭବାନୀ ପୁର ଅଂଶରେ କ୍ଷତି ପହଁ ପହଁଞ୍ଚାଇବ ବୋଲି ବାଲି ଆକଳନ କରାଯାଉଛି। ବ୍ରାହ୍ମଣୀରେ ବନ୍ୟା ଜଳ ଆସିବା ନିକଟରେ ହୋଇଥିବା ପୋଲ ଖମ୍ବରେ ପାଣି ପିଟି ହୋଇଥାଏ। ଫଳରେ ଏହାର ପ୍ରତିକ୍ରିୟା ସ୍ବରୂପ ପୋଲ ପୂର୍ବରୁ ଦୁଇ କଡ଼ ପ୍ରଭାବିତ ହୋଇଥାଏ। ବିଶେଷ ଭାବରେ ଅଧୂକ ପାଣି ଗତି କରୁଥିବା ରଜାତୋଟା ବା ଭବାନୀପୁର ଅଞ୍ଚଳରେ ଏହାର ପ୍ରଭାବ ଦେଖିବାକୁ ମିଳିଥାଏ। ଏହି ଅଞ୍ଚଳରେ ଥିବା ପୁରୁଣା ନଦୀବନ୍ଧରେ ସ୍ଥାନେ ସ୍ଥାନେ ଘାଇ ସୃଷ୍ଟି କରିଥାଏ । ଚଳିତ ବର୍ଷା ଋତୁ ପୂର୍ବରୁ ଏହାର ମରାମତି କରାଯାଇ ନାହିଁ । ବର୍ତ୍ତମାନ ନଦୀରେ ପାଣି ନଥିବାରୁ ଏହି ଅସୁବିଧା ନଜର ଆଢୁଆଳରେ ରହିଯାଉଛି। ନ‌ଦୀରେ ପାଣି ଆସିଲା ପରେ ପ୍ରଥମେ ଏହି ଅଂଶରେ ଘଳିଆ ପଡ଼ିବାର ଯଥେଷ୍ଟ ସମ୍ଭାବ ମ୍ଭାବନା ରହିଛି। ବଡବଡ ଗର୍ଭ ସୃଷ୍ଟି ହୋଇଥିବା କୂଳର ଏହି ଅଂଶରେ ପାଣି ପ୍ରବେଶ କଲେ ତାହା ନଦୀ ବନ୍ଧ ପ୍ରତି ବିପଦ ସୃଷ୍ଟି କରିବ ବୋଲି ଆଶଙ୍କା କରି ତୁରନ୍ତ ପ୍ରତିକାର ସ୍ୱରୂପ ପଥର ପ୍ଯାକିଂ କରିବା ପାଇଁ ସାଧାରଣରେ ଦାବି ହେଉଛି।