02-Jun-2025

ଅତାବିରା(ଆକାଶ ମିଶ୍ର): ବରଗଡ଼ ଜିଲ୍ଲା ଅନ୍ତର୍ଗତ ଅତାବିରା  ବ୍ଲକ  ୫୩ ନଂ ଜାତୀୟ ରାଜପଥ  କଡ଼ରେ ଅବସ୍ଥିତ  ରେଙ୍ଗାଳିକ୍ୟାମ୍ପ ପେଟ୍ରୋଲ ପମ୍ପ ଠାରେ ଦେବାହାଳ ଗ୍ରାମର ଶିଶୁପାଳ ବାରିକ୍ ଙ୍କ ଟ୍ରାକ୍ଟର ନଂ ଓଡି ୧୭ ଇ ୨୬୧୪ ରେ ତାଙ୍କର ଏକ ଧନକଟା ଯନ୍ତ୍ର ବୋଝେଇ ହୋଇ ରହିଥିଲା । ପ୍ରକାଶ ଥାଉ କି ବର୍ତ୍ତମାନ ରବି ଫସଲ ଅମଳ ସମୟରେ  ଏହି  କୃଷି ଯନ୍ତ୍ରପାତି ଗୁଡ଼ିକର  ନିତିଦିନିଆ ଭାବରେ ବ୍ୟବହାର ହେଉଥିବାରୁ  ଏହି ପେଟ୍ରୋଲ ପମ୍ପ ରେ କିଛିଦିନ ଧରି ନିତି ପ୍ରତି ଭାବେ ରହୁଥିଲା ।ଏହାର ସୁଯୋଗ ନେଇ ଗତ କାଲି ରାତି ପ୍ରାୟ ୩ ଟାରେ  ଜନୈକ ଚୋର ଚୋରି କରି ନେଇଯାଇଛି ।ଆଜି ସକାଳେ  ଯେତେବେଳେ ଗାଡି ମାଲିକ  ତାଙ୍କ ଗାଡ଼ି ସେଠାରେ ନଥିବା ଖବର ପାଇଥିଲେ, ସଙ୍ଗେ ସଙ୍ଗେ ଅତାବିରା ପୋଲିସ କୁ ଖବର ଦେଇଥିଲେ ।ଖବର ପାଇ ଅତାବିରା ପୋଲିସ   ଏହାର ଅନୁସନ୍ଧାନ କାର୍ଯ୍ୟରେ ଲାଗିଥିଲା ।ଥାନା ଅଧିକାରୀ ପ୍ରକାଶ କର୍ଣ୍ଣ  ସଦଲ ବଳେ ପହଞ୍ଚି  ସି ସି କେମେରା  ଫୁଟେଜ କୁ ଦେଖି  ଚୋର ଛତିଶ ଗଡ଼ ଅଭିମୁଖେ ଯାଉଥିବା ଜଣା ପଡ଼ିଛି । ବରାହଗୋଡା  ଟୋଲ ଗେଟ ,ବରଗଡ଼ ହଲଦିପାଲି ଛକ ରେ ଲାଗିଥିବା ସରକାରୀ ସି ସି କେମେରା ରେ ଫୁଟେଜ ରେ ସିଧା ସଳଖ ଛତିଶ ଗଡ଼ ଅଭିମୁଖେ ଚୋର ଚୋରି ଜିନିଷ ସହ ଯାଉଥିବା  ପ୍ରମାଣ ମିଳିଛି । ଚୋରା କୁ ଧରିବା ପାଇଁ ଅତାବିରା ପୋଲିସ ଏବଂ ମାଲିକ  ସରେଇପାଲି ପର୍ଯ୍ୟନ୍ତ ଚୋର କୁ ଅନୁସରଣ କରି କରି ଚାଲିଥିଲେ ।କିନ୍ତୁ ସେଠାରୁ ଆଉ  ଆଗକୁ ସି ସି କେମେରା  ବଂର୍ଡ ଥିବାରୁ  ଚୋର ଆଗକୁ କେଉଁ ରାସ୍ତା ଧରିଛି ତାର କିଛି ଜଣା ପଡୁନି ।ତେବେ ପୋଲିସ ଛତିଶ ଗଡ ଓ ମଧ୍ୟ ପ୍ରଦେଶ ପୋଲିସ କୁ ଖବର ଦେବା ସହ  ଚୋର କୁ ଧରିବା ପାଇଁ  ପ୍ରୟାସ ଜାରି ରଖିଛି । ଚୋରି କରି ନେଉଥିବା ଚୋର ର ଚେହେରା ଫେତେଜ୍ ଅନୁସାରେ ସ୍ପଷ୍ଟ ଜଣା ପଡୁ ନଥିଲେ ମଧ୍ୟ ଚୋର ବୁଟ୍ ସୁଟ ରେ ଥିବା ଜଣାପଡିଛି ।ଚୋରି ଜିନିଷ  ଆନୁମାନିକ ମୂଲ୍ୟ  ୨୦ ଲକ୍ଷ ରୁ ଅଧିକ ବୋଲି ମାଲିକଙ୍କ ଠାରୁ ଜଣାପଡିଛି । ଏ ଯାଏଁ ଚୋର ଧରା ପଡିନି। ତଦନ୍ତ ଜାରି ରହିଛି ।